《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第二章

作者 巴克禮普世版小組 2017.01.16

寫(siá)Hō͘以弗所(í-hut-só͘)教 會(kàu-huē)ê Phue
1「你(lí)tio̍h寫(siá)phue hō͘以弗所(í-hut-só͘)教 會(kàu-huē)ê使者(sù-tsiá)，kā in講(kóng)：正 手(tsiàⁿ-tshiú)tháⁿ七 粒(tshit-lia̍p)星(tsheⁿ)，tī七 支(tshit-ki)金 燈 台(kim ting-tâi)中 央(tiong-ng)teh行(kiâⁿ)Hit位(uī)án-ne講(kóng)：2我 知(guá tsai)你(lí)ê所做(só͘ tsò)kah你(lí)ê勞苦(lô-khó͘)以及(í-ki̍p)吞 忍(thun-lún)，你(lí)mā bē容 允(iông-ín)hiah-ê做(tsò)pháiⁿ ê人(lâng)，你(lí)mā有考 驗(ū khó-giām)hiah-ê家己(ka-kī)講 是(kóng sī)使徒(sù-tô͘)其實(kî-si̍t)m̄是(sī)ê人(lâng)，看 出(khuàⁿ-tshut)in是(sī)teh講 白 賊(kóng pe̍h-tsha̍t)。3你有(lí ū)吞 忍(thun-lún)，bat為(uī)tio̍h我(guá)ê名(miâ)，忍 受(jím-siū) 苦 難(khó͘-lān)lóng無厭倦(bô ià-siān)。4 M̄-koh有一 項(ū tsi̍t-hāng)tāi-tsì，我(guá)tio̍h kā你(lí)責 備(tsik-pī)，就是(tsiū-sī)你已經(lí í-king)棄(khì)sak當 初(tong-tsho͘)對我(tuì guá)ê疼(thiàⁿ)。5所以(só͘-í)你(lí)tio̍h會記得(ē-kì-tit)你(lí)tuì tó位(uī)跋 倒(pua̍h-tó)，tio̍h悔 改(hué-kái)，回 復(huê-ho̍k)你起頭(lí khí-thâu)疼(thiàⁿ)ê行 踏(kiâⁿ-ta̍h)；若無(nā-bô)，我(guá)會去(ē khì)你(lí)hia，將(tsiong)你(lí)ê燈 台(ting-tâi)徙 走(suá-tsáu)。6 M̄-koh你(lí)iáu有一 項(ū tsi̍t-hāng)可 取(khó-tshú)ê tāi-tsì，就是(tsiū-sī)你(lí)mā kah我(guá)仝 款(kāng-khuán)，怨 恨(uàn-hūn)跟(kin)tuè尼哥拉(nî-ko-lah)hit陣 人(tīn lâng)做(tsò)ê tāi-tsì。7有 耳 孔(ū hīⁿ-khang)ê人(lâng)tio̍h聽(thiaⁿ)，聖 神(sìng-sîn)kā tsiah-ê教 會(kàu-huē)所 講(só͘ kóng)ê話(uē)：「我(guá)beh hō͘得 勝(tik-sìng)ê人(lâng)，食(tsia̍h)上 主(siōng-tsú)ê樂 園 中(lo̍k-hn̂g tiong)hit叢(tsâng)活 命 樹(ua̍h-miā-tshiū)ê果 子(kué-tsí)。」

寫(siá)Hō͘士 每拿(sū-muí-ná)教 會(kàu-huē)ê Phue
8「你(lí)tio̍h寫(siá)phue hō͘士 每拿(sū-muí-ná)教 會(kàu-huē)ê使者(sù-tsiá)，kā in講(kóng)：起 頭(khí-thâu).ê kah結 尾(kiat-bué).ê，tuì死 人 中(sí-lâng tiong)koh活(ua̍h)ê Hit位(uī)án-ne講(kóng)：9我 知(guá tsai)你(lí)ê苦 難(khó͘-lān)kah sàn-tshiah，其實(kî-si̍t)你是(lí sī)好 額(hó-gia̍h)；我(guá)mā知(tsai)你(lí)有受(ū siū)自 稱(tsū-tshing)猶 太 人(iû-thài-lâng)hiah-ê人(lâng)譭 謗(huí-pòng)，其實(kî-si̍t)in m̄是(sī)猶 太 人(iû-thài-lâng)，in屬(sio̍k)撒旦(sat-tàn)ê集 團(tsi̍p-thuân)。10 M̄免 驚(bián kiaⁿ)你(lí)teh-beh受(siū)ê苦 難(khó͘-lān)，你 看(lí khuàⁿ)，魔 鬼(mô͘-kuí)beh將(tsiong)lín中 間(tiong-kan)幾(kuí)nā人(lâng)關 落 監(kuaiⁿ lo̍h-kaⁿ)，kā lín考 驗(khó-giām)，lín會(ē)受苦 難(siū khó͘-lān)十 日(tsa̍p-ji̍t)久(kú)；你(lí)tio̍h盡 忠(tsīn-tiong)到死(kàu sí)，我(guá)會賞賜(ē siúⁿ-sù)你(lí)活 命(ua̍h-miā)ê榮 冠(îng-kuan)。11有 耳 孔(ū hīⁿ-khang)ê人(lâng)lóng tio̍h聽(thiaⁿ)，聖 神(sìng-sîn)kā tsiah-ê教 會(kàu-huē)所 講(só͘ kóng)ê話(uē)：「得 勝(tik-sìng)ê人(lâng)，一定(it-tīng)bē受(siū)tio̍h第二(tē-jī)pái死 亡(sí-bông)ê災 害(tsai-hāi)。」

