《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 羅馬書第六章

作者 巴克禮普世版小組 2014.10.19

棄 絕(khì-tsua̍t)罪(tsuē)，Uī上 主(siōng-tsú)來活(lâi ua̍h)
1 Án-ne，咱(lán)beh án怎(tsuáⁿ)講(kóng)？咱(lán)kám thang繼 續(kè-sio̍k)tī罪 惡 中(tsuē-ok tiong)生 活(sing-ua̍h)，來(lâi)hō͘恩 典(un-tián)koh-khah加添(ke-thiⁿ)？2絕 對(tsua̍t-tuì)m̄-thang！咱(lán)已經(í-king)kah罪 惡(tsuē-ok)斷 絕(tuān-tsua̍t)關 係(kuan-hē)，kám thang繼 續(kè-sio̍k)tī罪 惡 中(tsuē-ok tiong)生 活(sing-ua̍h)？3 Lín kám m̄知(tsai)，咱(lán)lóng受洗禮(siū sé-lé)來(lâi)kah基督耶穌(ki-tok iâ-so͘)結 合(kiat-ha̍p)，就是(tsiū-sī)受洗禮(siū sé-lé)來(lâi)kah祂(i)做(tsò)伙(hué)死(sí)。4既然(kì-jiân)咱(lán)通 過(thong-kuè)洗禮(sé-lé)kah基督(ki-tok)同 齊(tâng-tsê)死(sí)，同 齊(tâng-tsê)受(siū)埋 葬(bâi-tsòng)，ná親 像(tshin-tshiūⁿ)基督(ki-tok)通 過(thong-kuè)天父(thiⁿ-pē)榮 光(îng-kng)ê權 能(kuân-lîng)tuì死(sí)koh活(ua̍h)，咱(lán)mā thang過(kuè)新(sin)ê生 活(sing-ua̍h)。5咱(lán)既然(kì-jiân)kah基督(ki-tok)成(tsiâⁿ)做 一 體(tsò tsi̍t-thé)來 體 驗(lâi thé-giām)死(sí)，咱(lán)一定(it-tīng)mā會(ē)kah祂(i)結 合(kiat-ha̍p)來(lâi)koh活(ua̍h)。6咱 知(lán tsai)，咱(lán)舊(kū)ê自 我(tsū-ngó͘)kah基督(ki-tok)做(tsò)伙(hué)釘(tìng)十字架(si̍p-jī-kè)，是(sī)beh hō͘咱(lán)在 來(tsāi-lâi)受(siū)罪(tsuē)束 縛(sok-pa̍k)hit-ê人(lâng)毀 滅(huí-bia̍t)，hō͘咱(lán)無(bô)koh做(tsò)罪(tsuē)ê奴隸(lô͘-lē)。7因為(in-uī)人(lâng)一旦(it-tàn)死去(sí-khì)，就(tsiū)tuì罪(tsuē)得(tit)tio̍h tháu放(pàng)。8咱(lán)既然(kì-jiân)kah基督(ki-tok)做(tsò)伙(hué)死(sí)，相 信(siong-sìn)咱(lán)mā會(ē)kah祂(i)做(tsò)伙(hué)koh活(ua̍h)。9咱 知(lán tsai)基督(ki-tok)已經(í-king)tuì死(sí)koh活(ua̍h)，祂(i)bē koh死(sí)，死(sí)無(bô)koh kā祂(i)管 轄(kuán-hat)。10因為(in-uī)基督(ki-tok)死(sí)一(tsi̍t)pái就(tsiū)kah罪(tsuē)完 全(uân-tsuân)斷 絕(tuān-tsua̍t)關 係(kuan-hē)，祂(i)tsit-má活(ua̍h)teh，是(sī)為(uī)tio̍h上 主(siōng-tsú)teh活(ua̍h)。11 Án-ne，lín mā tio̍h看(khuàⁿ)家己(ka-kī)已經(í-king)kah罪(tsuē)斷 絕(tuān-tsua̍t)關 係(kuan-hē)，tsit-má kah基督耶穌(ki-tok iâ-so͘)結 聯(kiat-liân)，為(uī)tio̍h上 主(siōng-tsú)teh活(ua̍h)。12所以(só͘-í)，m̄-thang koh將(tsiong)會死(ē- sí)ê身 軀(sing-khu)交(kau)hō͘罪(tsuē)支 配(tsi-phuè)，去(khì)順 服(sūn-ho̍k)肉 體(jio̍k-thé)ê慾 望(io̍k-bōng)。13 Mā m̄-thang將(tsiong)身 軀(sing-khu)ê肢體(ki-thé)，交(kau)hō͘罪(tsuē)去(khì)做 不義(tsò put-gī)ê工 具(kang-kū)，顛倒(tian-tò)tio̍h做(tsò)一個(tsi̍t-ê)tuì死(sí)koh活(ua̍h)ê人(lâng)，將(tsiong)身 軀(sing-khu)獻(hiàn)hō͘上 主(siōng-tsú)，將(tsiong)身 軀(sing-khu)ê各 肢體(kok ki-thé)，獻(hiàn)hō͘上 主(siōng-tsú)做(tsò)義(gī)ê工 具(kang-kū)。14 M̄-thang hō͘罪(tsuē)kā lín支 配(tsi-phuè)，因為(in-uī)lín m̄是(sī)活(ua̍h)tī律 法(lu̍t-huat)下面(ē-bīn)，是(sī)活(ua̍h)tī恩 典(un-tián)下面(ē-bīn)。

