《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 使徒行傳第二十六章

作者 巴克禮普世版小組 2014.08.24

保羅(pó-lô)為家己(uī ka-kī)辯 護(piān-hō͘)

1 亞基帕(a-ki-phàⁿ)對(tuì)保羅(pó-lô)講(kóng)：「准(tsún)你(lí)家己(ka-kī)辯 護(piān-hō͘)。」保羅(pó-lô)就(tsiū)伸 手(tshun-tshiú)辯 護(piān-hō͘)講(kóng)：2「亞基帕 王(a-ki-phàⁿ-ông)，今(kin)á日(ji̍t)我(guá)ē-tàng tī你(lí)ê面 前(bīn-tsîng)，為(uī)tio̍h hō͘猶 太 人(iû-thài-lâng)控 告(khòng-kò)ê tāi-tsì來(lâi)辯 護(piān-hō͘)，非 常(hui-siông)榮 幸(îng-hīng)。3 佳 哉(ka-tsài)因為(in-uī)你(lí)對(tuì)猶 太 人(iû-thài-lâng)ê規例(kui-lē)kah in teh爭 論(tsing-lūn)ê問題(būn-tê)真 了 解(tsin liáu-kái)，所以(só͘-í)求你(kiû lí)耐心(nāi-sim)聽(thiaⁿ)我 講(guá kóng)。」4「我(guá)自(tsū)少 年(siàu-liân)到(kàu)taⁿ，起 頭(khí-thâu)tī我(guá)ê本 國(pún-kok)，後來(āu-lâi)tī耶路撒 冷(iâ-lō͘-sat-líng)，做 人(tsò-lâng)án怎(tsuáⁿ)，所有(só͘ ū)ê猶 太 人(iû-thài-lâng)lóng知(tsai)。5 In已經(í-king)bat我(guá)真 久(tsin-kú)，若 肯(nā khíng)ē-tàng為我(uī guá)做 證(tsò-tsìng)，我(guá)做(tsò)一個(tsi̍t-ê)法 利賽 人(huat-lī-sài-lâng)，有 照(ū tsiàu)阮(guán)宗 教(tsong-kàu)siōng嚴 格(giâm-keh)教 派(kàu-phài)ê要求(iau-kiû)teh生 活(sing-ua̍h)。6 Tsit-má我(guá)khiā tī tsia來受(lâi siū) 審 判(sím-phuàⁿ)，就(tsiū)是因為(sī in-uī)ǹg望(bāng)上 主(siōng-tsú)對 阮(tuì guán)祖 先(tsó͘-sian)ê應允(ìng-ún)會實現(ē si̍t-hiān)。7阮(guán)十 二(tsa̍p-jī)支 族(tsi-tso̍k)ê同 胞(tông-pau)，暝日(mê-ji̍t)熱 心(jia̍t-sim)敬 拜(kìng-pài)，mā是(sī)期待(kî-thāi)達 成(ta̍t-sîng)tsit-ê ǹg望(bāng)。王(ông)ah，我為(guá uī)tio̍h tsit-ê ǹg望(bāng)，tsiah hō͘猶 太 人(iû-thài-lâng)控 告(khòng-kò)。8上 主(siōng-tsú)hō͘死人(sí-lâng)koh活(ua̍h)tsit項(hāng)tāi-tsì，lín猶 太 人(iû-thài-lâng)ná會(ē)bē-tàng相 信(siong-sìn)？」9「以 前(í-tsîng)我(guá)本 身(pún-sin)mā想 講(siūⁿ-kóng)，tio̍h用(īng)ta̍k款(khuán)ê方 法(hong-huat)來 攻 擊(lâi kong-kik)拿撒勒(ná-sat-li̍k)耶穌(iâ-so͘)ê名(miâ)。10我(guá)tī耶路撒 冷(iâ-lō͘-sat-líng)確 實(khak-si̍t)有(ū)án-ne做(tsò)，m̄-nā有(ū)祭司長(tsè-si-tiúⁿ)ê授 權(siū-kuân)，掠(lia̍h)真(tsin)tsē信徒(sìn-tô͘)來 關 監(lâi kuaiⁿ-kaⁿ)，koh tī in受(siū)死 刑(sí-hîng)ê時(sî)mā表示(piáu-sī)贊 同(tsàn-tông)。11我(guá)時 常(sî-siông)tī ta̍k-ê會 堂(huē-tn̂g)kā in刑 罰(hîng-hua̍t)，強 迫(kiông-pik)in講(kóng)褻 瀆(siat-to̍k)ê話(uē)，用 暴力(īng pō-li̍k)對 待(tuì-thāi)in，甚 至(sīm-tsì)到(kàu)外 國(guā-kok)ê城 市(siâⁿ-tshī)mā kā in迫 害(pik-hāi)。」

