《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第十章

作者 巴克禮普世版小組 2015.03.08

警 戒(kíng-kài)拜 偶 像(pài ngó͘-siōng)
1兄弟 姊 妹(hiaⁿ-tī tsí-muē)ah，我(guá)ài lín會記得(ē-kì-tit)咱(lán)ê祖 先(tsó͘-sian)lóng跟(kin)tuè摩西(mô͘-se)，tī雲(hûn)ê保護(pó-hō͘)之下(tsi-hā)過(kuè)紅 海(âng-hái)。2 In tī雲 中(hûn-tiong)kah海裡(hái-ni̍h)，受洗禮(siū sé-lé)歸(kui)tī摩西(mô͘-se)，3 In lóng食(tsia̍h)仝 款(kāng-khuán)靈 性(lîng-sìng)ê食 物(tsia̍h-mi̍h)，lóng lim仝 款(kāng-khuán)靈 性(lîng-sìng)ê泉 水(tsuâⁿ-tsuí)。4 Tsit-ê泉 水(tsuâⁿ-tsuí)是(sī)tuì kah in同 行(tâng-kiâⁿ)ê hit塊(tè)石 磐(tsio̍h-puâⁿ)流 出(lâu-tshut)，hit-ê石 磐(tsio̍h-puâⁿ)就(tsiū)是基督(sī ki-tok)。5 M̄-koh in中 間(tiong-kan)真(tsin)tsē人(lâng)hō͘上 主(siōng-tsú)無歡 喜(bô huaⁿ-hí)，lóng受毀 滅(siū huí-bia̍t)，身屍(sin-si)倒(tó)kah kui曠 野(khòng-iá)。6 Taⁿ tsiah-ê tāi-tsì hō͘咱 做(lán tsò)鑑 戒(kàm-kài)，警 戒(kíng-kài)咱(lán)m̄-thang親 像(tshin-tshiūⁿ)in án-ne ài做(tsò)pháiⁿ tāi-tsì。7 Lín m̄-thang親 像(tshin-tshiūⁿ)in中 間(tiong-kan)一(tsi̍t)kuá人(lâng)去(khì)拜 偶 像(pài ngó͘-siōng)，照(tsiàu)聖 經(sìng-king)記載(kì-tsài)：人民(jîn-bîn)坐 落去(tsē lo̍h-khì)就 大(tsiū tuā)lim大 食(tuā-tsia̍h)，khiā起來(khí-lâi)就(tsiū)顛 狂(tian-kông)跳 舞(thiàu-bú)。(註(tsù)：出(tshut)32：6) 8咱(lán)mā m̄-thang親 像(tshin-tshiūⁿ)in中 間(tiong-kan)有(ū)一(tsi̍t)kuá人(lâng)犯 姦 淫(huān kan-îm)，suah一日(tsi̍t-ji̍t)死(sí)兩 萬(nn̄g-bān)三 千(saⁿ-tshing)人(lâng)。9咱(lán)mā m̄-thang親 像(tshin-tshiūⁿ)in中 間(tiong-kan)一(tsi̍t)kuá人(lâng)試 探(tshì-thàm)主(tsú)，suah hō͘蛇(tsuâ)咬死(kā-sí)。10 Lín mā m̄-thang親 像(tshin-tshiūⁿ)in中 間(tiong-kan)一(tsi̍t)kuá人(lâng)nga̍uh-nga̍uh念(liām)，suah hō͘執 行(tsip-hîng)毀 滅(huí-bia̍t)ê天使(thiⁿ-sài)kā in剿 滅(tsâu-bia̍t)。11 In tú-tio̍h tsiah-ê tāi-tsì thang做(tsò)人(lâng)ê鑑 戒(kàm-kài)，續(suà)記載(kì-tsài)落來(lo̍h-lâi)thang警 戒(kíng-kài)咱(lán)tsiah-ê活(ua̍h)tī末 世(bua̍t-sè)ê人(lâng)。