《巴克禮普世版聖經「漢羅+Ruby」試讀本》

 | | | 轉寄

馬可福音第二章

作者 巴克禮普世版小組 2012.12.09

耶穌(iâ-so͘) 醫好(i-hó) 半 遂(piàn-sūi) ê 人(lâng)
(Mt 9：1~8；Lk 5：17~26))

1 過(kòe) 幾(kúi)nā日(ji̍t)，耶穌(iâ-so͘) koh 入去(ji̍p-khì) 迦百 農(ka-pik-lông)。眾 人(tsèng-lâng) 聽 講(thiaⁿ-kóng) 祂(i) tī 厝 裡(tshù-ni̍h)，

2 就有(tsiū-ū) 真(tsin)tsē 人(lâng) 聚 集(tsū-tsi̍p) óa來(lâi)，厝 內(tshù-lāi) suah lóng 無(bô) 位(ūi)，連(liân) 門 口(mn̂g-kháu) mā 塞 塞(that-that)tīⁿ。耶穌(iâ-so͘) 就(tsiū) 講 道理(kóng tō-lí) hō͘ in 聽(thiaⁿ)。

3 Hit 時(sî) 有(ū) 四個人(sì-ê lâng) 扛(kng) 一個(tsi̍t-ê) 半 遂(piàn-sūi) ê 人(lâng) 來(lâi) 耶穌(iâ-so͘) hia。

4 因為(in-ūi) 人(lâng) 真(tsin)tsē，bē-tàng 扛(kng) óa去(khì) 耶穌(iâ-so͘) ê 身邊(sin-piⁿ)，in 就(tsiū) tī 耶穌(iâ-so͘) 頂 面(téng-bīn) ê 厝 頂(tshù-téng) 拆(thiah) 一 孔(tsi̍t-khang)，thang kā 半 遂(piàn-sūi) ê 人(lâng) 倒(tó) ê 床 鋪(tshn̂g-pho͘) lūi落去(lo̍h-khì)。

5 耶穌(iâ-so͘) 看(khòaⁿ)tio̍h in ê 信 心(sìn-sim)，就(tsiū) kā 半 遂(piàn-sūi) ê 講(kóng)：「少 年 人(siàu-liân-lâng)，你(lí) ê 罪(tsōe) 得(tit)tio̍h 赦 免(sià-bián) à。」

6 有(ū) 幾(kúi)nā個(ê) 經 學 教 師(king-ha̍k kàu-su) 坐(tsē) tī hia，心 內(sim-lāi) 議論(gī-lūn) 講(kóng)：

7 「Tsit-ê 人(lâng) ná會(ē) án-ne 講(kóng)ah？祂(i) teh褻 瀆(siat-to̍k) 上 主(siōng-tsú)！獨一(to̍k-it) ê 上 主(siōng-tsú) 以外(í-gōa)，啥 人(siáⁿ-lâng) 會赦 免(ē sià-bián) 罪(tsōe) ah？」

8 耶穌(iâ-so͘) 心 內(sim-lāi) 隨時(sûi-sî) 知(tsai) in 有(ū) tsit 種(tsióng) ê 議論(gī-lūn)，就(tsiū) kā in 講(kóng)：「Lín án怎(tsóaⁿ) 會(ē) tī 心 內(sim-lāi) 議論(gī-lūn) tsiah-ê tāi-tsì ah？」

9 「就(tsiū) kā 半 遂(piàn-sūi) ê 講(kóng)：『你(lí) ê 罪(tsōe) 得(tit)tio̍h 赦 免(sià-bián)à』á是 講(sī kóng)：『起來(khí-lâi)，giâ 你(lí) ê 床 鋪(tshn̂g-pho͘) 來行(lâi kiâⁿ)』，tó 一 項(tsi̍t-hāng) khah 簡 單(kán-tan)？

10 M̄-koh 我(góa) beh hō͘ lín 知(tsai)，人 子(jîn-tsú) tī 地 上(tē-tsiūⁿ) 有赦 罪(ū sià-tsōe) ê 權 柄(koân-pèng)。」然 後(jiân-āu) 耶穌(iâ-so͘) kā 半 遂(piàn-sūi) ê 人(lâng) 講(kóng)：

11 「我(góa) kā 你(lí) 講(kóng)，起來(khí-lâi)，giâ 你(lí) ê 床 鋪(tshn̂g-pho͘) tńg去(khì) 你(lí) ê 厝(tshù)。」