寫(siá)Hō͘別 迦摩(pia̍t-ka-mô͘)教 會(kàu-huē)ê Phue
12「你(lí)tio̍h寫(siá)phue hō͘別 迦摩(pia̍t-ka-mô͘)教 會(kàu-huē)ê使者(sù-tsiá)，kā in講(kóng)：有(ū)雙 面 利(siang-bīn lāi)ê劍(kiàm)Hit位(uī)án-ne講(kóng)：13我 知(guá tsai)你(lí)所(só͘)tuà ê所 在(só͘-tsāi)，就是(tsiū-sī)撒旦(sat-tàn)ê座位(tsō-uī)hia，你(lí)持 守(tshî-siú)我(guá)ê名(miâ)，甚 至(sīm-tsì)我(guá)忠 實(tiong-si̍t)ê見 證 人(kiàn-tsìng-jîn)An-thê-phàⁿ，tī魔 鬼(mô͘-kuí)ê地盤(tē-puâⁿ)hō͘人(lâng)殺 害(sat-hāi)，你(lí)mā bē放 棄(hòng-khì)對我(tuì guá)ê信 心(sìn-sim)。14 M̄-koh我有(guá ū)幾(kuí)nā項(hāng)tāi-tsì beh kā你(lí)責 備(tsik-pī)，因為(in-uī)tī你(lí)hia有人(ū lâng)持 守(tshî-siú)Pa-lân ê教示(kà-sī)；tsit-ê Pa-lân bat教示(kà-sī)巴力(pa-li̍k)，去迷 惑(khì bê-hi̍k)以色列(í-sik-lia̍t)ê kiáⁿ孫(sun)，hō͘ in食(tsia̍h)祭 偶 像(tsè ngó͘-siōng)ê物(mi̍h)，koh行 姦 淫(kiâⁿ kan-îm)。15親 像(tshin-tshiūⁿ)án-ne，你(lí)hia mā有人(ū lâng)持 守(tshî-siú)尼哥拉(nî-ko-lah)ê教示(kà-sī)。16所以(só͘-í)tio̍h悔 改(hué-kái)，若無(nā-bô)，我(guá)liâm-piⁿ會到(ē kàu)你(lí)hia，用(īng)我 嘴 內(guá tshuì-lāi)ê劍(kiàm)kah in交 戰(kau-tsiàn)。17「有 耳 孔(ū hīⁿ-khang)ê人(lâng)lóng tio̍h聽(thiaⁿ)，聖 神(sìng-sîn)kā tsiah-ê教 會(kàu-huē)所 講(só͘ kóng)ê話(uē)：得 勝(tik-sìng)ê人(lâng)，我(guá)beh將(tsiong)保 存(pó͘-tsûn)起來(khí-lâi)ê má-ná hō͘伊(i)；我(guá)mā beh hō͘伊(i)一塊(tsi̍t-tè)白 石(pe̍h-tsio̍h)，石(tsio̍h)ê頂 面(tíng-bīn)刻(khik)新(sin)ê名(miâ)；領受(niá-siū)ê人(lâng)以外(í-guā)，無 人(bô-lâng)bat tsit-ê名(miâ)。」

