《赤崁樓ê情phoe》

 | | | 轉寄

Pōe’iáⁿ

作者 Kua Pik'êng 2021.05.23



Lí kiò góa kā ba̍ktsiu kau hō͘ lí
O͘’àm sī lí ê sèkài
Ngó͘ hue tsa̍p sik ê pò͘kéng
Lâu thòaⁿ o͘ kúikúi ê bū

Pok tsi̍t tshùi Tn̂gsiū
Thò͘ tsi̍t káng lāmmōa ian
Tsai tsi̍t koàn biluh
Phah tsi̍t siaⁿ pe̍hba̍k eh
Pō͘ tsi̍t kháu tsheⁿ’á
Phùi tsi̍t pû o͘ sim to̍k hueh

Ūihô góa ê kha pō͘ jú kiâⁿ jú tshuah
Ūihô góa ê lênghûn jú lā jú tshàu
Tsáubī ê tshingtshun lāité
Au tsi̍t tui uai uai tshit tshit ê n̂g sng tah miā

Pōe kng ê hìtshut
Góa bōegiàn puaⁿ
Góa kuattēng hoánpōe lí
Khó͘ⁿ’ò͘ⁿ ê——
Iáⁿ