《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第十九章

作者 巴克禮普世版小組 2017.05.15

1然 後(jiân-āu)，我(guá)koh聽(thiaⁿ)tio̍h tī天 頂(thiⁿ-tíng)有(ū)親 像(tshin-tshiūⁿ)一 大陣(tsi̍t tuā-tīn)人(lâng)大 聲(tuā-siaⁿ)teh huah:「Ha-lé-lú-iah！O-ló上 主(siōng-tsú)！拯 救(tsín-kiù)、榮 光(îng-kng)、權 能(kuân-lîng)，lóng屬(sio̍k)咱(lán)ê上 主(siōng-tsú)！2祂(i)ê審 判(sím-phuàⁿ)真實(tsin-si̍t)koh公 義(kong-gī)，因為(in-uī)祂(i)bat審 判(sím-phuàⁿ)hit-ê用 淫 亂(īng îm-luān)敗 壞(pāi-huāi)地 上(tē-tsiūⁿ)ê大淫婦(tuā îm-hū)，koh刑 罰(hîng-hua̍t)她(i)流(lâu)上 主(siōng-tsú)奴僕(lô͘-po̍k)ê血(hueh)ê罪(tsuē)。」3 In koh再(tsài)huah：「Ha-lé-lú-iah！O-ló上 主(siōng-tsú)！城(siâⁿ)hō͘火 燒(hué-sio)ê煙(ian)tshìng上(tsiūⁿ)kuân，永 遠(íng-uán)bē停(thîng)！」4 Hit二十四個(jī-tsa̍p-sì-ê)長老(tiúⁿ-ló)kah四個(sì-ê)活 物(ua̍h-mi̍h)，仆 落去(phak lo̍h-khì)敬 拜(kìng-pài)坐(tsē)tī寶座(pó-tsō)ê上 主(siōng-tsú)講(kóng)：「阿們(a-men)！Ha-lé-lú-iah！O-ló上 主(siōng-tsú)！」

羊羔(iûⁿ-ko)ê婚 宴(hun-iàn)
5有聲(iú-siaⁿ)tuì寶座(pó-tsō)出 來(tshut-lâi)講(kóng)：「所有(só͘-ū)上 主(siōng-tsú)ê奴僕(lô͘-po̍k)kah敬 拜(kìng-pài)祂(i)ê人(lâng)，無論(bô-lūn)大細(tuā-sè)lóng tio̍h o-ló咱(lán)ê上 主(siōng-tsú)！」6我(guá)koh有聽(ū thiaⁿ)tio̍h親 像(tshin-tshiūⁿ)一 大陣(tsi̍t tuā-tīn)人(lâng)ê聲(siaⁿ)，親 像(tshin-tshiūⁿ)真(tsin)tsē條(tiâu)河流(hô-liû)ê聲(siaⁿ)，親 像(tshin-tshiūⁿ)雷(luî)大(tuā)tân ê聲(siaⁿ)，講(kóng)：「Ha-lé-lú-iah！因為(in-uī)咱(lán)ê主(tsú)，全 能(tsuân-lîng)ê上 主(siōng-tsú)已經(í-king)做 王(tsò ông)à！7咱(lán)tio̍h歡 喜(huaⁿ-hí)快 樂(khuài-lo̍k)，將(tsiong)榮 光(îng-kng)歸(kui)hō͘祂(i)，因為(in-uī)羊羔(iûⁿ-ko)婚姻(hun-in)ê期(kî)已經 到(í-king kàu)à，祂(i)ê新娘(sin-niû)已經(í-king)準 備(tsún-pī)好勢(hó-sè)à。8上 主(siōng-tsú)已經(í-king)hō͘祂(i)穿(tshīng)幼麻 布(iù-muâ-pò͘)白(pe̍h)siak-siak koh清 氣(tshing-khì)ê衫(saⁿ)。」(因為(in-uī)幼麻 布(iù-muâ-pò͘)是(sī)teh指(tsí)信徒(sìn-tô͘)所行(só͘ kiâⁿ)ê正 義(tsìng-gī)行 為(hîng-uî)。) 9然 後(jiân-āu)天使(thiⁿ-sài)kā我 講(guá kóng)：「你(lí)tio̍h寫起來(siá khí-lâi)：受 邀 請(siū iau-tshiáⁿ)來赴(lâi hù)羊羔(iûⁿ-ko)婚 宴(hun-iàn)ê人(lâng)，真有(tsin ū) 福 氣(hok-khì)。」Koh kā我 講(guá kóng)：「這是(tse sī)上 主(siōng-tsú)真實(tsin-si̍t)ê話(uē)。」10我(guá)就 仆(tsiū phak)tī天使(thiⁿ-sài)ê腳 前(kha-tsîng)beh kā伊(i)拜(pài)，m̄-koh伊(i)kā我 講(guá kóng)：「千 萬(tshian-bān)m̄-thang！我(guá)kah你(lí)以及(í-ki̍p)hiah-ê為耶穌(uī iâ-so͘)做 見 證(tsò kiàn-tsìng)ê人(lâng)，平 平(pêⁿ-pêⁿ)lóng是(sī)做 奴僕(tsò lô͘-po̍k).ê，你(lí)tio̍h拜(pài)上 主(siōng-tsú)！」因為(in-uī)hiah-ê為耶穌(uī iâ-so͘)做 見 證(tsò kiàn-tsìng)ê人(lâng)kah先知(sian-ti)仝 款(kāng-khuán)，lóng是(sī)受 聖 神(siū sìng-sîn)ê感 動(kám-tōng)。

