《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多後書第十二章

作者 巴克禮普世版小組 2015.07.12

異 象(īⁿ-siōng)Kah啟示(khé-sī)
1雖 然(sui-jiân)無利益(bô lī-ik)，我(guá)一定(it-tīng)tio̍h誇 口(khua-kháu)，我(guá)beh講 起(kóng-khí)主(tsú)hō͘我(guá)ê異 象(īⁿ-siōng)kah啟示(khé-sī)。2我 知(guá tsai)有一個(ū tsi̍t-ê)基督徒(ki-tok-tô͘)，十 四(tsa̍p-sì)年 前(nî tsîng)hō͘主(tsú)帶 到(tuà kàu)第三 層(tē-saⁿ tsàn)天(thiⁿ)，我(guá)m̄知(tsai)伊(i)ê身 軀(sing-khu)有(ū)上 去(tsiūⁿ-khì)，á是(sī)kan-taⁿ看 見(khuàⁿ-kìⁿ)異 象(īⁿ-siōng)，只有(tsí-ū)上 主(siōng-tsú)知(tsai)。3我(guá)koh講(kóng)一(tsi̍t)pái，tsit-ê人(lâng)hông tshuā去 到(khì kàu)樂 園(lo̍k-hn̂g)，伊是(i sī)身 軀(sing-khu)受 接(siū-tsiap)上 去(tsiūⁿ-khì)，á是(sī)kan-taⁿ看 見(khuàⁿ-kìⁿ)異 象(īⁿ-siōng)，我(guá)m̄知(tsai)，只有(tsí-ū)上 主(siōng-tsú)知(tsai)。4 Tī樂 園(lo̍k-hn̂g)，伊(i)聽(thiaⁿ)tio̍h bē得(tit)thang講(kóng)ê話(uē)，就是(tsiū-sī)人(lâng)所(só͘)m̄-thang講(kóng)ê tāi-tsì。5我(guá)beh為(uī)tio̍h tsit-ê人(lâng)來 誇 口(lâi khua-kháu)，m̄-koh我(guá)ê軟 弱(luán-jio̍k)以外(í-guā)，我(guá)bē為(uī)tio̍h家己(ka-kī)誇 口(khua-kháu)。6其實(kî-si̍t)我若(guá nā)beh誇 口(khua-kháu)，mā無(bô)算是(sǹg-sī)khong-khám，因為(in-uī)我(guá)beh講(kóng)ê是事實(sī sū-si̍t)，m̄-koh我家己(guá ka-kī)約 束(iok-sok)，tsiah免(bián)hō͘人(lâng)對我(tuì guá)ê批 評(phue-phîng)，超 過(tshiau-kuè)伊(i)所 看(só͘ khuàⁿ)tio̍h kah所聽(só͘ thiaⁿ)tio̍h-.ê。7為(uī)tio̍h beh hō͘我(guá)bē因為(in-uī)得(tit)tio̍h真(tsin)tsē特 別(ti̍k-pia̍t)ê啟示(khé-sī)，來(lâi)過 頭(kuè-thâu)驕 傲(kiau-ngō͘)，tī我(guá)ê身 軀(sing-khu)有(ū)一支(tsi̍t-ki)刺(tshì)，親 像(tshin-tshiūⁿ)撒旦(sat-tàn)ê使者(sù-tsiá)來(lâi)kā我(guá)phah，免 得(bián-tit)我(guá)過 頭(kuè-thâu)驕 傲(kiau-ngō͘)。8為(uī)tio̍h tsit項(hāng)tāi-tsì，我(guá)bat三(saⁿ)pái懇 求(khún-kiû)主(tsú)，hō͘ hit支(ki)刺(tshì)離開(lī-khui)我(guá)。9上 主(siōng-tsú)應 講(ìn-kóng)：「我(guá)ê恩 典(un-tián)夠 額(kàu-gia̍h)你(lí)用(īng)，因為(in-uī)你(lí)軟 弱(luán-jio̍k)ê時(sî)，我(guá)ê氣 力(khuì-la̍t)ē-tàng完 全(uân-tsuân)發 揮(huat-hui)。」所以(só͘-í)我(guá)真 歡 喜(tsin huaⁿ-hí)，khah ài誇 口(khua-kháu)我(guá)tsiah-ê軟 弱(luán-jio̍k)，hō͘基督(ki-tok)ê氣 力(khuì-la̍t)tiàm tī我(guá)ê身 上(sin-tsiūⁿ)。10為(uī)tio̍h基督(ki-tok)ê緣故(iân-kò͘)，我(guá)歡 喜(huaⁿ-hí)忍 受(jím-siū)軟 弱(luán-jio̍k)、侮 辱(bú-jio̍k)、迫 害(pik-hāi)、困 苦(khùn-khó͘)，因為(in-uī)我(guá)軟 弱(luán-jio̍k)ê時(sî)，顛倒(tian-tò)有氣 力(ū khuì-la̍t)。

