《赤崁樓ê情phoe》

 | | | 轉寄

Iâm Sú Siusû Tsa̍p Khò

作者 Kua Pik'êng 2021.10.31



Tsi̍t lia̍p tsi̍t lia̍p iâm
Tsi̍t tih tsi̍t tih kōaⁿ
Tsi̍t sûn tsi̍t sûn jiâubûn
Tsi̍t tǹg tsi̍t tǹg jīnhūn
Sī pâipí

Tsi̍t-phiàn pe̍h siaksiak ê kîpôaⁿ
Iâmkang ēng iâmpê'á kiâⁿkî
Sī tsoánhòa

Tsi̍t sian uan'io pê iâm ê tiausiōng
La̍t kap bí ê kiatha̍p
Sī siōngting

Ji̍tthâu hē kha
Tsi̍t tsō sìⁿmiā ê kiattsing siámsiám sihsih
Sī tsiohtāi

Apa ēng kutla̍t kng sántshiah
Abú ēng khînkhiām tshī bīlâi
Sī tùingó͘

Tshutgōa phahpiàⁿ ê kiáⁿsun
Tsian hî bē kìtit sīⁿiâm
Sī tòhoán

Tshitkó͘ ê khongkhì
Jú lâi jú tsiáⁿ‧ah
Sī tsoánphín

Tsi̍t àng iâmàng'á
Té saⁿ pah saⁿ tsa̍p peh tang ê tìhūi kap huehkōaⁿ
Sī khuasik

Pe̍hlēngsi, lí kiu tsi̍t ki kha
Kám sī leh tshikliông thiⁿ tē ê kiâmtō͘?
Sī siatmn̄g

Tsi̍t tè "kuankong iâmtshân" tsiopâi
Tsi̍t kûn ha̍ksing gín'á lôlô ê ba̍ktsiu 　
Sī------