《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 提摩太前書第六章

作者 巴克禮普世版小組 2016.03.13

1 Tī人(lâng)ê管 轄(kuán-hat)下面(ē-bīn)teh做 奴僕(tsò lô͘-po̍k)ê人(lâng)，tio̍h看(khuàⁿ)家己(ka-kī)ê主 人(tsú-lâng)是(sī)堪 得(kham-tit)受(siū)完 全(uân-tsuân)尊 敬(tsun-kìng).ê，上 主(siōng-tsú)ê名(miâ)kah道理(tō-lí)tsiah免(bián)受褻 瀆(siū siat-to̍k)。2主 人(tsú-lâng)若是(nā-sī)信(sìn)道理(tō-lí).ê，就(tsiū)m̄-thang因為(in-uī)伊是(i sī)兄弟(hiaⁿ-tī)來(lâi)kā伊(i)看 輕(khuàⁿ-khin)，顛倒(tian-tò)tio̍h koh-khah kā伊(i)服 事(ho̍k-sāi)，因為(in-uī)teh受利益(siū lī-ik).ê是(sī)信徒(sìn-tô͘)，mā是(sī)所敬 愛(só͘ kìng-ài)ê兄弟(hiaⁿ-tī)。

真(tsin)ê教師(kàu-su)Kah假(ké)ê教師(kàu-su)
你(lí)tio̍h用(īng)tsiah-ê教示(kà-sī)來(lâi)kā in苦 勸(khó͘-khǹg)。3若有人(nā ū lâng)傳(thuân)別 款(pa̍t-khuán)無順 服(bô sūn-ho̍k)咱(lán)ê主(tsú)耶穌基督(iâ-so͘ ki-tok)端 正(tuan-tsiàⁿ)ê道理(tō-lí)，koh無 照(bô tsiàu)敬 虔(kìng-khiân)ê教義(kàu-gī)，4就是(tsiū-sī)膨 風(phòng-hong)自 誇(tsū-khua)，m̄知(tsai)半 項(puàⁿ-hāng)koh好 辯 論(hò͘ⁿ piān-lūn)kah相 諍(sio-tsèⁿ)ê毛 病(mô͘-pēⁿ)。5就(tsiū)án-ne引起(ín-khí)怨妒(uàn-tò͘)、相 爭(sio-tseⁿ)、譭 謗(huí-pòng)、pháiⁿ念 頭(liām-thâu)，心 志(sim-tsì)敗 壞(pāi-huāi)koh喪 失(sòng-sit)真理(tsin-lí)，in想 講(siūⁿ-kóng)信 教(sìn-kàu)ē-tàng得(tit)tio̍h利益(lī-ik)。6信 教(sìn-kàu)實 在(si̍t-tsāi)會(ē)hō͘知 足(ti-tsiok)ê人(lâng)得(tit)tio̍h大利益(tuā lī-ik)。7因為(in-uī)咱(lán)出 世(tshut-sì)無帶(bô tuà)甚 麼(sím-mi̍h)來(lâi)，過 身(kuè-sin)mā bē-tàng帶(tuà)甚 麼(sím-mi̍h)去(khì)。8有(ū)thang食(tsia̍h)有(ū)thang穿(tshīng)，tio̍h ài知 足(ti-tsiok)。9 Hiah-ê想(siūⁿ)beh發 財(huat-tsâi)ê人(lâng)，會(ē)陷 落(hām-lo̍h)迷惑(bê-hi̍k)kah羅 網(lô-bāng)以及(í-ki̍p)真(tsin)tsē愚 戇(gû-gōng)有害(iú-hāi)ê私慾(su-io̍k)，hō͘人(lâng)沈 淪(tîm-lûn)致使(tì-sú)敗 壞(pāi-huāi)kah滅 亡(bia̍t-bông)。10因為(in-uī)貪 財(tham-tsâi)是(sī)萬惡(bān-ok)ê根 源(kin-guân)，有人(ū lâng)戀 慕(luân-bō͘)錢 財(tsîⁿ-tsâi)就(tsiū)受迷惑(siū bê-hi̍k)來離開(lâi lī-khui)道理(tō-lí)，hō͘家己(ka-kī)受(siū)真(tsin)tsē艱 苦(kan-khó͘)。

