《赤崁樓ê情phoe》

 | | | 轉寄

Tan Lôan

作者 Kua Pik'êng 2021.05.30



Tsi̍t tsâng lian‧ khì ê mûikùi
Oá tī bān tsí tshian hông lûnhôe ê
Tshiûⁿ’á kak
Tiāmtiām ê hue iáⁿ
Pa̍ktio̍h góa
Bô sînhûn ê ba̍kkng

Iu’iu’á mn̄g i,
O͘ n̂g ta‧ khì ê huephìⁿ
Bat hō͘ jōa tsē totsêng ê tshiú tsim‧ kòe?
Kisin ui‧ khì ê tsiamtshì
Bat tsha̍k siong jōa tsē bô tsêng ê tshiútê?

Thêngthêng ê huiki thèⁿ kôan
Kiukiu ê huesim i
Bô ōe bô kù

Góa bûnbûn’á sio ê ba̍ktsiu
Bô sèjī bong tio̍h i
Kaukau ê tèthâu khik bóan
Pitpit ê tshiû hûn
Tsi̍t sûn tsi̍t sûn
Sī hn̄g‧ khì ê bi̍tphang
Sī n̂g‧ khì ê iām âng
Sī lāu‧ khì ê tshunbāng

Lāu‧ khì ê tshunbāng
Tsǹgji̍p góa lāu‧ khì ê simpâng
Phû tshut tsi̍t si âng gê ê kng'iáⁿ
Phah thong tn̄gtsat ê kámtsêng sòaⁿ

Góa khiā tī
Tsi̍t ê gánsîn ê kīlî

Hô͘ tsi̍t sia̍h tsinsim sūnsūn’á ak
Kik tsi̍t àng tsêng si jiûjiû’á èng
Kiaⁿ ji̍t siuⁿ iām
Kiaⁿ sng siuⁿ tàng
Kiaⁿ hō͘ siuⁿ kāu
Kiaⁿ hong siuⁿ thàu

Ah! Sî kàu
Hua piān khai

Kiaⁿkiaⁿ ê sim
Tiⁿtiⁿ tánthāi
Tsi̍t tsâng lian‧ khì ê mûikùi
Tèthâu tsài khai