《赤崁樓ê情phoe》

 | | | 轉寄

Hòngtáⁿ Bûntsiong Piàⁿmiā Tsiú ──Siōng Iâmhūn tētài bûngē iâⁿ

作者 Kua Pik'êng 2021.09.26



Tng hongtshia thâu kôankôan pháng khí
Tsi̍t ki Iâmhūn tētài bûngē kî
Thêngthêng tèng lo̍h lâm Khunsin biōtiâⁿ
Bē iô bē khi hiòng kàigiâm tshiàng siaⁿ

Múi tsi̍t nî ji̍tthâu hó͘ tshut lông
Tsi̍t kûn bûnha̍k lênghûn thiàutōng
Kingkah sio phēng tshiúpôaⁿ sio tha̍h
Ká khí kúnkún hôtsêng
Iâmtshân tsò tsóa
Háihong tsò pit
Ôliâu tàu phòe sik
Kiâmkiâm ê ba̍ktsúi ùn khókhó ê táⁿtsiap
Koàn pá Tâioân ê hingkhám

Saⁿ tsa̍p nî hongtshia thâu pháng bô thêng
Phah sí bô thè ê bīntshiuⁿ
Kik tshut tsi̍t àng tînnî ê hòngtáⁿ bûntsiong piàⁿmiā tsiú

Tsù："Hòngtáⁿ bûntsiong piàⁿmiā tsiú" tsi̍t ê sû, ín’iōng Iâmhūn tētài Tâigí sijîn N̂g Kēngliâm tsiânpòe ê Tâigí sànbûn phianmiâ.