巴克禮普世版（試讀本） 路加福音第八章
8 服 事耶穌ê婦人 人 過無幾日，耶穌tī ta̍k-ê城 市kah ta̍k-ê庄 社，四界行 透 透，宣講 道理來 報 揚上 主 國 度ê福 音。十二個門徒lóng kah祂做 陣。2一kuá bat hō͘邪神附身á是破 病hō͘耶穌醫好ê婦人 人mā kah in做伙，其 中有抹 大 拉ê馬利亞。耶穌bat對tsit-ê馬利亞身 上趕 出七 個 鬼。3 Koh有希律ê管 家Khó͘-sat ê bó͘ Iok-a-ná kah So͘-sat-ná，以及其他真tsē婦人 人，lóng用家己ê錢 財來服 事耶穌kah祂ê門徒。
掖 種 子ê譬喻 (太13：1-9；可4：1-9)
4有群 眾繼 續tuì ta̍k-ê城 市，聚 集uá來tshuē耶穌。5耶穌用 譬喻kā in講：「有一個作 穡 人出 去掖 種 子。Teh掖ê時，有ê ka-la̍uh tī路邊，hō͘過 路 人踏，空 中ê飛 鳥kā全 部食 了 了。6有ê ka-la̍uh tī石 磐 頂，因為無 水 分，芽發 起來就 乾去。7有ê ka-la̍uh tī刺á內，刺á平 平大 叢起來，suah hō͘刺á hip死。8有ê ka-la̍uh tī好ê土地，芽發 起來結實到一 百 倍。」Tsiah-ê話講 了，耶穌koh大 聲huah講：「有 耳 孔thang聽ê人，tio̍h聽。」
譬喻ê目 的 (太13：10-17；可4：10-12)
9 耶穌ê門徒問祂，tsit-ê譬喻是án怎講。10耶穌講：「上 主 國 度ê奧妙已經hō͘ lín知，m̄-koh對一 般 人tio̍h用 譬喻，因為聖 經有記載：In看mā看bē清 楚聽mā聽bē明 白。」(註：賽6：9)
耶穌解 說掖 種 子ê譬喻 (太13：18-23；可4：13-20)
11 Tsit-ê譬喻ê意思是án-ne：種 子就是上 主ê道理。12 Ka-la̍uh tī路邊ê，是teh譬喻人聽tio̍h道理，魔 鬼就 來對in ê心 內kā道理搶 去，hō͘ in bē-tàng信道理來得tio̍h救。13 Ka-la̍uh tī石 磐 頂ê是teh譬喻，人聽tio̍h道理隨時歡 喜來 接 受，m̄-koh in釘 根無 深，是暫 時信niā-niā，tú-tio̍h試 探就 放sak。14 Ka-la̍uh tī刺á內ê，是teh譬喻人聽tio̍h道理就 去hō͘世間ê操 煩、錢 財kah宴 樂ê阻 礙，道理suah bē成 長結實。15 Ka-la̍uh tī好土地ê是teh譬喻，人用好koh善 良ê心來 聽道理koh執 守，耐心堅 持到結實。」
米斗下ê燈(可4：21-25)
16 無 人點 燈用米斗kā伊蓋 起 來，á是hē tī眠 床 腳。Tio̍h kā伊tshāi tiàm燈 台 頂，hō͘入來ê人看tio̍h hit-ê光。17因為所有隱密ê tāi-tsì，將 來lóng會露現；所有祕密ê tāi-tsì，到時lóng會暴露出 來hō͘人知。18所以lín tio̍h謹慎來 聽，因為有ê人beh hō͘伊koh-khah-tsē；無ê人連伊家己掠 做有ê，mā beh kā伊搶 去。」
耶穌ê老母kah兄弟 (太12：46-50；可3：31-35)
19 耶穌ê老母kah兄弟來tshuē祂，因為人真tsē，bē-tàng uá去。20有人kā祂講：「祢ê老母kah兄弟khiā tī外 面，ài beh見祢。」21耶穌應 講：「Tsiah-ê聽上 主ê道理koh有 照án-ne去 做ê人，就是我ê老母，我ê兄弟。」
耶穌平 靜風 湧 (太8：23-27；可4：35-41)
22 有一日，耶穌kah門徒上 船ê時kā in講：「咱來去湖ê hit-pîng岸。」In就開 船。23船teh行ê時，耶穌睏 去。忽 然一tsūn強 風掃 落來湖裡，船 內入水強beh tīⁿ起來，非 常危 險。24門徒uá去叫 醒耶穌，講：「老師ah，老師ah，咱teh-beh無 命lò͘。」耶穌醒 起 來，責 備風kah海 湧，風 湧就靜 落 來。25耶穌就對門徒講：「Lín ná會hiah無信 心？」In就 驚 惶koh感 覺奇怪，互 相議論講：「Tsit-ê到底是啥 人？連風kah湧lóng順 服祂ê命 令！」
耶穌醫好邪神附身ê人 (太8：28-34；可5：1-2)
