《赤崁樓ê情phoe》

 | | | 轉寄

Tshùi Kô͘kô͘ ê Tshunthiⁿ ——Suliām thâu tsi̍t pún sitsi̍p 《Niû’á Tāu ê Tshunthiⁿ》

作者 Kua Pik'êng 2021.06.13



Tsa̍p-jī gue̍h sngléng thiⁿ
Tsiamtsiam ê hong
Siā lo̍h sihsih tsùn
Mā siā nńg tsho͘ióng ê kutba̍k
Pái‧ leh pái‧ leh tshê‧ leh tshê‧ leh
Tòe bē tio̍h lí
Kiông koh ū la̍t ê ūnkha

Siàuliām lí tshiò’iông ê jia̍ttō͘
Kiantēng ê kuasiaⁿ

Tsi̍t tiuⁿ o͘ló͘bo̍ktsè ê
Lēnghû’á
Kankan’á tshiò ê bīnkhing
Khui tshùi
Kā goán ê bāng
Suh ta

Góa kiukiu un tī thihthang lāi
Àm’àm’á suliām lí ê miâ,
"Niû’á tāu ê tshunthiⁿ
Niû’á tāu ê……"
Jú liām jú nńg
Jú nńg jú po̍h

Jia̍t kún ê tshiò’iông kiatping
Kiantēng ê kuasiaⁿ kian tēng

Thàu tiongtàu ê tsa̍p-jī gue̍h thiⁿ
Nâ kah hoán o͘
Thiⁿténg bóe tsi̍t tah hibî ê khangtshùi
Tiāmtiām sak lo̍h tsi̍t lia̍p
Tshunthiⁿ
Tshùi kah iûⁿ kô͘kô͘

——2009 nî siá tī tē gō͘ pái kásik pok hôe kehtńgkang
Tsù, tē it pún sitsi̍p 《 Niû’á Tāu ê Tshunthiⁿ 》2007/8 tshutpán