寫(siá)Hō͘推 雅 推 喇(tshui-ngá-tshui-lat)教 會(kàu-huē)ê Phue
18「你(lí)tio̍h寫(siá)phue hō͘推 雅 推 喇(tshui-ngá-tshui-lat)教 會(kàu-huē)ê使者(sù-tsiá)，kā in講(kóng)：上 主(siōng-tsú)ê Kiáⁿ，就是(tsiū-sī)目 睭(ba̍k-tsiu)親 像(tshin-tshiūⁿ)火 焰(hué-iām)，腳(kha)親 像(tshin-tshiūⁿ)金(kim)siak-siak ê銅(tâng)Hit位(uī)án-ne講(kóng)：19我 知(guá tsai)你(lí)ê行 踏(kiâⁿ-ta̍h)，你(lí)ê疼(thiàⁿ)、信 心(sìn-sim)、服 事(ho̍k-sāi)kah吞 忍(thun-lún)；我(guá)mā知(tsai)你(lí)最 近(tsuè-kīn)teh做(tsò)ê tāi-tsì比(pí)起 頭(khí-thâu)ê khah tsē。20 M̄-koh有一 項(ū tsi̍t-hāng)tāi-tsì我(guá)tio̍h kā你(lí)責 備(tsik-pī)，就是(tsiū-sī)你(lí)容 允(iông-ín)hit-ê自 稱(tsū-tshing)做 先知(tsò sian-ti)ê tsa-bó͘人(lâng)耶洗別(iâ-sé-piat)，她(i)教示(kà-sī)koh迷惑(bê-hi̍k)我(guá)hiah-ê奴僕(lô͘-po̍k)去(khì)行 姦 淫(kiâⁿ kan-îm)，koh食(tsia̍h)祭 偶 像(tsè ngó͘-siōng)ê物(mi̍h)。21我(guá)hō͘她(i)有機會(ū ki-huē)thang悔 改(hué-kái)，m̄-koh她(i)無(bô)beh悔 改(hué-kái)，繼 續(kè-sio̍k)她(i)ê淫 亂(îm-luān)。22我(guá)beh hō͘她(i)破 病(phuà-pēⁿ)倒(tó)tī眠 床(bîn-tshn̂g)，hiah-ê kah她(i)行 姦 淫(kiâⁿ kan-îm)ê人(lâng)，若(nā)無悔 改(bô hué-kái)停 止(thîng-tsí)kah她(i)ê淫 亂(îm-luān)，我(guá)mā beh hō͘ in受(siū)大 災 難(tuā tsai-lān)。23我(guá)beh用 死 亡(īng sí-bông)來 消 滅(lâi siau-bia̍t)hiah-ê跟(kin)tuè耶洗別(iâ-sé-piat)ê人(lâng)，án-ne tsiah-ê教 會(kàu-huē)lóng會知(ē tsai)，我有(guá ū)teh鑑 察(kàm-tshat)人(lâng)ê心 腸(sim-tn̂g)，mā beh照(tsiàu)lín ta̍k人(lâng)ê所行(só͘ kiâⁿ)kā lín報應(pò-ìng)。24 「M̄-koh lín tī推 雅 推 喇(tshui-ngá-tshui-lat)其他(kî-tha)無 承 受(bô sîng-siū)tsit種(tsióng)教示(kà-sī)，mā m̄-bat in所 講(só͘ kóng)關 係(kuan-hē)撒旦(sat-tàn)ê奧祕(ò-pì)ê人(lâng)，我(guá)kā lín講(kóng)，我(guá)bē加添(ke-thiⁿ)別 款(pa̍t-khuán)重 擔(tāng-tàⁿ)hō͘ lín。25 總 是(tsóng-sī) lín tio̍h持 守(tshî-siú)lín所有(só͘ ū)ê，直到(ti̍t-kàu)我 再 臨(guá tsài-lîm)。26得 勝(tik-sìng)koh繼 續(kè-sio̍k)遵 守(tsun-siú)我(guá)ê命 令(bīng-līng)直到(ti̍t-kàu) 路尾(lō͘-bué)ê人(lâng)，我(guá)beh hō͘伊(i)有 權 柄(ū kuân-pìng)thang治理(tī-lí)萬 國(bān-kok)。27伊(i)beh用 鐵 枴(īng thih-kuái)kā in管 轄(kuán-hat)，親 像(tshin-tshiūⁿ)kā磁器(huî-khì)kòng碎(tshuì)；我(guá)mā有(ū)án-ne tuì我(guá)ê天父(thiⁿ-pē)領受(niá-siū)權 柄(kuân-pìng)。28我(guá)mā beh用(īng)啟 明 星(khé-bîng-tsheⁿ)hō͘得 勝(tik-sìng)ê人(lâng)。29「有 耳 孔(ū hīⁿ-khang)ê人(lâng)lóng tio̍h聽(thiaⁿ)，聖 神(sìng-sîn)kā tsiah-ê教 會(kàu-huē)所 講(só͘ kóng)ê話(uē)。」