巴克禮普世版（試讀本） 啟示錄第十八章
巴比倫ê滅 亡
1然 後我 看tio̍h另 外一個天使tuì天落來，伊有大 權 柄，伊ê榮 光kā全 地照 光。2伊大 聲huah：「倒落去lò͘！大巴比倫倒落去à！Taⁿ tsit-ê城成 做鬼teh tuà ê所 在，一 切污穢邪神ê監牢，以及所有無 清 氣koh可惡ê鳥 類ê鳥 巢。3因為萬 國lóng有lim-tio̍h tsit-ê淫婦淫 亂ê酒，來惹起上 主ê受氣，地 上ê君 王lóng bat kah她行 姦 淫，地 上tsiah-ê sing-lí人，有對她ê奢 華放 蕩來發 財。4我koh聽tio̍h另 外一個 聲tuì天 頂發 出，講：「我ê子 民ah，tio̍h tuì淫婦hia出 來，tsiah免bak-tio̍h她ê罪，mā免kah她做伙受災 禍。5因為她ê罪已經累 積tú天，上 主會記得她ê邪惡行 為。6 Tio̍h照她款 待咱ê態 度來kā祂款 待，照她ê所做ê加倍kā她報應，用她調 酒ê杯，調加 倍 強ê酒hō͘她。7她bat án怎榮 光家己來 奢 華，tio̍h照án-ne hō͘她艱 苦悲哀，因為她心 內家己講：我做女王坐tī王位，並m̄是寡 婦，我絕 對bē tú-tio̍h悲 傷ê tāi-tsì。8所以tī一日ê中 間，她ê災 禍會lóng到：有死 亡、悲哀、飢荒，她mā會hō͘火 燒 滅，因為審 判她ê主—上 主有大 氣 力。9地 上hiah-ê kah她行 姦 淫koh過奢 華生 活ê君 王，看tio̍h城teh火 燒ê煙，會為tio̍h城悲 傷啼 哭。10 In驚看tio̍h巴比倫所受ê艱 苦，就khiā遠 遠講：「慘ah！tsit-ê大 城巴比倫，慘ah！堅 固ê城，慘ah！因為koh一時á久你就會受 審 判！」11地 上hiah-ê sing-lí人，mā為tio̍h她悲 傷啼 哭，因為無 人koh買in ê貨，12就是金、銀、寶 石、珍 珠、幼麻 布、絲綢，紫 色kah朱 紅 色ê高貴布 料tsiah-ê貨，kah ta̍k款ê香 柴，ta̍k款象 牙製 品，ta̍k款貴氣ê柴、銅、鐵kah白 石ê器具，13 mā有肉 桂、豆 蔻、芳 料、芳 油、乳香、酒、油、幼麵、麥、牛、羊、馬、車、奴僕，以及甚 至人ê靈 魂。14 Hiah-ê sing-lí人對她講：「你ê心所 意愛hiah-ê好 物lóng無去à，你一 切ê榮 華富貴lóng消 失去，永 遠bē-tàng koh看tio̍h。」15靠tsit-ê城做sing-lí人發 財ê人，因為真 驚看tio̍h tsit-ê城所受ê艱 苦，lóng會khiā遠 遠teh悲 傷啼 哭，16講：「慘à！tsit-ê大 城，慘à！平 時穿幼麻 布，紫 色kah朱 紅 色ê衫，kui身 軀妝kah lóng是金、寶 石kah珍 珠。17一時á久，hiah-ê財 富lóng無去；所有ê船 長、旅 客kah水 手以及所有靠 海生 活ê人，lóng khiā遠 遠teh看，18看tio̍h tsit-ê城火 燒ê煙，就大 聲huah：「有tó一個城親 像tsit-ê大 城？」19 In tī家己ê頭 殼 頂sám土 粉，悲 傷啼 哭大 聲huah：「慘à！tsit-ê大 城，慘à！Tī海裡行 船ê人lóng靠tsit-ê城來發 財，tsit-ê城一時á久to̍h to̍h廢無去！」20天ah，lín tsiah-ê信徒kah先知，tio̍h為tio̍h tsit-ê城ê滅 亡來歡 喜，因為上 主已經替lín申 冤，kā tsit-ê城處 罰ā。21然 後有一個大 氣 力ê天使，mo͘h一塊親 像大 石 磨ê石 頭起來，hiat落去海裡，講：「巴比倫大 城mā會親 像án-ne hō͘人出 力hiat落去，絕 對bē-tàng koh看tio̍h。22 Mā bē koh聽tio̍h彈 琴、奏 樂、pûn簫、pûn喇叭ê聲；mā bē koh看tio̍h ta̍k種工 藝ê師傅；mā bē koh聽tio̍h挨磨ê聲；23 mā bē koh看tio̍h燈 火ê光；mā bē koh聽tio̍h新 郎kah新娘ê聲。你ê sing-lí人，平 時tī地 上lóng是有勢力ê人；萬 國mā lóng hō͘你ê邪術迷惑 去！24先知、信徒kah地 上所有受殺 害ê人ê血，lóng tī tsit-ê城tshuē-tio̍h，巴比倫tsiah受 處 罰。」
|
|
|
轉寄