12 Hit-ê 人(lâng) 就 起來(tsiū khí-lâi)，tī 群 眾(kûn-tsiòng) ê 面 前(bīn-tsêng) 隨時(sûi-sî) giâ 伊(i) ê 床 鋪(tshn̂g-pho͘) 出 去(tshut-khì)。群 眾(kûn-tsiòng) suah lóng 大(tōa) tio̍h驚(kiaⁿ) koh 奇怪(kî-koài)，o-ló 上 主(siōng-tsú) 講(kóng)：「阮(goán) 前(tsêng) 到(kàu) taⁿ m̄-bat 看(khòaⁿ)tio̍h tsit 款(khoán)tāi-tsì。」

耶穌(iâ-so͘) 呼 召(ho͘-tiàu) 利未(lī-bī)
(Mt 9：9~13；Lk 5：27~33)

13 耶穌(iâ-so͘) koh 出 去(tshut-khì) 到(kàu) 加利利湖邊(ka-lī-lī ô͘-piⁿ)。群 眾(kûn-tsiòng) lóng 來(lâi)tshōe 祂(i)。祂(i) 就(tsiū) kā in 教示(kà-sī)。

14 耶穌(iâ-so͘) 經 過(king-kòe) 稅 關(sòe-kuan) ê時(sî) 看(khòaⁿ)tio̍h A-le̍k-hui ê kiáⁿ 利未(lī-bī) 坐(tsē) tī hia，就(tsiū) kā 伊(i) 講(kóng)：「來(lâi)tòe 我(góa)。」利未(lī-bī) 就 起來(tsiū khí-lâi) tòe耶穌(iâ-so͘) 去(khì)。

15 耶穌(iâ-so͘) tī 利未(lī-bī) ê 厝(tshù) 食 飯(tsia̍h-pn̄g)，有(ū) 真(tsin) tsē 抽 稅(thiu-sòe) ê 人(lâng) 以及(í-ki̍p) pháiⁿ人(lâng) kah 耶穌(iâ-so͘) tsham 祂(i) ê 門徒(bûn-tô͘) 作 伙(tsò-hóe) 食 飯(tsia̍h-pn̄g)，因為(in-ūi) 有(ū) 真(tsin) tsē 人(lâng) teh跟(kin)tòe 耶穌(iâ-so͘)。

16 法 利賽 派(huat-lī-sài-phài) ê 經 學 教 師(king-ha̍k kàu-su) 看(khòaⁿ)tio̍h 耶穌(iâ-so͘) kah pháiⁿ人(lâng) 以及(í-ki̍p) 抽 稅(thiu-sòe) ê 人(lâng) 作 伙(tsò-hóe) 食(tsia̍h)，就(tsiū) kā 祂(i) ê 門徒(bûn-tô͘) 講(kóng)：「祂(i) ná會(ē) kah 抽 稅(thiu-sòe) ê 人(lâng) 以及(í-ki̍p) pháiⁿ人(lâng) 作 伙(tsò-hóe) lim食(tsia̍h)？」

17 耶穌(iâ-so͘) 聽(thiaⁿ)tio̍h 就(tsiū) kā in 講(kóng)：「勇 健(ióng-kiāⁿ) ê 人(lâng) 無需要(bô su-iàu) 醫生(i-sing)，m̄-koh 破 病(phòa-pēⁿ) ê 人(lâng) 就(tsiū) 有需要(ū su-iàu)。我來(góa lâi) m̄是(sī) beh 招(tsio) 義 人(gī-lâng)，是(sī) beh 招(tsio) pháiⁿ人(lâng)。」

禁 食(kìm-tsia̍h) ê 問題(būn-tê)
(Mt 9：14~17；Lk 5：33~39)

18 約 翰(iok-hān) ê 門徒(bûn-tô͘) kah 法 利賽 派(huat-lī-sài-phài) ê 人(lâng) 當(tng) teh禁 食(kìm-tsia̍h)，有人(ū lâng) 來 問(lâi mn̄g) 耶穌(iâ-so͘) 講(kóng)：「約 翰(iok-hān) ê 門徒(bûn-tô͘) kah 法 利賽 派(huat-lī-sài-phài) ê 人(lâng) ê 門徒(bûn-tô͘) lóng 有(ū) teh禁 食(kìm-tsia̍h)，你(lí) ê 門徒(bûn-tô͘) 是(sī) án怎(tsóaⁿ) 無 禁 食(bô kìm-tsia̍h)？」

