《CTT出頭天園地》

 | | | 轉寄

I-sap 寓言 28

作者 TLH 2007.08.26

28. Bé-á kap Lî-á

Bé-á kap Lî-á tâng-tsê tuè tsú-lâng tshut-mn̂g. Bé-á tshīng-tshah tsin suí, iân-lō͘ kiâⁿ iân-lō͘ thiàu-lāng, sim-tsîng tsin khin-sang. Lî-á phāiⁿ tāng-mi̍h tsin tsia̍h-la̍t, iân-lō͘ kiâⁿ, iân-lō͘ phīⁿ-phēⁿ tshuán, sim-tsîng tsin ut-tsut.

Lî-á thó͘ tsi̍t-ê tuā-khuì, án-ne kā Bé-á kóng, “Guá nā-sī lí tsiū hó lah! Kui-kang tsia̍h-pá-pá, îng-sian-sian, koh thang tshīng kàu suí-tang-tang.”

Tē-jī-kang, ū tsi̍t-tiûⁿ tuā tsiàn-ia̍h. Siōng bué-pái tshut-tsiàn ê sî, Bé-á tio̍h tāng-siong, tó tī lō͘-piⁿ, teh-beh sí lah. Lî-á kiâⁿ tuì hia kuè, khuàⁿ-tio̍h Bé-á kan-ta tsun tsi̍t-tiám-á khuì-si-á, kám-kak i tsin khó-liân.

“Guá tshò lah,” Lî-á kóng, “Iáu-sī pîng-huân khah an-tsuân!”