《CTT出頭天園地》

 | | | 轉寄

I-sap 寓言 31

作者 TLH 2007.09.16

31. Hô͘-lî kap Suaⁿ-iûⁿ

Hô͘-lî pháiⁿ-ūn pua̍h-lo̍h tshim-tséⁿ, thiàu bē tshut--lâi.

Bô juā-kú, suaⁿ-iûⁿ tuì hia kiâⁿ--kuè, mn̄g Hô͘-lî tī ē-bīn teh tshòng siáⁿ.

“O͘h, lí kiám bô thiaⁿ lâng kóng?” Hô͘-lî án-ne kā ìn, “Beh khó-huāⁿ lah! Guá m̄-tsiah ē thiàu-lo̍h-lâi tsia. Tī tsia bián kiaⁿ ē bô tsuí. Lí ná m̄ tâng-tsê lâi?”

Suaⁿ-iûⁿ tsim-tsiok khó-lī tsi̍t-ē-á, tsiū thiàu-ji̍p tséⁿ-lāi. Hô͘-lî suî peh-tsiūⁿ i ê kha-tsiah-phiaⁿ, kha ta̍h i ê tn̂g-kak, tsiū án-ne thiàu-tshut tséⁿ guā.

“Tsài-huē lah! Pîng-iú!” Hô͘-lî kóng, “āu-pái ài ē kì--tit, “Tshian-bān m̄-thang siong-sìn lo̍h-lān ê lâng.”