《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 希伯來書第八章

作者 巴克禮普世版小組 2016.07.03

咱(lán)ê大 祭司(tuā-tsè-si)耶穌(iâ-so͘)
1我(guá)所 講(só͘ kóng)ê要 點(iàu-tiám)就是(tsiū-sī)：咱有(lán ū)tsit款(khuán)ê大 祭司(tuā-tsè-si)，祂(i)坐(tsē)tī天 頂(thiⁿ-tíng)至大(tsì-tuā)上 主(siōng-tsú)寶座(pó-tsō)ê正(tsiàⁿ)pîng。2祂(i)tī聖 所(sìng-só͘)kah真(tsin)ê會 幕(huē-bō͘)teh事 奉(sū-hōng)，tsit-ê會 幕(huē-bō͘)是(sī)主(tsú)所設立(só͘ siat-li̍p)ê，m̄是人(sī lâng)所造(só͘ tsō).ê。3每 一個(muí tsi̍t-ê)大 祭司(tuā-tsè-si)ê設立(siat-li̍p)，lóng是(sī)為(uī)tio̍h獻(hiàn)禮物(lé-mi̍h)kah祭祀(tsè-sū)，所以(só͘-í)tsit-ê大 祭司(tuā-tsè-si)mā一定(it-tīng)tio̍h有甚 麼(ū sím-mi̍h)thang獻(hiàn)。4耶穌(iâ-so͘)若留(nā lâu)tī地 上(tē-tsiūⁿ)就 無(tsiū bô)做祭司(tsò tsè-si)，因為(in-uī)已經(í-king)有(ū)祭司(tsè-si)照 律 法(tsiàu lu̍t-huat)teh獻(hiàn)禮物(lé-mi̍h)。5照 律 法(tsiàu lu̍t-huat)ê祭司(tsè-si)所做(só͘ tsò)ê服 事(ho̍k-sāi)，只不過(tsí-put-kò)是(sī)天 頂(thiⁿ-tíng)帳幕(tiùⁿ-bō͘)ê副本(hù-pún)kah影 像(iáⁿ-siōng)。Tú親 像(tshin-tshiūⁿ)摩西(mô͘-se)beh造(tsō)會 幕(huē-bō͘)ê時(sî)，上 主(siōng-tsú)有(ū)kā伊(i)指示(tsí-sī)，講(kóng)：「你(lí)tio̍h謹慎(kín-sīn)，一 切(it-tshè)tio̍h照(tsiò)tī山 頂(suaⁿ-tíng)我(guá)kā你(lí)指示(tsí-sī)ê款 式(khuán-sit)來造(lâi tsō)。」(註(tsù)：出(tshut)25：40) 6 M̄-koh tsit-má耶穌(iâ-so͘)已經(í-king)得(tit)tio̍h koh-khah尊 貴(tsun-kuì)ê事 奉(sū-hōng)，祂(i)做(tsò)koh-khah好(hó)ê盟 約(bîng-iok)ê中 保(tiong-pó)。Tsit-ê盟 約(bîng-iok)是用(sī īng)koh-khah好(hó)ê應允(ìng-ún)來設立(lâi siat-li̍p).ê。7頭 一個(thâu-tsi̍t-ê)盟 約(bîng-iok)若(nā)無 甚 麼(bô sím-mi̍h)缺 點(khuat-tiám)，就(tsiū)無需要(bô su-iàu)立(li̍p)第二個(tē-jī-ê)盟 約(bîng-iok)。8 M̄-koh上 主(siōng-tsú)kā in指 責(tsí-tsik)：你 看(lí khuàⁿ)，日子(ji̍t-tsí)teh-beh到(kàu)，我(guá)beh kah以色列 人(í-sik-lia̍t-lâng)以及(í-ki̍p)猶大(iû-tāi)人(lâng)立(li̍p)新(sin)ê盟 約(bîng-iok)。9 Tsit-ê盟 約(bîng-iok)無(bô)親 像(tshin-tshiūⁿ)前(tsîng)我(guá)kah in ê祖 先(tsó͘-sian)所立(só͘ li̍p).ê，就是(tsiū-sī)khan in ê手(tshiú)，tshuā in出 埃及(tshut ai-ki̍p)ê時(sî)所立(só͘ li̍p).ê，因為(in-uī)in無繼 續(bô kè-sio̍k)守(siú)我(guá)ê盟 約(bîng-iok)，我(guá)mā無(bô)beh看 顧(khuàⁿ-kò͘)in。」10主(tsú)koh講(kóng)：「Tsiah-ê日(ji̍t)以後(í-āu)，我(guá)kah以色列 人(í-sik-lia̍t-lâng)beh立(li̍p)ê約(iok)是(sī)án-ne：我(guá)beh將(tsiong)我(guá)ê律 法(lu̍t-huat)khǹg tī in ê頭(thâu)腦(náu)，刻(khik)tī in ê心(sim)。我(guá)beh做(tsò)in ê上 主(siōng-tsú)，in beh做(tsò)我(guá)ê子 民(tsú-bîn)。11 In lóng bē koh教示(kà-sī)in ê同 胞(tông-pau)á是(sī)in ê兄弟 姊 妹(hiaⁿ-tī tsí-muē)，講(kóng)：祢(lí)tio̍h bat主(tsú)，因為(in-uī)tuì siōng細(sè)到(kàu)siōng大(tuā)，in lóng會(ē)bat我(guá)。12我(guá)會赦 免(ē sià-bián)in ê不義(put-gī)，無(bô)koh記得(kì-tit)in ê罪 惡(tsuē-ok)。」(註(tsù)：耶31：31-34) 13上 主(siōng-tsú)既然(kì-jiân)講 起(kóng-khí)新(sin)ê盟 約(bîng-iok)，就(tsiū)hō͘頭 一個(thâu-tsi̍t-ê)盟 約(bîng-iok)變 做(piàn-tsò)舊(kū).ê。Hit-ê漸 漸(tsiām-tsiām)舊去(kū khì)koh衰 退(sue-thè).ê就(tsiū)liâm-piⁿ消 失(siau-sit)。