保羅(pó-lô)關 心(kuan-sim)哥林多 教 會(ko-lîm-to kàu-huē)
11 我(guá)一直(it-ti̍t)成 做(tsiâⁿ-tsò)戇 人(gōng-lâng)，是(sī)lín kā我(guá)逼(pik).ê，因為(in-uī)我(guá)應 該(ing-kai)hō͘ lín o-ló tsiah tio̍h。我(guá)雖 然(sui-jiân)無 甚 麼(bô sím-mi̍h)了 不起(liáu-put-khí)，實 在(si̍t-tsāi)mā無(bô)khah輸(su)hiah-ê特 別(ti̍k-pia̍t)ê「使徒(sù-tô͘)」。12我(guá)tī lín中 間(tiong-kan)，有用(ū īng)種 種(tsióng-tsióng)ê忍 耐(jím-nāi)來(lâi)行 神 跡(kiâⁿ sîn-jiah)、奇事(kî-sū)kah權 能(kuân-lîng)，證 明(tsìng-bîng)我是(guá sī)使徒(sù-tô͘)。13除了(tû-liáu)我(guá)無 麻 煩(bô mâ-huân)lín幫 助(pang-tsō͘)我(guá)以外(í-guā)，我(guá)對 待(tuì-thāi)lín有(ū)tó一 項(tsi̍t-hāng)比(pí)其他(kî-tha)ê教 會(kàu-huē)khah無 夠 額(bô kàu-gia̍h)？請(tshiáⁿ)lín原 諒(guân-liōng)我(guá)tsiah-ni̍h「無公 道(bô kong-tō)」。14 Taⁿ我(guá)第三(tē-saⁿ)pái準 備(tsún-pī)beh去(khì)lín hia，我(guá)bē成 做(tsiâⁿ-tsò)lín ê負 擔(hū-tam)，我對(guá tuì)lín無 甚 麼(bô sím-mi̍h)要求(iau-kiû)。我(guá)所(só͘) 意愛(ì-ài)ê是(sī)lín，m̄是(sī)lín ê金 錢(kim-tsîⁿ)。其實(kî-si̍t)kiáⁿ兒(jî)無應 該(bô ing-kai)為(uī)tio̍h父母(pē-bú)積 聚(tsik-tsū)，應 該(ing-kai)是(sī)父母(pē-bú)kā kiáⁿ兒(jî)積 聚(tsik-tsū)財 物(tsâi-bu̍t)。15我(guá)真 歡 喜(tsin huaⁿ-hí)付 出(hù-tshut)一 切(it-tshè)來 幫 助(lâi pang-tsō͘)lín，甚 至(sīm-tsì)付 出(hù-tshut)我家己(guá ka-kī)ê性 命(sèⁿ-miā)。Kám 講(kóng)我(guá)jú疼(thiàⁿ)lín，得(tit)tio̍h lín ê疼(thiàⁿ)jú少(tsió)？16 Án-ne lín tio̍h承 認(sîng-jīn)我(guá)m̄-bat kā lín拖 累(thua-luī)，m̄-koh有人(ū lâng)講(kóng)我(guá)奇 巧(kî-khiáu)，用(īng)詭 譎(kuí-khiat)ê步數(pō͘-sò͘)來(lâi)kā lín陷 害(hām-hāi)。17我(guá)kám有派(ū phài)啥 人(siáⁿ-lâng)去(khì)kā lín phiⁿ？18我有(guá ū)勸(khǹg)提多(thê-to)去(khì)lín hia，mā差 派(tshe-phài)一個(tsi̍t-ê)兄弟(hiaⁿ-tī)kah伊(i)做(tsò)伙(hué)去(khì)。提多(thê-to)kám bat kā lín phiⁿ？阮(guán)kám m̄是(sī)仝 一個(kāng tsi̍t-ê)心神(sim-sîn)teh做(tsò)？仝 一個(kāng tsi̍t-ê)腳 步(kha-pō͘)teh行(kiâⁿ)？19 Lín一直(it-ti̍t)想 講(siūⁿ-kóng)阮(guán)對(tuì)lín teh為家己(uī ka-kī)辯 解(piān-kái)，其實(kî-si̍t)m̄是(sī)！阮(guán)tī上 主(siōng-tsú)ê面 前(bīn-tsîng)講(kóng)基督(ki-tok)ài阮 講(guán kóng)ê話(uē)。親 愛(tshin-ài)ê兄弟 姊 妹(hiaⁿ-tī tsí-muē)ah，阮(guán)所做(só͘ tsò)ê一 切(it-tshè)lóng是(sī)，為(uī)tio̍h beh kā lín造 就(tsō-tsiū)。20我(guá)恐 驚(khióng-kiaⁿ)去(khì)lín hia ê時(sî)，kiám-tshái看 見(khuàⁿ-kìⁿ)lín kah我(guá)所期待(só͘ kî-thāi)ê無 仝 款(bô kāng-khuán)，lín看 見(khuàⁿ-kìⁿ)我(guá)kah lín所期待(só͘ kî-thāi)ê mā無 仝 款(bô kāng-khuán)。恐 驚(khióng-kiaⁿ)lín有(ū)紛 爭(hun-tsing)、怨妒(uàn-tò͘)、受氣(siū-khì)、結 黨(kiat-tóng)、譭 謗(huí-pòng)、講(kóng)胛 脊 後話(kha-tsiah-āu-uē)、膨 風(phòng-hong)、紛 亂(hun-luān)。21 Mā恐 驚(khióng-kiaⁿ)我(guá)後 遍(āu-piàn)koh去(khì)lín hia ê時(sî)，我(guá)ê上 主(siōng-tsú)hō͘我(guá)tī lín ê面 前(bīn-tsîng)見 笑(kiàn-siàu)，我(guá)會為(ē uī)tio̍h真(tsin)tsē人(lâng)啼 哭(thî-khàu)，因為(in-uī)in對(tuì)以 前(í-tsîng)所 犯(só͘ huān)ê罪(tsuē)、污穢(ù-uè)、姦 淫(kan-îm)kah放 蕩(hòng-tōng)，到(kàu)taⁿ Iáu未(buē)悔 改(hué-kái)。