巴克禮普世版（試讀本） 希伯來書第九章
地 上Kah天 頂ê敬 拜
1頭 一個盟 約mā有禮拜ê規 定kah屬 世間ê聖 殿。2有搭好勢ê帳幕，頭 前 間叫 做聖 所，hit內面有燈 台、几桌kah排 列ê餅。3第二個帳籬後面koh有會 幕，叫 做至聖 所。4 Hit內面有金 香 壇kah全 部包金ê約櫃，櫃內有khǹg má-ná ê金壺，亞倫puh芽ê枴á kah兩塊盟 約ê石 板。5櫃 頂有榮 光ê ki-lō͘-ping，in ê雙 翼遮 蓋施恩所。關 係tsiah-ê tāi-tsì，我tsit-má bē-tàng詳 細講。6 Tsiah-ê物 件án-ne安排好勢，祭司ta̍k日入去頭 前 間ê聖 所，舉 行禮拜ê儀式。7後面hit間ê至聖 所，只有大 祭司ta̍k年一pái家己入去，ta̍k-pái tio̍h帶血入去，為tio̍h本 身kah人民無意中犯 罪來 獻 祭。8聖 神án-ne安排來指 明，帳幕頭 前 間若iáu存 在，入去至聖 所ê門就Iáu未開。9帳幕ê頭 前 間是teh譬喻現 世，照án-ne teh獻禮物kah祭祀，bē-tàng hō͘禮拜ê人良 心清 白。10 Tsiah-ê禮儀kan-taⁿ關 係lim食kah ta̍k種ê潔 淨禮，是屬外 表ê規例，這kan-taⁿ適 用到上 主完 成一 切ê改 革為止。11 M̄-koh基督已經 到à，做大 祭司koh有完 成hiah-ê好tāi-tsì。祂經 過khah大koh khah完 全ê會 幕，m̄是人ê手所起 造屬tī tsit世間ê會 幕。12祂只有一pái進 入至聖 所，m̄是用羊kah牛á ê血，是用家己ê血，一pái to̍h為tio̍h咱人類完 成永 遠ê救 贖。13若 將牛á是羊ê血kah牛母á ê骨灰，hiù tī無 清 氣ê人ê身 上都會hō͘ in聖 化清 氣，14何 況基督通 過永 遠ê聖 神，獻祂家己無 缺 點ê本 身hō͘上 主；祂ê血kám無koh-khah hō͘咱ê良 心清 氣，thang脫 離死 亡ê行 為來服 事永 遠 活 命ê上 主？15因為án-ne，基督做新 盟 約ê中 保，用家己ê死來 贖 回，tī以 前ê盟 約期間所 犯ê罪，thang hō͘ hiah-ê受 上 主呼 召ê人，領受祂所應允永 遠ê產 業。16關 係遺 囑，一定tio̍h先證 實立遺 囑ê人已經過 身。17因為遺 囑tio̍h立遺 囑ê人已經過 身tsiah有效。立遺 囑ê人 若iáu活teh，hit-ê遺 囑就無效 力。18所以連頭 一個盟 約mā tio̍h用 血來設立。19摩西照 律 法kā所有ê誡 命傳hō͘人民了 後，就phâng牛á kah羊ê血，以及水tsham朱 紅 色ê綿kah牛 漆 草，來hiù hit本律 法ê冊，koh對 眾 人講：20「這是盟 約ê血。上 主所 命 令lín tio̍h遵 守。」(註：出24：8) 21 Koh照án-ne，用 血hiù tuà會 幕kah禮拜使用ê器具頂 面。22照 律 法來 講，ta̍k項物差 不多lóng是用 血hō͘伊清 氣，若無流 血，就 無赦 罪。
基督ê犧 牲擦 消人類ê罪
23照天 頂ê款 式所 仿 造ê物，一定tio̍h án-ne來hō͘它清 氣，m̄-koh tī天 頂ê原 物，tio̍h用比這koh-khah好ê祭 物來hō͘它清 氣。24因為基督m̄是入去，人ê手模 仿真 聖 所所造ê聖 所，祂是入去天 頂ê真 聖 所，taⁿ為tio̍h咱出 現tī上 主ê面 前。25猶 太 人hiah-ê大 祭司，ta̍k年tio̍h用牛kah羊ê血入去至聖 所，m̄-koh基督m̄免一 遍koh一 遍獻家己本 身。26若tio̍h一 遍koh一 遍獻，基督tuì創 造世間以來，tio̍h一 遍koh一 遍受 苦，m̄-koh tsit-má tī tsit世代ê路尾，基督kan-taⁿ出 現一pái，將本 身獻做 祭，來消 除人類ê罪。27照所註 定，人lóng tio̍h死一pái，死後有上 主ê審 判。28親 像án-ne，基督已經有一pái獻家己ê性 命，來擔 當眾 人ê罪。祂會第二pái出 現，m̄是beh對付罪，是beh拯 救hiah-ê迫 切teh thìng候祂再 臨ê人。
|
|
|
轉寄