《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第九章

作者 巴克禮普世版小組 2017.02.06

1第五個(tē-gō͘-ê)天使(thiⁿ-sài)一下(tsi̍t-ē)pûn，我 看(guá khuàⁿ)tio̍h一 粒(tsi̍t-lia̍p)tsheⁿ tuì天 頂(thiⁿ-tíng)lak落地(lo̍h-tē)。Tsit粒(lia̍p)tsheⁿ有領受(ū niá-siū)無 底 深 坑(bô-té tshim-kheⁿ)ê鎖匙(só-sî)。2 Hit粒(lia̍p)tsheⁿ phah開(khui)無 底 深 坑(bô-té tshim-kheⁿ)，就有(tsiū-ū)親 像(tshin-tshiūⁿ)大 火爐(tuā hué-lô͘)ê煙(ian)，tuì深 坑(tshim-kheⁿ)tshìng起來(khí-lâi)，日頭(ji̍t-thâu)kah太 空(thài-khong)lóng因為(in-uī)深 坑(tshim-kheⁿ)ê煙(ian)變烏(piàn o͘)-暗(àm)。3有(ū)草 蜢(tsháu-meh)tuì煙(ian)ê內面(lāi-bīn)出 來(tshut-lâi)歇(hioh)tī地 上(tē-tsiūⁿ)，in有領受(ū niá-siū)親 像(tshin-tshiūⁿ)地 上(tē-tsiūⁿ)ê蠍(giat)á蟲(thâng)所有(só͘ ū)ê權 柄(kuân-pìng)。4 Hiah-ê草 蜢(tsháu-meh)受 交帶(siū kau-tài)，m̄-thang傷 害(siong-hāi)地 上(tē-tsiūⁿ)ê青 草(tsheⁿ-tsháu)、樹 木(tshiū-ba̍k)kah所有(só͘ ū)ê植 物(si̍t-bu̍t)，kan-taⁿ thang傷 害(siong-hāi)hiah-ê tī頭 額(thâu-hia̍h)無(bô)hō͘上 主(siōng-tsú)蓋 印(khap-ìn)做記號(tsò kì-hō)ê人(lâng)。5 Koh m̄准(tsún)草 蜢(tsháu-meh)害死(hāi-sí)tsiah-ê人(lâng)，kan-taⁿ hō͘ in受 苦(siū-khó͘)五月 日(gō͘ gue̍h-ji̍t)久(kú),in ê痛 苦(thòng-khó͘)tú親 像(tshin-tshiūⁿ)hō͘蠍(giat)á蟲 咬(thâng-kā)tio̍h ê痛 疼(thiàⁿ-thàng)。6 Tī hit五月 日(gō͘ gue̍h-ji̍t)中 間(tiong-kan)，人(lâng)求(kiû)beh死(sí)mā bē得(tit)死(sí)，ài beh死(sí)mā死(sí)bē去(khì)。7草 蜢(tsháu-meh)ê形 狀(hîng-tsōng)親 像(tshin-tshiūⁿ)準 備(tsún-pī)beh出 戰(tshut-tsiàn)ê馬(bé)，頭 殼 頂(thâu-khak tíng)kah-ná有戴(ū tì)金(kim)ê冕 旒(bián-liû)，in ê面(bīn)親 像(tshin-tshiūⁿ)人(lâng)ê面(bīn)。8有(ū)親 像(tshin-tshiūⁿ)tsa-bó͘人(lâng)ê頭 毛(thâu-mn̂g)，koh有(ū)親 像(tshin-tshiūⁿ)獅(sai)ê牙(gê)。9胸 坎(hing-khám)有(ū)親 像(tshin-tshiūⁿ)鐵(thih)ê戰 甲(tsiàn-kah)，in ê翼(si̍t)發 出(huat-tshut)ê聲(siaⁿ)，親 像(tshin-tshiūⁿ)真(tsin)tsē馬 車(bé-tshia)phun-走(tsáu)去 交 戰(khì kau-tsiàn)ê聲(siaⁿ)。10 In有(ū)親 像(tshin-tshiūⁿ)蠍(giat)á蟲(thâng)ê尾溜(bué-liu)有刺(ū tshì)，in有 權 能(ū kuân-lîng)thang用(īng)tsit-ê尾溜(bué-liu)，來 傷 害(lâi siong-hāi)人(lâng)五月 日(gō͘ gue̍h-ji̍t)久(kú)。