《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 希伯來書第四章

作者 巴克禮普世版小組 2016.06.05

1既然(kì-jiân)上 主(siōng-tsú)hō͘咱(lán)進 入(tsìn-ji̍p)祂(i)ê安(an)息ê應允(ìng-ún)iáu tī-teh，咱(lán)tio̍h有(ū)敬 畏(kìng-uì)ê心(sim)，tsiah免 得(bián-tit)lín中 間(tiong-kan)，kiám-tshái有人(ū lâng)想 講(siūⁿ-kóng)得(tit)bē-tio̍h tsit-ê應允(ìng-ún)。2福 音(hok-im)平 平(pêⁿ-pêⁿ)有 傳(ū thuân)hō͘ in，mā有 傳(ū thuân)hō͘咱(lán)，m̄-koh in所聽(só͘ thiaⁿ)ê信息(sìn-sit)對(tuì)in無利益(bô lī-ik)，因為(in-uī)聽(thiaⁿ)ê人(lâng)無(bô)用信 心(īng sìn-sim)來領受(lâi niá-siū)。3咱(lán)tsiah-ê信(sìn)ê人(lâng)，ē-tàng進 入(tsìn-ji̍p)上 主(siōng-tsú)所賞賜(só͘ siúⁿ-sù)ê安(an)息。照(tsiàu)祂(i)所 講(só͘ kóng)：我 就(guá tsiū)tī受 氣 中(siū-khì tiong)tsiù-tsuā講(kóng)：In絕 對(tsua̍t-tuì)bē-tàng進 入(tsìn-ji̍p)我(guá)ê安(an)息。(註(tsù)：詩(si)95：11)其實(kî-si̍t)上 主(siōng-tsú)tī創 造(tshòng-tsō)宇宙(ú-tiū)ê時(sî)，祂(i)ê工 作(kang-tsok)已經(í-king)完 成(uân-sîng)。4聖 經(sìng-king)有一個(ū tsi̍t-ê)所 在(só͘-tsāi)論 到(lūn-kàu)「第七 日(tē tshit-ji̍t)」，有(ū)án-ne講(kóng)：「上 主(siōng-tsú)tī第七 日(tē tshit-ji̍t)，suah祂(i)一 切(it-tshè)ê工 作(kang-tsok)來安(lâi an)息。」(註(tsù)：創(tshòng)2：2) 5仝(kāng)tsit項(hāng)tāi-tsì有(ū)koh講(kóng)：「In絕 對(tsua̍t-tuì)bē-tàng進 入(tsìn-ji̍p)我(guá)ê安(an)息。」(註(tsù)：詩(si)95：11) 6 Hiah-ê tāi先(sing)得(tit)tio̍h福 音(hok-im)ê人(lâng)，因為(in-uī)m̄順 服(sūn-ho̍k)suah bē-tàng進 入(tsìn-ji̍p)安(an)息，上 主(siōng-tsú)就(tsiū)為(uī)其他(kî-tha)ê人(lâng)保留(pó-liû)tsit-ê安(an)息。7幾(kuí)nā年後(nî āu)，tī大衛(tāi-pi̍t)ê冊(tsheh)有記載(ū kì-tsài)：上 主(siōng-tsú)koh另 外(līng-guā)定(tiāⁿ)一日(tsi̍t-ji̍t)，叫 做(kiò-tsò)「今(kin)á日(ji̍t)」，親 像(tshin-tshiūⁿ)頂 面(tíng-bīn)所 講(só͘ kóng)：今(kin)á日(ji̍t)lín若(nā)聽(thiaⁿ)tio̍h上 主(siōng-tsú)ê聲(siaⁿ)，M̄-thang硬(ngē)lín ê心(sim)。(註(tsù)：詩(si)95：7-8) 8約書亞(iok-su-a)若有(nā ū)帶領(tài-niá)人民(jîn-bîn)進 入(tsìn-ji̍p)安(an)息，後來(āu-lâi)上 主(siōng-tsú)一定(it-tīng)bē koh講 起(kóng-khí)別日(pa̍t-ji̍t)。9 Án-ne看 起 來(khuàⁿ khí-lâi)，上 主(siōng-tsú)iáu為(uī)tio̍h祂(i)ê子 民(tsú-bîn)保留(pó-liû)一個(tsi̍t-ê)安息 日(an-hioh-ji̍t)。10因為(in-uī)進 入(tsìn-ji̍p)上 主(siōng-tsú)所賜(só͘ sù)安(an)息ê人(lâng)，親 像(tshin-tshiūⁿ)上 主(siōng-tsú)suah祂(i)ê工 作(kang-tsok)，mā suah in一 切(it-tshè)ê工 作(kang-tsok)來安(lâi an)息。11所以(só͘-í)咱(lán)tio̍h盡 力(tsīn-la̍t)來進 入(lâi tsìn-ji̍p)tsit-ê安(an)息，tsiah免 得(bián-tit)有人(ū lâng)，親 像(tshin-tshiūⁿ)hiah-ê m̄信(sìn)ê人(lâng)跋 倒(pua̍h-tó)失敗(sit-pāi)。12上 主(siōng-tsú)ê話(uē)是(sī)活(ua̍h).ê，koh是(sī)有功 效(ū kong-hāu).ê，比(pí)一 切(it-tshè)雙 面 利(siang-bīn lāi)ê劍(kiàm)khah利(lāi)，ē-tàng插 入(tshah-ji̍p)，甚 至(sīm-tsì)破 開(phuà-khui)人(lâng)ê靈(lîng)kah魂(hûn)，以及(í-ki̍p)骨 節(kut-tsat)kah骨 髓(kut-tshué)，koh ē-tàng判 斷 人(phuàⁿ-tuàn lâng)心 內(sim-lāi)ê慾 望(io̍k-bōng)kah心思意念(sim-su ì-liām)。13所有(só͘ ū)ê被造 物(pī-tsō-bu̍t)，無 一 項(bô tsi̍t-hāng)ē-tàng tuì上 主(siōng-tsú)隱密(ún-ba̍t)，就是(tsiū-sī)萬 物(bān-bu̍t)lóng暴露(po̍k-lō͘)tī祂(i)ê目 睭 前(ba̍k-tsiu tsîng)。咱(lán)ê行 踏(kiâⁿ-ta̍h)lóng tio̍h對祂(tuì i)交帶(kau-tài)清 楚(tshing-tshó)。