19 耶穌(iâ-so͘) 應 講(ìn-kóng)：「新 郎(sin-lông) iáu kah 人 客(lâng-kheh) 作 伙(tsò-hóe) ê時(sî)，人 客(lâng-kheh) kám會(ē) 禁 食(kìm-tsia̍h)？新 郎(sin-lông) iáu tī-teh，in 一定(it-tēng) bē 禁 食(kìm-tsia̍h)。

20 M̄-koh 時日(sî-ji̍t) teh-beh 到(kàu)，新 郎(sin-lông) 會(ē) hō͘ 人(lâng) tùi in 中 間(tiong-kan) 掠 去(lia̍h-khì)。Hit 日(ji̍t) in 就會(tsiū-ē) 禁 食(kìm-tsia̍h)。

21 「無 人(bô-lâng) 用(ēng)未(bōe) kiu 水(tsúi) ê 布(pò͘) 去補(khì pó͘) 舊衫(kū-saⁿ)。若(nā) án-ne 做(tsò)，hit 塊(tè) 新(sin) 補(pó͘) 會(ē) kiù裂(li̍h) 舊衫(kū-saⁿ)，顛倒(tian-tò) 破(phòa) koh-khah 大 孔(tōa-khang)。

22 Mā 無 人(bô-lâng) 將(tsiong) 新 酒(sin-tsiú) 貯(té) tòa 舊皮 袋(kū phôe-tē)á。若(nā) án-ne 做(tsò)，新 酒(sin-tsiú) 會(ē) kā hit-ê 舊皮 袋(kū phôe-tē)á 爆 裂(piak-li̍h) 去(khì)，酒(tsiú) 漏 出 來(lâu tshut-lâi)，皮 袋(phôe-tē)á mā 會(ē) pháiⁿ去(khì)。新 酒(sin-tsiú) 一定(it-tēng) tio̍h貯(té) tòa 新 皮 袋(sin phôe-tē)á。」

安息 日(an-hioh-ji̍t) ê 問題(būn-tê)
(Mt 12：1~8；Lk 6：1~5)

23 有一個(ū tsi̍t-ê) 安息 日(an-hioh-ji̍t)，耶穌(iâ-so͘) tùi 麥 園(be̍h-hn̂g) 經 過(king-kòe)。祂(i) ê 門徒(bûn-tô͘) ná行(kiâⁿ) ná摘(tiah) 麥 穗(be̍h-sūi)。

24 法 利賽 派(huat-lī-sài-phài) ê 人(lâng) 對(tùi) 耶穌(iâ-so͘) 講(kóng)：「祢(lí) 看(khòaⁿ)，祢(lí) ê 門徒(bûn-tô͘) ná會(ē) tī 安息 日(an-hioh-ji̍t) 做(tsò) 律 法(lu̍t-huat) 所禁 止(só͘ kìm-tsí) 做(tsò) ê tāi-tsì？」

25 耶穌(iâ-so͘) 應 講(ìn-kóng)：「Lín kám無 讀(bô tha̍k)tio̍h 大衛(tāi-pi̍t) kah 跟(kin)tòe ê 人(lâng) 腹肚(pak-tó͘)iau ê時(sî) 所做(só͘ tsò) ê tāi-tsì？

26 當(tng) A-pí-a-thah 做(tsò) 祭司長(tsè-si-tiúⁿ) ê時(sî)，大衛(tāi-pi̍t) 入去(ji̍p-khì) 上 主(siōng-tsú) ê 殿(tiān) 食(tsia̍h) 祭 壇 頂(tsè-tôaⁿ-téng) ê 餅(piáⁿ)，mā hō͘ 跟(kin)tòe ê 人(lâng) 食(tsia̍h)。照 律 法(tsiàu lu̍t-huat) 規 定(kui-tēng)，tsit-ê 獻 祭(hiàn-tsè) ê 餅(piáⁿ)，祭司(tsè-si) 以外(í-gōa) 個人(kò-jîn) bē 用得(ēng-tit) 食(tsia̍h)。」

27 耶穌(iâ-so͘) koh kā in 講(kóng)：「安息 日(an-hioh-ji̍t) 是(sī) 為(ūi)tio̍h 人(lâng) 來設立(lâi siat-li̍p)，m̄是(sī) 人為(jîn-ūi)tio̍h 安息 日(an-hioh-ji̍t) 來 創 造(lâi tshòng-tsō)。」

28 「所以(só͘-í) 人 子(jîn-tsú) mā是(sī) 安息 日(an-hioh-ji̍t) ê 主(tsú)。」