保羅(pó-lô)悔 改(hué-kái)ê經 過(king-kuè) (徒9：1-19；22：6-16)
12 「Hit時(sî)，我 去(guá khì)大馬 色(tāi-má-sik)ê時(sî)，有帶(ū tài)祭司長(tsè-si-tiúⁿ)ê授 權(siū-kuân)kah命 令(bīng-līng)。13王(ông)ah，透(thàu)中 晝(tiong-tàu)ê時(sî)，我(guá)tī路 中(lō͘-tiong)看(khuàⁿ)tio̍h比(pí)日頭(ji̍t-thâu)khah強(kiông)ê光(kng)，tuì天 頂(thiⁿ-tíng)照(tsiàu)落來(lo̍h-lâi)tī我(guá)kah同 伴(tâng-phuāⁿ)ê四周圍(sì-tsiu-uî)。14阮(guán)lóng跋 落 去(pua̍h lo̍h-khì)土 腳(thô͘-kha)，我 聽(guá thiaⁿ)tio̍h有聲(iú-siaⁿ)用(īng)希伯來話(hi-pik-lâi-uē)對 我 講(tuì guá kóng)：『掃羅(sò-lô)，掃羅(sò-lô)，你(lí)ná會(ē)迫 害(pik-hāi)我(guá)？你(lí)án-ne做(tsò)親 像(tshin-tshiūⁿ)牛(gû)用(īng)腳(kha)teh踢(that)有刺(ū tshì)ê棍(kùn)á，是(sī)家己(ka-kī)teh討(thó)皮 痛(phuê-thiàⁿ)。』15我(guá)問 講(mn̄g kóng)：『主(tsú)ah，祢(lí)是啥 人(sī siáⁿ-lâng)？』主(tsú)講(kóng)：『我(guá)就是(tsiū-sī)你(lí)所(só͘)迫 害(pik-hāi)ê耶穌(iâ-so͘)。16 M̄-koh你(lí)tio̍h khiā起來(khí-lâi)，因為(in-uī)我(guá)刁持(tshî)對你(tuì lí)顯 現(hián-hiān)，是(sī)beh設立(siat-li̍p)你(lí)做(tsò)tāi-tsì， tī你(lí)所 看(só͘ khuàⁿ)tio̍h，我(guá)kah我所(guá só͘)beh顯 現(hián-hiān)hō͘你 看(lí khuàⁿ)ê tāi-tsì，來(lâi)做 見 證(tsò kiàn-tsìng)。17我(guá)beh tuì猶 太 人(iû-thài-lâng)kah外 邦 人(guā-pang-lâng)中 間(tiong-kan)kā你(lí)救 出 來(kiù tshut-lâi)。Taⁿ我(guá)beh差 派(tshe-phài)你去(lí khì)外 邦 人(guā-pang-lâng)hia，18開(khui)in-ê目 睭(ba̍k-tsiu)，hō͘ in離開(lī-khui)烏暗(o͘-àm)uat-tńg來 歸 向(lâi kui-hiòng)光 明(kng-bîng)，離開(lī-khui)撒旦(sat-tàn)ê權 勢(kuân-sè)來歸(lâi kui)向(hiòng) 上 主(siōng-tsú)，tuì信 我(sìn guá)來得(lâi tit)tio̍h赦 罪(sià-tsuē)，koh承 受(sîng-siū)做(tsò)上 主(siōng-tsú)選 民(suán-bîn)ê地位(tē-uī)。』」