26 耶穌kah門徒坐 船過 去加利利湖ê對面 岸，來到Keh-la̍h-sim人ê地方。27耶穌落 船上 岸ê時，有一個hō͘邪神附身ê人，tuì城 裡出 來tú-tio̍h祂。Tsit-ê人已經真 久無穿 衫，無tuà tī厝 內，lóng tiàm tī墓á埔。28 Hit-ê人一下看tio̍h耶穌，就 仆tī祂ê面 前大 聲huah：「至 高上 主ê Kiáⁿ耶穌，祢何必來 干 涉我ê tāi-tsì？求祢m̄-thang kā我苦 楚。」29伊án-ne講是因為耶穌有 命 令邪神tuì hit-ê人出 來。以 前邪神常 常kā伊掠tiâu-tiâu。人用 鐵 鏈á kā伊鏈teh，koh用 腳 銬kā伊銬teh，來kā伊關 起來，m̄-koh伊kā縛伊ê器具tshuah斷，邪神koh hō͘伊tsông出去 曠 野。30耶穌問hit-ê人講：「你叫啥 物名？」應 講：「軍 團。」因為有真tsē邪神kā伊附身。31邪神哀求耶穌，m̄-thang命 令in入去無 底 深 坑。32 Hit時有kui大陣ê豬tī山 裡teh討 食。邪神求耶穌准in入去hiah-ê豬ê內面。耶穌有 照in所求允 准。33邪神就 對hit-ê人出 去，入去hiah-ê豬。Kui陣ê豬就tuì山 坪tsông落去 湖裡，hō͘水激死。34 Hiah-ê顧豬ê人看tio̍h tsit-ê tāi-tsì，就 走 去報hō͘城內kah庄 社ê人知。35聽tio̍h ê人lóng出 來ài-beh看tsit-ê tāi-tsì。In來到耶穌hia，邪神已經tuì hit-ê人出 來。Hit人有 穿 衫，精 神正 常，坐tī耶穌ê腳 前。In就 大tio̍h驚。36親 目看tio̍h ê人，kā hō͘邪神附身ê人án怎得tio̍h醫好ê tāi-tsì，報hō͘眾 人知。37 Keh-la̍h-sim四周圍ê人lóng求耶穌離開in，因為in真 驚 惶。耶穌就 坐 船tńg去。38脫 離邪神hit-ê人，求beh tuè耶穌去，m̄-koh耶穌叫伊tńg去，講：39「Tńg去lín tau，kā上 主為你所做hiah大ê tāi-tsì，報hō͘眾 人知。」Hit人 就tńg去，kā耶穌為伊所做ê tāi-tsì，報hō͘全 城ê人知。
會 堂主 管ê Tsa-bó͘-kiáⁿ kah帶 血 漏 病ê婦人 人 (太9：18-26；可5：21-43)
40 耶穌tńg來ê時，眾 人lóng kā祂迎 接，因為ta̍k家lóng teh thìng候祂。41有一個會 堂ê主 管名 叫崖魯，來 仆tī耶穌ê腳 前，懇 求祂去伊ê厝。42因為伊十 二 歲ê獨 生tsa-bó͘-kiáⁿ teh-beh死à。耶穌就kah伊去，群 眾mā挨挨kheh-kheh做伙去。43 Hit時有一個婦人 人，帶 血 漏 病已經十 二年久à，雖 然家伙開 了 了tshuē醫生醫治，m̄-koh無kah一個 人ē-tàng kā她醫好。44 Tsit-ê婦人 人行uá來耶穌ê尻脊後，摸祂衫á裾ê鬚，她ê血 漏隨時止。45耶穌問 講：「啥 人kā我摸？」大家lóng講無。彼得就 講：「老師，群 眾逼uá來，kā祢kheh-tio̍h lah。」46耶穌講：「的 確有人摸tio̍h我，因為我 知，有 權 能tuì我身 軀出 去。」47婦人 人知 影掩 蓋bē tiâu，就phi̍h-phi̍h-tshuah來 仆tī耶穌ê腳 前。她tī群 眾ê面 前，講 明摸耶穌ê原 因，kah她ê病án怎隨時好去。48耶穌kā她講：「婦人 人ah，你ê信 心hō͘你ê病好去。做你安心tńg去。」49耶穌iáu teh講ê時，有人tuì會 堂主 管ê厝來kā崖魯講：「你ê tsa-bó͘-kiáⁿ已經死去à，何必koh勞 煩老師？」50耶穌聽tio̍h就 應 講：「M̄免 驚，只有tio̍h信，伊會好起來。」51耶穌去 到in厝ê時，除了彼得、約 翰、雅 各，kah tsa-bó͘-gín-á ê父母以外，m̄准別 人kah祂入去。52眾 人lóng為tio̍h死去ê tsa-bó͘-gín-á teh啼 哭悲 傷。耶穌講：「M̄-thang啼 哭，因為她m̄是死，是teh睏niā-niā。」53因為大家lóng知tsa-bó͘-gín-á已經死去à，就 恥 笑耶穌。54耶穌牽tsa-bó͘-gín-á ê手，大 聲huah講：「Tsa-bó͘-gín-á，起來！」55 Tsa-bó͘-gín-á就 回 魂，隨時peh起來。耶穌吩 咐tio̍h hō͘ tsa-bó͘-gín-á食物 件。56祂ê父母tio̍h驚koh奇怪。耶穌命 令in m̄-thang將所 發 生ê tāi-tsì kā人講。
|
|
|
轉寄