12所以(só͘-í)家己(ka-kī)想 講(siūⁿ-kóng)khiā在(tsāi)ê人(lâng)，tio̍h謹慎(kín-sīn)tsiah bē跋 倒(pua̍h-tó)。13 Lín所(só͘)tú-tio̍h ê試 探(tshì-thàm)，lóng是人(sī lâng)常 常(siông-siông)會(ē)tú-tio̍h.ê。上 主(siōng-tsú)是(sī)信實(sìn-si̍t)，祂(i)bē hō͘ lín tú-tio̍h擔 當(tam-tng)bē起(khí)ê試 煉(tshì-liān)。Lín tī受(siū)試 煉(tshì-liān)ê時(sî)，祂(i)會(ē)kā lín開(khui)一 條路(tsi̍t-tiâu lō͘)，hō͘ lín忍 受(jím-siū)會(ē)tiâu。14所以(só͘-í)，親 愛(tshin-ài)ê兄弟 姊 妹(hiaⁿ-tī tsí-muē)ah，tio̍h閃 避(siám-phiah)拜 偶 像(pài ngó͘-siōng)ê tāi-tsì。15我(guá)kā lín當 做(tòng-tsò)bat情(tsîng)理ê人(lâng)teh kā lín講(kóng)，我(guá)所 講(só͘ kóng)ê話(uē)，lín tio̍h家己(ka-kī)判 斷(phuàⁿ-tuàn)。16咱(lán)teh lim hit-ê祝 謝(tsiok-siā)ê杯(pue)，kám m̄是(sī)teh分 享(hun-hióng)基督(ki-tok)ê血(hueh)？咱(lán)teh食(tsia̍h)hit-ê peh開(khui)ê餅(piáⁿ)，kám m̄是(sī)teh分 享(hun-hióng)基督(ki-tok)ê身 軀(sing-khu)？17因為(in-uī)餅(piáⁿ)kan-taⁿ一塊(tsi̍t-tè)，咱(lán)雖 然(sui-jiân)真(tsin)tsē人(lâng)iáu-koh是(sī)一 體(tsi̍t-thé)，因為(in-uī)咱 做(lán tsò)伙(hué)食(tsia̍h)kāng一塊 餅(tsi̍t-tè piáⁿ)。18用(īng)照(tsiàu)肉 體(jio̍k-thé)ê以色列 人(í-sik-lia̍t-lâng)做例(tsò-lē)，hiah-ê食(tsia̍h)祭 物(tsè-mi̍h)ê人(lâng)kám m̄是(sī)kah祭 壇(tsè-tuâⁿ)有(ū)關 係(kuan-hē)？19 Án-ne我是(guá sī)teh講(kóng)甚 麼(sím-mi̍h)？Kám是(sī)teh講(kóng)偶 像(ngó͘-siōng)kah祭 物(tsè-mi̍h)有甚 麼(ū sím-mi̍h)要緊(iàu-kín)？20 M̄是(sī)，我是(guá sī)teh講(kóng)外 邦 人(guā-pang-lâng)所(só͘)祭(tsè).ê是(sī)祭(tsè)鬼(kuí)，m̄是(sī)teh祭(tsè)上 主(siōng-tsú)，我無(guá bô)ài lín kah鬼(kuí)交(kau)tshap。21 Lín bē-tàng lim主(tsú)ê杯(pue)mā lim鬼(kuí)ê杯(pue)；bē-tàng參 加(tsham-ka)主(tsú)ê宴 席(iàn-si̍k)koh參 加(tsham-ka) 鬼(kuí)ê宴 席(iàn-si̍k)。22咱(lán)ài beh激(kik)hō͘主(tsú)受氣(siū-khì)是無(sī-bô)？咱(lán)kám會比(ē pí)主(tsú)khah強(kiông)？23有人(ū lâng)講(kóng)：「Ta̍k項(hāng)tāi-tsì lóng thang做(tsò)，」m̄-koh m̄是(sī)ta̍k項(hāng)lóng有利益(ū lī-ik)。