保羅(pó-lô)說 明(suat-bîng)伊(i)ê工 作(kang-tsok)
19所以(só͘-í)，亞基帕 王(a-ki-phàⁿ-ông)，我無(guá bô)違背(uî-puē)tuì天來(thiⁿ lâi)ê異 象(īⁿ-siōng)。20我(guá)先(sing)tī大馬 色(tāi-má-sik)kah耶路撒 冷(iâ-lō͘-sat-líng)，後來(āu-lâi)tī猶太(iû-thài)全 地(tsuân-tē)，mā對(tuì)外 邦 人(guā-pang-lâng)傳 道(thuân-tō)，勸(khǹg)人(lâng)tio̍h悔 改(hué-kái)來歸(lâi kui)向(hiòng) 上 主(siōng-tsú)，koh tio̍h用 行 為(īng hîng-uî)證 明(tsìng-bîng)in真 正(tsin-tsiàⁿ)有悔 改(ū hué-kái)。21因為(in-uī)án-ne，猶 太 人(iû-thài-lâng)tī聖 殿(sìng-tiān)kā我(guá)掠(lia̍h)，koh想(siūⁿ)beh kā我(guá)thâi。22 M̄-koh到(kàu)今(kin)á日(ji̍t)，我有(guá ū)得(tit)tio̍h上 主(siōng-tsú)ê保護(pó-hō͘)，ē-tàng khiā tī tsia，tuì尊 貴(tsun-kuì)kah卑微(pi-bî)ê人(lâng)做 見 證(tsò kiàn-tsìng)。我(guá)所 講(só͘ kóng)ê kah先知(sian-ti)以及(í-ki̍p)摩西(mô͘-se)所 講(só͘ kóng)ê完 全(uân-tsuân)仝 款(kāng-khuán)，lóng是(sī)關 係(kuan-hē)將 來(tsiong-lâi)beh發 生(huat-sing)ê tāi-tsì，23就(tsiū)是基督(sī ki-tok)án怎(tsuáⁿ)tio̍h受 苦(siū-khó͘)，成 做(tsiâⁿ-tsò)頭 一個(thâu-tsi̍t-ê)tuì死 人 中(sí-lâng tiong)koh活(ua̍h)ê tāi-tsì，thang將(tsiong)拯 救(tsín-kiù)ê光 明(kng-bîng)傳(thuân)hō͘猶 太 人(iû-thài-lâng)kah外 邦 人(guā-pang-lâng)。」24保羅(pó-lô)án-ne辯 解(piān-kái)ê時(sî)，非斯都(hui-su-to͘)大 聲(tuā-siaⁿ)huah：「保羅(pó-lô)，你(lí)teh起 狂(khí-kông)！？你(lí)學 問(ha̍k-būn)siuⁿ-kuân suah hō͘你(lí)起 狂(khí-kông)！」25保羅(pó-lô)講(kóng)：「非斯都(hui-su-to͘)大人(tāi-jîn)，我(guá)m̄是(sī)teh起 狂(khí-kông)，我(guá)所 講(só͘ kóng)ê話(uē)真實(tsin-si̍t)koh正 常(tsìng-siông)，因為(in-uī)王(ông)你知(lí tsai)tsiah-ê tāi-tsì，我(guá)tsiah好膽(hó-táⁿ)對你(tuì lí)講(kóng)。26我(guá)相 信(siong-sìn)王(ông)對(tuì)tsit項(hāng)tāi-tsì真(tsin)清 楚(tshing-tshó)，因為(in-uī)人 人(lâng-lâng)lóng知(tsai)tsit項(hāng)tāi-tsì。27亞基帕 王(a-ki-phàⁿ-ông)，你(lí)kám有(ū)相 信(siong-sìn)先知(sian-ti)？我 知(guá tsai)你(lí)有信(ū sìn)。」28亞基帕(a-ki-phàⁿ)對(tuì)保羅(pó-lô)講(kóng)：「你(lí)想 講(siūⁿ-kóng)用(īng)tsit幾句(kuí-kù)話(uē)，就(tsiū)beh說 服(sueh-ho̍k)我(guá)做(tsò)基督徒(ki-tok-tô͘)ò͘！」29保羅(pó-lô)講(kóng)：「無論(bô-lūn)幾句(kuí-kù)á á是(sī)真(tsin)tsē話(uē)，我(guá)懇 求(khún-kiû)上 主(siōng-tsú)，m̄-nā hō͘你(lí)，mā hō͘今(kin)á日(ji̍t)所有(só͘-ū)聽(thiaⁿ)我 講(guá kóng)ê人(lâng)，lóng kah我(guá)仝 款(kāng-khuán)，m̄-koh無(bô)像 我(tshiūⁿ guá)án-ne hō͘人(lâng)用 鐵 鏈(īng thih-liān)á鍊teh。」30王(ông)、總 督(tsóng-tok)kah Pik-nî-ki以及(í-ki̍p)tī hia teh坐(tsē)ê人(lâng)lóng khiā起來(khí-lâi)。31 In退(thè)出 去(tshut-khì)了 後(liáu-āu)做(tsò)伙(hué)談 論(tâm-lūn)講(kóng)：「Tsit-ê人(lâng)並 無(pīng-bô)犯(huān)tio̍h該死(kai-sí)á是(sī)tio̍h關 監(kuaiⁿ-kaⁿ)ê罪(tsuē)。」32亞基帕(a-ki-phàⁿ)kā非斯都(hui-su-to͘)講(kóng)：「Tsit-ê人(lâng)若無(nā-bô)對(tuì)羅馬(lô-má)皇 帝(hông-tè)上 訴(siōng-sò͘)，早(tsá)to̍h thang放(pàng)伊(i)去(khì)。」