《赤崁樓ê情phoe》

| | | 轉寄

Siû Miā



Tī tsit tè khiónghat sī ha̍phuat
Tsauthat sī tsètō͘
Khausé sī tsèngtong ê
Jia̍tnāu ê lênghûn phahng tē
Lâng ê tsungiâm
Tshintshiūⁿ tshiu bóe ê lo̍h hio̍h
Un tī lō͘kô͘bê’á‧lin
Kùtsāi uikoân la̍p lâi la̍p khì

Tī tsit khut
Ko͘tuaⁿ jú lâi jú hiaupai
Tse̍kbo̍k jú lâi jú tshàngtshiu ê
Àm sàm tōng
Ēng jiâubûn kiáu lām thunlún tsìmphàu ê bīn té phôe
Tsí putkò sī ok tsè so îⁿ liap píⁿ ê
Tshitthô mi̍h

Pûi tsuttsut ê léngtām tsi̍t gia̍h kha
Tiō tùi thàutsá hāⁿ kòe hônghun
O͘’àm tī lô pâng lāi khin thiàu khoàilo̍k ê bú pō͘
Suenó͘ tī ga̍k hong tiong gîm tshiùⁿ bê tsùi ê kuasi
Iô iô khi khi ê bāng tshiûⁿ
Tshat móa ū thé bô hûn ê kha’ìn

Pik kóaⁿ‧ê sī ân tòngtòng ê khaliâu
Nńg‧khì ê sī tēng khokkhok ê la̍tthâu
Kuaiⁿ lô‧ê sī e̍h tsiⁿtsiⁿ ê kìtî
Hn̄g‧khì ê sī phang kòngkòng ê tshù bī

Hong iûgoân leh huah hō͘ iûgoân leh háu
Góa lia̍ptsik phahm̄kiàn ê tshingtshun
Kah thàumê thàu ji̍t ê phahpiàⁿ siàusiūⁿ
Sio̍k’hôe tsūi’û
Siáng tsai kásik jú tshī jú lò
Sitbōng jú tsia̍h jú pûi
Góa ê ba̍ktsiu khòaⁿ bē tio̍h kò͘hiong ê thiàⁿsioh
Kò͘hiong ê phīⁿ mā phīⁿ bē tio̍h góa sainai ê bī

Tsheⁿléng ê thih thang hē kha
Tiàu tsi̍t tiâu pī tshiat-tn̄g ê siaⁿ tòa
Gîn hò͘hò͘ siā hiòng
Bē kng ê thiⁿ