Tsheⁿ-âng-ting ū saⁿ sik 青紅燈有三色 Beh kuè ài khuàⁿ-tio̍h tsheⁿ-sik Beh過ài看tio̍h青色 Khuàⁿ-tio̍h âng-sik tio̍h thîng mài pik 看tio̍h紅色tio̍h停mài逼 N̂g-sik ài sió-khuá kè-i̍k 黃色ài小khuá計劃 Í-king kàu lō͘-tiong tsiah piàn sik 已經到路中才變色 Kín kuè, thîng--leh bô sim-sik 緊過，停leh無心適 Tú kàu lō͘-kháu tsiū piàn-sik Tú到路口就變色 Thîng--leh, mài kè khah ū tō-tik 停leh，mài過tsiah有道德 Ū lâng tuì tsheⁿ-âng-ting ê saⁿ sik 有人對青紅燈ê三色 Ìn-siōng bô siáⁿ tshim-khik 印象無啥深刻 Kóng he sī tsham-khó ê hong-sik 講he只是參考ê方式 Âng-ting i tsông kah bīn-tsheⁿ bīn-li̍k 紅燈伊tsông kah面青面li̍k Tsheⁿ-ting i gāng-gāng m̄ tsìn-tsîng 青燈伊gāng-gāng m̄向前 N̂g-ting i ē-sái kuè ē-sái thîng 黃燈伊ē-sái過ē-sái停 Mā i sik-bông 罵伊色盲 Khǹg i tsun-siú kau-thong kui-tsik 勸伊遵守交通規則 I koh kā lí gîn 伊koh kā你gîn Tuì lí bô kám-kik 對你無感激 Lia̍h lí tsò tuì-ti̍k. 掠你做對敵 --2003/4/23 Harvard
|
|
|
轉寄