公 義(kong-gī)ê奴隸(lô͘-lē)
15 Án-ne咱(lán)既然(kì-jiân)m̄是(sī)活(ua̍h)tī律 法(lu̍t-huat)下面(ē-bīn)，是(sī)tī恩 典(un-tián)下面(ē-bīn)，就(tsiū)thang犯 罪(huān-tsuē)是無(sī-bô)？絕 對(tsua̍t-tuì)m̄-thang！16 Lín kám m̄知(tsai)，lín若 將(nā tsiong)家己(ka-kī)交(kau)hō͘某 一 人(bó͘-tsi̍t-lâng)做奴隸(tsò lô͘-lē)來順 服(lâi sūn-ho̍k)伊(i)，lín就是(tsiū-sī)hit人(lâng)ê奴隸(lô͘-lē)？Án-ne講 起來(kóng khí-lâi)，lín是(sī)做(tsò)罪(tsuē)ê奴隸(lô͘-lē)行入(kiâⁿ-ji̍p)死 亡(sí-bông)，á是(sī)做(tsò)上 主(siōng-tsú)ê奴隸(lô͘-lē)來順 服(lâi sūn-ho̍k)祂(i)，結 果(kiat-kó)有(ū)和合(hô-ha̍p)ê關 係(kuan-hē)？17感 謝(kám-siā)上 主(siōng-tsú)，lín雖 然(sui-jiân)bat做(tsò)罪(tsuē)ê奴隸(lô͘-lē)，tsit-má lín已經(í-king)全 心(tsuân-sim)順 服(sūn-ho̍k)hit-ê傳 授(thuân-siū)hō͘ lín做(tsò)規 範(kui-huān)ê教示(kà-sī)。18 Lín已經(í-king)tuì罪(tsuē)得(tit)tio̍h tháu放(pàng)，來 成 做(lâi tsiâⁿ-tsò)義(gī)ê奴隸(lô͘-lē)。19恐 驚(khióng-kiaⁿ)lín bē了 解(liáu-kái)，我(guá)用(īng)一 般 人(it-puaⁿ-lâng)ē-tàng了 解(liáu-kái)ê話(uē)kā lín說 明(suat-bîng)。Taⁿ，親 像(tshin-tshiūⁿ)lín以 前(í-tsîng)將(tsiong)身 軀(sing-khu)完 全(uân-tsuân)交(kau)hō͘污穢(ù-uè)kah不 法(put-huat)做奴隸(tsò lô͘-lē)，致使(tì-sú)不 法(put-huat)ê tāi-tsì jú來(lâi)jú加添(ke-thiⁿ)。Tsit-má lín tio̍h將(tsiong)身 軀(sing-khu)，完 全(uân-tsuân)獻(hiàn)hō͘義(gī)做(tsò)聖 潔(sìng-kiat)ê路用(lō͘-īng)。20 Lín做(tsò)罪 惡(tsuē-ok)ê奴隸(lô͘-lē)ê時(sî)tsūn，lín無受(bô siū)義(gī)ê束 縛(sok-pa̍k)。21 Hit時(sî)，lín做(tsò)tsit-má看 做(khuàⁿ-tsò)見 笑(kiàn-siàu)ê tāi-tsì，結 果(kiat-kó)án怎(tsuáⁿ)？結 局(kiat-kio̍k)是(sī)死(sí)。22 Taⁿ lín已經(í-king)tuì罪(tsuē)得(tit)tio̍h tháu放(pàng)，成 做(tsiâⁿ-tsò)上 主(siōng-tsú)ê奴隸(lô͘-lē)，結果是(kiat-kó sī)成 做(tsiâⁿ-tsò)聖 潔(sìng-kiat)，結 局(kiat-kio̍k)是(sī)永 遠(íng-uán)ê活 命(ua̍h-miā)。23因為(in-uī)罪(tsuē)ê代價(tāi-kè)是(sī)死(sí)，m̄-koh上 主(siōng-tsú)通 過(thong-kuè)主(tsú)基督耶穌(ki-tok iâ-so͘)，白 白(pe̍h-pe̍h)賜(sù)hō͘咱(lán)ê恩 典(un-tián)是(sī)永 遠(íng-uán)ê活 命(ua̍h-miā)。