對(tuì)提摩 太(thê-mô͘-thài)ê指示(tsí-sī)
11 M̄-koh你(lí)tsit-ê屬(sio̍k)上 主(siōng-tsú)ê人(lâng)，tio̍h閃 避(siám-phiah)tsiah-ê tāi-tsì，來(lâi)追求(tui-kiû)正 義(tsìng-gī)、敬 虔(kìng-khiân)、信 心(sìn-sim)、疼 心(thiàⁿ-sim)、忍 耐(jím-nāi)kah溫柔(un-jiû)。12 Tio̍h盡 力(tsīn-la̍t)去(khì)拚(piàⁿ)信 仰(sìn-gióng)ê爭 戰(tsing-tsiàn)，tio̍h確 保(khak-pó)永 遠(íng-uán)ê活 命(ua̍h-miā)。你(lí)為(uī)tio̍h tsit-ê活 命(ua̍h-miā)受 揀 召(siū kíng-tiàu)，你(lí)mā bat tī真(tsin)tsē見 證 人(kiàn-tsìng-jîn)ê面 前(bīn-tsîng)，公 開(kong-khai)承 認(sîng-jīn)美好(bí-hó)ê信 仰(sìn-gióng)。13 Tī賞賜(siúⁿ-sù) 活 命(ua̍h-miā)hō͘萬 物(bān-bu̍t)ê上 主(siōng-tsú)，kah對(tuì)本 丟(pún-tiu)彼拉多(pí-lia̍p-to)做(tsò)美好(bí-hó)見 證(kiàn-tsìng)ê基督耶穌(ki-tok iâ-so͘)面 前(bīn-tsîng)，14我(guá)吩 咐(huan-hù)你(lí)，tio̍h遵 守(tsun-siú)tsit-ê命 令(bīng-līng)，無 缺 點(bô khuat-tiám)，無(bô)thang嫌(hiâm)，直到(ti̍t-kàu)咱(lán)ê主(tsú)耶穌基督(iâ-so͘ ki-tok)再 臨(tsài-lîm)。15 Hit位(uī)大 福 氣(tuā hok-khì)koh是獨一(sī to̍k-it)有 權 能(ū kuân-lîng)，萬 王(bān-ông)ê王(ông)，萬 主(bān-tsú)ê主(tsú)，會(ē)tī祂(i)定(tiāⁿ)tio̍h ê日子(ji̍t-tsí)hō͘基督(ki-tok)再 臨(tsài-lîm)。16上 主(siōng-tsú)是獨一(sī to̍k-it)bē死(sí)，tiàm-tī人(lâng)bē-tàng接 近(tsiap-kīn)ê光 明 中(kng-bîng tiong)。無 人(bô-lâng)bat看(khuàⁿ)過(kuè)祂(i)，mā無 人(bô-lâng)ē-tàng看(khuàⁿ)tio̍h祂(i)。願(guān)尊 貴(tsun-kuì)kah永 遠(íng-uán) ê主 權(tsú-kuân)歸(kui)tī祂(i)。阿們(a-men)！17對(tuì)hiah-ê今 世(kim-sè)好 額(hó-gia̍h)ê人(lâng)，你(lí)tio̍h吩 咐(huan-hù)in m̄-thang驕 傲(kiau-ngō͘)，m̄-thang kā in ê ǹg望(bāng)，hē tī無定(bô-tiāⁿ)tio̍h ê錢 財(tsîⁿ-tsâi)，tio̍h uá靠(khò)將(tsiong)萬 物(bān-bu̍t)豐 豐 富富(hong-hong hù-hù)hō͘咱(lán)享 受(hiáng-siū)ê上 主(siōng-tsú)。18 Koh tio̍h吩 咐(huan-hù)in做 善 事(tsò siān-sū)，加(ke)做(tsò)kuá好事(hó-sū)來(lâi)hō͘心 靈(sim-lîng)koh-khah富裕(hù-jū)，慷 慨(khóng-khài)賑 濟(tsín-tsè)有需要(ū su-iàu)ê人(lâng)，甘 願(kam-guān)kah人(lâng)分 享(hun-hióng)。19 Án-ne做(tsò)ē-tàng為家己(uī ka-kī)起 造(khí-tsō)好(hó)ê地基(tē-ki)，mā ē-tàng確 保(khak-pó)真 正(tsin-tsiàⁿ)ê活 命(ua̍h-miā)。20提摩 太(thê-mô͘-thài)ah，你(lí)tio̍h持 守(tshî-siú)上 主(siōng-tsú)交 託(kau-thok)你(lí)ê職 責(tsit-tsik)，tio̍h閃 避(siám-phiah)hiah-ê有 名 無實(iú-bîng bû-si̍t)ê假智識(ké tì-sik)爭 論(tsing-lūn)。21有人(ū lâng)自 稱(tsū-tshing)有(ū)tsit種(tsióng)ê智識(tì-sik)，suah tī信 仰 上(sìn-gióng siōng)偏 離(phian-lī)真理(tsin-lí)。願(guān)上 主(siōng-tsú)ê恩 典(un-tián)kah lín同 在(tông-tsāi)！