《CTT出頭天園地》

 | | | 轉寄

I-sap 寓言 22

作者 TLH 2007.07.15

22. Lí-hîng ê Lâng kap Hîm

Nn̄g-ê lâng tsò-hué khì lí-hîng, kiâⁿ-kuè tshiū-nâ ê sî-tsūn, tsi̍t-tsiah hîm hiông-hiông tsông--tshut--lâi. Kiâⁿ tī thâu-tsîng hit-ê suî peh tsiūⁿ tshiū-á, kā ka-kī tshàng tiàm tshiu-ue--ni̍h. Līng-guā hit-ê bē-hù thang siám-pī, tsiū kui-sin-lâng phiaⁿ-lo̍h-khì phak tī thô͘-kha.

Hîm tsông lâi kàu i sin-piⁿ, àⁿ lo̍h-khì kā phīⁿ-phīⁿ leh, kan-ta iô-thâu, “Hô͘ⁿ” tsi̍t-siaⁿ, tsiū lī-khui.

Tshiū-tíng hit-ê lo̍h--lâi, kiâⁿ uá i ê tông-phuāⁿ, tshiò-tshiò-á kā mn̄g-kóng, “Hit-tsiah Hîm--sian--siⁿ tàu-té tuì lí kóng sím-mi̍h?” “I kā guá kóng, tī guî-hiám ê sî, tsò i liu-suan ê pîng-iú, tsua̍t-tuì m̄-thang koh kap i kau-puê.”