大 祭司(tuā-tsè-si)耶穌(iâ-so͘)
14咱(lán)既然(kì-jiân)有一位(ū tsi̍t-uī)偉大(uí-tāi)ê大 祭司(tuā-tsè-si)，就是(tsiū-sī)上 主(siōng-tsú)ê Kiáⁿ耶穌(iâ-so͘)，祂(i)已經(í-king)上 天(tsiūⁿ thiⁿ)tī上 主(siōng-tsú)ê面 前(bīn-tsîng)，咱(lán)tio̍h持 守(tshî-siú)咱(lán)所 公 開(só͘ kong-khai)承 認(sîng-jīn)ê信 仰(sìn-gióng)。15咱(lán)Tsit位(uī)大 祭司(tuā-tsè-si)，m̄是(sī)bē體 貼(thé-thiap)咱(lán)ê軟 弱(luán-jio̍k)，祂(i)tī ta̍k項(hāng)tāi-tsì lóng kah咱(lán)仝 款(kāng-khuán)有(ū)受 試 探(siū tshì-thàm)，m̄-koh無 犯 罪(bô huān-tsuē)。16所以(só͘-í)咱(lán)tio̍h好膽(hó-táⁿ)來 就 近(lâi tsiū-kīn)上 主(siōng-tsú)恩 典(un-tián)ê寶座(pó-tsō)，thang領受(niá-siū)憐 憫(liân-bín)，mā thang得(tit)tio̍h恩 典(un-tián)，做(tsò)咱(lán)及時(ki̍p-sî)ê幫 助(pang-tsō͘)。