《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第八章

作者 巴克禮普世版小組 2017.02.27

第七個(tē tshit-ê)封 印(hong-ìn)
1羊羔(iûⁿ-ko)開(khui)第七個(tē tshit-ê)封 印(hong-ìn)ê時(sî)，天 頂(thiⁿ-tíng)靜 靜(tsīng-tsīng)約(iok)半 點 鐘(puàⁿ tiám-tsing)久(kú)。2然 後(jiân-āu)我 看(guá khuàⁿ)tio̍h hit七個(tshit-ê)天使(thiⁿ-sài)khiā tī上 主(siōng-tsú)ê面 前(bīn-tsîng)，in有領受(ū niá-siū)七 支(tshit-ki)喇叭(lat-pah)。3另 外(līng-guā)一個(tsi̍t-ê)天使(thiⁿ-sài)phâng金 香 爐(kim hiuⁿ-lô͘)，來(lâi)khiā tuà祭 壇邊(tsè-tuâⁿ piⁿ)；伊(i)有領受(ū niá-siū)真(tsin)tsē香(hiuⁿ)，thang kah眾 信徒(tsìng sìn-tô͘)做(tsò)伙(hué)祈禱(kî-tó)獻(hiàn)tī寶 座 前(pó-tsō tsîng)ê金 祭 壇 頂(kim tsè-tuâⁿ-tíng)。4香 煙(hiuⁿ-ian)kah眾 信徒(tsìng sìn-tô͘)ê祈禱(kî-tó)，tuì天使(thiⁿ-sài)ê手(tshiú)tshìng到(kàu)上 主(siōng-tsú)ê面 前(bīn-tsîng)。5然 後(jiân-āu)天使(thiⁿ-sài)phâng hit-ê香 爐(hiuⁿ-lô͘)，將(tsiong)祭 壇 頂(tsè-tuâⁿ-tíng)ê火(hué)貯到 滿(té-kàu muá)tsiah hiat落去(lo̍h-khì)地 上(tē-tsiūⁿ)，隨時(suî-sî)有(ū)tân雷(luî)ê聲(siaⁿ)，閃電(sih-nà)kah地動(tē-tāng)。

喇叭(lat-pah)
6 Gia̍h七 支(tshit-ki)喇叭(lat-pah)hit七個(tshit-ê)天使(thiⁿ-sài)，準 備(tsún-pī)好勢(hó-sè)beh pûn。7頭 一個(thâu-tsi̍t-ê)天使(thiⁿ-sài)pûn，隨時(suî-sî)有 雹(ū pha̍uh)kah火(hué)tsham血(hueh)piàⁿ落(lo̍h)地 上(tē-tsiūⁿ)；三 份 之一(saⁿ-hūn tsi-it)ê地(tē)燒燒 去(sio-sio khì)，三 份 之一(saⁿ-hūn tsi-it)ê樹 木(tshiū-ba̍k)燒燒 去(sio-sio khì)，所有(só͘ ū)ê青 草(tsheⁿ-tsháu)mā lóng燒燒 去(sio-sio khì)。8第二個(tē-jī-ê)天使(thiⁿ-sài)一下(tsi̍t-ē)pûn，隨時(suî-sî)有(ū)親 像(tshin-tshiūⁿ)火(hué)teh燒(sio)ê大 山(tuā-suaⁿ)hiat落海(lo̍h-hái)，三 份 之一(saⁿ-hūn tsi-it)ê海(hái)變 做(piàn-tsò)血(hueh)。9海裡(hái-ni̍h)所有(só͘ ū)ê活 物(ua̍h-mi̍h)三 份 之一(saⁿ-hūn tsi-it)死去(sí-khì)，船 隻(tsûn-tsiah)mā有(ū)三 份 之一(saⁿ-hūn tsi-it)破 去(phuà khì)。10第三個(tē-saⁿ-ê)天使(thiⁿ-sài)一下(tsi̍t-ē)pûn，隨時(suî-sî)有(ū)大 粒 星(tuā-lia̍p tsheⁿ)tuì天 頂(thiⁿ-tíng)lak落來(lo̍h-lâi)，親 像(tshin-tshiūⁿ)teh-to̍h ê火把(hué-pé)，lak tī三 份 之一(saⁿ-hūn tsi-it)ê江 河(kang-hô)kah水 源(tsuí-guân)。11 Tsit粒(lia̍p)星(tsheⁿ)ê名 叫 做(miâ kiò-tsò)「苦 艾(khó͘-hiāⁿ)」，三 份 之一(saⁿ-hūn tsi-it)ê水(tsuí)變 苦(piàn khó͘)；真(tsin)tsē人(lâng) 為(uī)tio̍h tsiah-ê水(tsuí)死去(sí-khì)，因為(in-uī)水(tsuí)變 苦(piàn khó͘)。12第四個(tē-sì-ê)天使(thiⁿ-sài)一下(tsi̍t-ē)pûn，日(ji̍t)ê三 份 之一(saⁿ-hūn tsi-it)，月(gue̍h)ê三 份 之一(saⁿ-hūn tsi-it)，星(tsheⁿ)ê三 份 之一(saⁿ-hūn tsi-it)，lóng受(siū)tio̍h攻 擊(kong-kik)，致使(tì-sú)日(ji̍t)、月(gue̍h)，tsheⁿ ê三 份 之一(saⁿ-hūn tsi-it)變 做(piàn-tsò)暗(àm)；日時(ji̍t-sî)三 份 之一(saⁿ-hūn tsi-it)無光(bô kng)，暗時(àm-sî)mā三 份 之一(saⁿ-hūn tsi-it)無光(bô kng)。13然 後(jiân-āu)我(guá)koh看(khuàⁿ)，有聽(ū thiaⁿ)tio̍h一 隻(tsi̍t-tsiah)tī空 中(khong-tiong)teh飛(pue)ê鷹 鳥(ing-tsiáu)大 聲(tuā-siaⁿ)講(kóng)：「有災禍(ū tsai-hō)à，有災禍(ū tsai-hō)à，tuà tī地 上(tē-tsiūⁿ)ê人(lâng)有災禍(ū tsai-hō)à，因為(in-uī)其他(kî-tha)三個(saⁿ-ê)天使(thiⁿ-sài)teh-beh koh pûn喇叭(lat-pah)！」