《大人囡a2詩》

 | | | 轉寄

Tán kong-tshia...等公車

作者 Li KhinhuaN 2005.09.18

listen


Bô beh tán, kho̍k-kho̍k-lâi
無beh等，kho̍k-kho̍k來
Khiā hia tán, bô puàⁿ-tâi
Khiā hia等，無半台
Ba̍k-tsiu thuah-thang ba̍t-ba̍t-tshai
目睭thuah-thang密密猜
Tî-tò hiah kú pháiⁿ kau-tài
遲到hiah久pháiⁿ交代
Sim-kông hué-to̍h tsin-tsiàⁿ hāi
心狂火to̍h真正害
Ai~ioh, hó-ka-tsài
Ai~ioh, 好佳哉
Hn̄g-hn̄g ū phû-hiān tsi̍t-tâi
遠遠有浮現一台
Sái kàu kong-tshia-pâi
駛到公車牌
Kheh-muá lah, í-king tsài kui-tsài
客滿lah，已經載規載
Tshia bué-tsui pàng tsi̍t-pû o͘ ian-sái
車尾椎放一pû烏煙屎
Sǹg kóng kā lí huē bye-bye
算講kā你會bye-bye
Sit-lé lah, āu-pan liâm-piⁿ lâi
失禮lah，後班連鞭來
Āu-pan liâm-piⁿ lâi.
後班liâm-piⁿ來
--2003/4/24 Harvard