《CTT出頭天園地》

 | | | 轉寄

I-sap 寓言 21

作者 TLH 2007.07.08

21. Tshīng Sai-phuê ê Lî-á

Tsi̍t-tsiah lî-á khuàⁿ-tio̍h tsi̍t-niá sai-phuê. He si phah-la̍h ê lâng nê tī guā-kháu beh pha̍k hō͘ ta--ê. Tsit-tsiah lî-á kā hiahN khí-lâi tshīng. Tuā-pān tuā-pān kiâⁿ tńg-khì i tuà ê tsng--ni̍h. Kiâⁿ kàu-uī ê sî, tsng--ni̍h ê lâng kap tsing-seⁿ lia̍h-tsún i sī tsin-tsiàⁿ ê sai, longkiaN2 kàu phi̍h-phi̍h-tshuah, siám kàu bô khuàⁿ kìⁿ iáⁿ. I kám-kak tsin iāng, tsin hong-sîn. Tsi̍t huaⁿ-hí, tsiū khui-tshuì kiò tshut-siaⁿ.

Tsit-sî, tāi-ke tsiah huat-hiān guân-lâi sī i. Tsú-lâng khí-mo͘ bái, tsiū giâ kùn-á kā kòng. Tsi̍t-tsiah hô͘-lî uá-khì i ê sin-piⁿ kā kóng, “Thiaⁿ lí ê siaⁿ tsiū tsai-iáⁿ lí sī sím-mi̍h lâng.”

Suí-saⁿ ē-tit-thang jia lâng ê ba̍k, m̄-kú giân-gí ē sia̍p-lāu gōng-lâng ê tsin bīn-bo̍k.