雖 然(sui-jiân)講(kóng)Ta̍k項(hāng)tāi-tsì lóng thang做(tsò)，m̄-koh無(bô)lóng對 人(tuì lâng)有(ū)幫 助(pang-tsō͘)。24 M̄-thang求(kiû)家己(ka-kī)ê利益(lī-ik)，tio̍h求(kiû)別 人(pa̍t-lâng)ê利益(lī-ik)。25市 場(tshī-tiûⁿ)teh賣(bē)ê物(mi̍h)lóng thang食(tsia̍h)，m̄免(bián)為(uī)tio̍h良 心(liông-sim)ê緣故(iân-kò͘)問 東 問 西(mn̄g-tang mn̄g-sai)。26因為(in-uī)聖 經(sìng-king)有講(ū kóng)：地(tē)kah地 上(tē-tsiūⁿ)ê萬 物(bān-bu̍t)lóng是(sī)主(tsú).ê。(註(tsù)：詩(si)24：1) 27若有(nā ū)未信 者(bī-sìn-tsiá)請(tshiáⁿ)lín食 飯(tsia̍h-pn̄g)，lín若(nā)去(khì)，排(pâi)tī lín面 前(bīn-tsîng)ê物(mi̍h)lóng thang食(tsia̍h)。M̄免(bián)為(uī)tio̍h良 心(liông-sim)ê緣故(iân-kò͘)來(lâi)問 東 問 西(mn̄g-tang mn̄g-sai)。28 M̄-koh若有人(nā ū lâng)kā lín講(kóng)：「Tsiah-ê食 物(tsia̍h-mi̍h)有(ū)祭 過(tsè-kuè)偶 像(ngó͘-siōng)。」Án-ne為(uī)tio̍h hit-ê kā lín講(kóng)ê人(lâng)kah良 心(liông-sim)ê緣故(iân-kò͘)，lín就(tsiū)m̄-thang食(tsia̍h)。29我(guá)所 講(só͘ kóng)ê是指(sī tsí)hit-ê人(lâng)ê良 心(liông-sim)，m̄是(sī)lín ê良 心(liông-sim)。Lín無定(bô-tiāⁿ)tio̍h會(ē)問 講(mn̄g kóng)：「我(guá)ê自由(tsū-iû)為甚 麼(uī-sím-mi̍h)tio̍h hō͘別 人(pa̍t-lâng)ê良 心(liông-sim)來(lâi)支 配(tsi-phuè)？」30我若(guá nā)用(īng)感 恩(kám-un)ê心(sim)來 食(lâi tsia̍h)hit-ê祭 過(tsè-kuè)偶 像(ngó͘-siōng)ê物(mi̍h)，ná-tio̍h hō͘人(lâng)指 責(tsí-tsik)？31所以(só͘-í)，lín無論是(bô-lūn sī)食(tsia̍h)是(sī)lim，á是(sī)做 甚 麼(tsò sím-mi̍h)，lóng應 該(ing-kai)為(uī)tio̍h榮 光(îng-kng)上 主(siōng-tsú)來做(lâi tsò)。32無論是(bô-lūn sī)對(tuì)猶 太 人(iû-thài-lâng)、希 臘 人(hi-lia̍p-lâng)，á是(sī)上 主(siōng-tsú)ê教 會(kàu-huē)，lín lóng m̄-thang成 做(tsiâⁿ-tsò)in ê阻 礙(tsó͘-gāi)。33 Lín tio̍h照(tsiàu)我(guá)ê模樣(bô͘-iūⁿ)去 做(khì tsò)。為(uī)tio̍h hō͘眾 人(tsìng-lâng)歡 喜(huaⁿ-hí)，我(guá)m̄-bat求(kiû)家己(ka-kī)ê利益(lī-ik)，lóng是(sī)求(kiû)眾 人(tsìng-lâng)ê利益(lī-ik)，thang hō͘ in得救(tit-kiù)。