萬 王(bān-ông)之 王(tsi ông)
11我(guá)koh看(khuàⁿ)tio̍h天 開(thiⁿ khui)，tī hia有 一 隻(ū tsi̍t-tsiah)白馬(pe̍h-bé)，騎(khiâ)tī馬 頂(bé-tíng)Hit位(uī)叫 做(kiò-tsò)「忠 信(tiong-sìn)」kah「真實(tsin-si̍t)」，伊(i)照 公 義(tsiàu kong-gī)來 審 判(lâi sím-phuàⁿ)，來 交 戰(lâi kau-tsiàn)。12祂(i)ê目 睭(ba̍k-tsiu)親 像(tshin-tshiūⁿ)火 焰(hué-iām)，頭 殼 頂(thâu-khak tíng)戴(tì)真(tsin)tsē王 冠(ông-kuan)，身 軀(sing-khu)koh有寫(ū siá)一個名(tsi̍t-ê miâ)，祂(i)本 身(pún-sin)以外(í-guā)無 人(bô-lâng)bat tsit-ê名(miâ)。13祂(i)穿(tshīng)hit領(niá)長 袍(tn̂g-phàu)bak kah全 是(tsuân-sī)血(hueh)。祂(i)ê名 叫 做(miâ kiò-tsò)「上 主(siōng-tsú)ê道(tō)」。14天 頂(thiⁿ-tíng)ê軍 兵(kun-ping)騎 白 馬(khiâ pe̍h-bé)來(lâi)tuè祂(i)，lóng穿(tshīng)白(pe̍h)koh清 氣(tshing-khì)ê幼麻 布 衫(iù-muâ-pò͘-saⁿ)。15 Tuì祂(i)ê嘴(tshuì)吐 出(thò͘-tshut)一支(tsi̍t-ki)利 劍(lāi-kiàm)，用來(īng lâi)征 服(tsing-ho̍k)列 國(lia̍t-kok)，祂(i)mā beh用 鐵 枴(īng thih-kuái)治理(tī-lí)in，祂(i)mā beh踏(ta̍h)全 能(tsuân-lîng)上 主(siōng-tsú)大 受氣(tuā siū-khì)ê酒 窟(tsiú-khut)。16 Tī祂(i)ê長 袍(tn̂g-phàu)kah腳 腿(kha-thuí)有寫(ū siá)一個名(tsi̍t-ê miâ)：就是(tsiū-sī)「萬 王(bān-ông)ê王(ông)，萬 主(bān-tsú)ê主(tsú)」。17我(guá)koh看(khuàⁿ)tio̍h一個(tsi̍t-ê)天使(thiⁿ-sài)khiā tī日頭(ji̍t-thâu)ê中 央(tiong-ng)，tuì空 中(khong-tiong)所有(só͘ ū)ê飛 鳥(pue-tsiáu)大 聲(tuā-siaⁿ)huah：「來(lâi)！做(tsò)伙(hué)來(lâi)參 加(tsham-ka)上 主(siōng-tsú)ê大宴 席(tuā iàn-si̍k)！18來 食(lâi tsia̍h)tsiah-ê君 王(kun-ông)ê肉(bah)，將 軍(tsiong-kun)ê肉(bah)kah勇 士(ióng-sū)ê肉(bah)，馬(bé)kah騎 馬(khiâ-bé)ê人(lâng)ê肉(bah)，所有(só͘-ū)自由(tsū-iû)ê人(lâng)kah奴隸(lô͘-lē)ê肉(bah)，序細(sī-sè)kah序大(sī-tuā)ê肉(bah)。」19我(guá)koh看(khuàⁿ)tio̍h hit隻(tsiah)猛 獸(bíng-siù)，地 上(tē-tsiūⁿ)ê君 王(kun-ông)kah in ê軍 兵(kun-ping)lóng聚 集(tsū-tsi̍p)，beh kah騎 馬(khiâ-bé)Hit位(uī)以及(í-ki̍p)祂(i)ê軍 兵(kun-ping)交 戰(kau-tsiàn)。20 Hit隻(tsiah)猛 獸(bíng-siù)kah以 前(í-tsîng)tī牠(i)面 前(bīn-tsîng)行 奇 蹟(kiâⁿ kî-tsik)ê假先知(ké-sian-ti)，做(tsò)伙(hué)受 掠(siū-lia̍h)；tsit-ê假先知(ké-sian-ti)bat用(īng)奇 蹟(kî-tsik)，來迷惑(lâi bê-hi̍k)hiah-ê有(ū)猛 獸(bíng-siù)ê記號(kì-hō)kah拜(pài)猛 獸(bíng-siù)造 像(tsō-siōng)ê人(lâng)；hit隻(tsiah)猛 獸(bíng-siù)kah hit-ê假先知(ké-sian-ti)兩個(nn̄g-ê)，hō͘人(lâng)活 活(ua̍h-ua̍h)hiat落去(lo̍h-khì)有硫 磺(ū liû-hông)teh燒(sio)ê火湖(hué-ô͘)。21 Tshun落來(lo̍h-lâi)ê軍 兵(kun-ping)，lóng hō͘騎 馬(khiâ-bé)Hit位(uī)ê嘴(tshuì)吐 出(thò͘-tshut)ê劍(kiàm)殺 害(sat-hāi)。所有(só͘ ū)ê飛 鳥(pue-tsiáu)lóng來 食(lâi tsia̍h)in ê肉(bah)，食 到 飽(tsia̍h kàu-pá)。