11草 蜢(tsháu-meh)有一個(ū tsi̍t-ê)王(ông)，就是(tsiū-sī)管 轄(kuán-hat)無 底 深 坑(bô-té tshim-kheⁿ)ê天使(thiⁿ-sài)，伊(i)ê名(miâ)希伯來語(hi-pik-lâi-gí)叫 做(kiò-tsò)「A-pa-tùn」，希臘語(hi-lia̍p-gí)叫 做(kiò-tsò)「A-pho-lûn」。12頭 一個(thâu-tsi̍t-ê)災 禍(tsai-hō)已經(í-king)過 去(kuè-khì)，以後(í-āu)iáu有兩個(ū nn̄g-ê)災 禍(tsai-hō)teh-beh來(lâi)。13第六個(tē-la̍k-ê)天使(thiⁿ-sài)一下(tsi̍t-ē)pûn，我 聽(guá thiaⁿ)tio̍h一個 聲(tsi̍t-ê siaⁿ)，tuì上 主(siōng-tsú)面 前(bīn-tsîng)ê金 壇(kim-tuâⁿ)四個角(sì-ê kak)出 來(tshut-lâi)，14 kā gia̍h喇叭(lat-pah)ê第六個(tē-la̍k-ê)天使(thiⁿ-sài)講(kóng)：「你(lí)tio̍h kā縛(pa̍k)tī幼發拉底(iù-huat-la̍h-tí)大河(tuā-hô)hit四個(sì-ê)天使(thiⁿ-sài)tháu放(pàng)出 來(tshut-lâi)。」15 Hit四個(sì-ê)天使(thiⁿ-sài)受(siū)tháu放(pàng)ê tāi-tsì，是(sī)早(tsá)to̍h安排(an-pâi)好勢(hó-sè)，tī hit-ê時(sî)，hit-ê日(ji̍t)，hit-ê月(gue̍h)，hit-ê年(nî)，beh來害死(lâi hāi-sí)人類(jîn-luī)ê三 份 之一(saⁿ-hūn tsi-it)。16我有(guá ū)聽 講(thiaⁿ-kóng)，馬 兵(bé-ping)ê數目(sò͘-ba̍k)lóng總(tsóng)有(ū)兩億(nn̄g-ik)。17我(guá)tī異 象(īⁿ-siōng)中(tiong)看(khuàⁿ)tio̍h馬(bé)kah騎 馬(khiâ-bé)ê人(lâng)án-ne：in穿(tshīng)ê戰 甲(tsiàn-kah)色緻(sik-tì)紅(âng)kah親 像(tshin-tshiūⁿ)火(hué)，藍(nâ)kah親 像(tshin-tshiūⁿ)藍 寶 石(nâ-pó-tsio̍h)，黃(n̂g)kah親 像(tshin-tshiūⁿ)硫 磺(liû-hông)；馬(bé)ê頭(thâu)親 像(tshin-tshiūⁿ)獅(sai)ê頭(thâu)，tuì in ê嘴(tshuì)吐 出(thò͘-tshut)火(hué)、煙(ian)kah硫 磺(liû-hông)。18人類(jîn-luī)ê三 份 之一(saⁿ-hūn tsi-it)，hō͘ tuì hit隻(tsiah)馬(bé)ê嘴(tshuì)吐 出 來(thò͘ tshut-lâi)ê火(hué)、煙(ian)kah硫 磺(liû-hông)三 項(saⁿ-hāng)ê災 禍(tsai-hō)殺 害(sat-hāi)。19 Tsiah-ê馬(bé)ê權 柄(kuân-pìng)tī in ê嘴(tshuì)kah尾溜(bué-liu)，因為(in-uī)in ê尾溜(bué-liu)親 像(tshin-tshiūⁿ)蛇(tsuâ)有頭(ū thâu)，用(īng)hiah-ê頭(thâu)傷 害(siong-hāi)人(lâng)。20其他(kî-tha)無受(bô siū)tsiah-ê災 禍(tsai-hō)殺 害(sat-hāi)ê人(lâng)iáu-koh無(bô)beh悔 改(hué-kái)，無 放 棄(bô hòng-khì)in ê手(tshiú)所造(só͘ tsō)ê偶 像(ngó͘-siōng)，猶 原(iû-guân)拜(pài)hiah-ê鬼(kuí)kah bē看(khuàⁿ)、bē聽(thiaⁿ)、bē行(kiâⁿ)，用 金(īng kim)、銀(gîn)、銅(tâng)、石(tsio̍h)、柴(tshâ)所造(só͘ tsō)ê偶 像(ngó͘-siōng)。21 Hiah-ê人(lâng)犯(huān)tio̍h thâi人(lâng)、邪術(siâ-su̍t)、淫 亂(îm-luān)kah偷(thau)the̍h ê罪(tsuē)，mā無悔 改(bô hué-kái)。