巴克禮普世版（試讀本） 路加福音第九章
耶穌差 派十二使徒 (太10：21，5-15；可6：27-13)
1耶穌叫十二使徒lóng來，hō͘ in有能 力kah權 柄，thang制壓lóng總ê邪神，koh醫治所有ê病 症。2然 後差in去 傳上 主 國 度ê福 音，koh醫好病 人。3 Koh交帶in講：「M̄-thang帶路費，m̄-thang帶 拐á，m̄-thang帶行 李袋，m̄-thang帶 乾 糧，m̄-thang帶 錢 銀，mā m̄-thang帶兩 領 衫。4 Lín無論入去tó一 間 厝，tio̍h tuà tī hia，mā tio̍h tuì hia出 發。5人 若無 接 納lín，lín離開in ê城ê時，tio̍h kā lín腳 裡ê土 粉puāⁿ掉，來kā in警 告。」6門徒就 出 去，tī hiah-ê庄 社行 透 透來傳 福 音，koh tī ta̍k所 在醫好病 人。
希律王ê不安 (太14：1-12；可6：14-29)
7分 封ê王希律聽tio̍h所有發 生ê tāi-tsì，心 內非 常不安，因為有人講：約 翰tuì死 人 中koh活。8 Mā有人講 是以利亞出 現，koh有人講 是古早先知中 間ê一個koh活。9 M̄-koh希律講：「約 翰我 已經kā伊斬 頭à，taⁿ我 聽tio̍h lín teh講tsit-ê到底是啥 人？」伊就tshuē機會ài-beh見耶穌。
耶穌Hō͘五 千 人食 飽 (太14：13-21；可6：30-44；約6：1-14)
10使徒tńg來，將in所做ê tāi-tsì報告hō͘耶穌聽。耶穌就tshuā in閃 避，去 到一個叫 做伯 賽大ê城。11 M̄-koh群 眾一下 知就koh tuè祂去，耶穌kā in歡 迎，講上 主 國 度ê福 音hō͘ in聽，koh醫好hiah-ê需要醫治ê人。12天beh暗ê時，十二使徒來kā耶穌講：「請kā群 眾解 散，hō͘ in去四周圍ê庄 社，設 法tuà kah食，因為咱tsia是偏 僻ê所 在。」13耶穌對in講：「Lín tio̍h設 法hō͘ in食。」In講：「咱tsia kan-tāⁿ有五塊 餅，兩 尾魚。阮若無去買，ná有夠tsiah-ê群 眾食？」14因為群 眾差 不多有五 千 人。耶穌對門徒講：「叫群 眾分 組坐 落去，每組差 不多五 十 人。」15門徒照án-ne做，hō͘群 眾lóng坐 落去。16耶穌the̍h五塊 餅kah兩 尾魚，ǹg天感 謝了 後peh開，the̍h hō͘門徒去 分hō͘群 眾。17 Ta̍k家lóng食 到 飽，門徒拾所tshun ê餅 屑á，lóng總有十 二籃。
彼得承 認耶穌是基督 (太16：13-19；可8：27-29)
18有一pái，耶穌家己teh祈禱ê時，門徒kah祂tī hia。耶穌問in講：「眾 人講我是啥 人？」19門徒應 講：「有人講：祢是行洗禮約 翰；mā有人講：祢是以利亞；koh有人講：祢是古早一個先知koh活。」20耶穌koh問in講：「Á lín ê看 法lè。Lín講我是啥 人？」彼得應 講：「祢是上 主所設立ê基督。」
耶穌預言祂ê死 亡Kah Koh活 (太16：20-28；可8：30-9。11)
21耶穌命 令in m̄-thang將tsit項tāi-tsì kā人講。22耶穌續 落 去koh講：「人 子一定tio̍h受真tsē艱 苦，會hō͘長老、祭司長、經 學 教 師所棄sak，koh hō͘ in害死，第三日上 主hō͘祂koh活。」23耶穌koh對群 眾講：「人 若beh ài tuè我，tio̍h放sak家己，ta̍k日giâ伊ê十字架來tuè我。24因為ài beh救家己性 命ê人會喪 失性 命，m̄-koh若為tio̍h我來喪 失性 命ê人，顛倒會救tio̍h家己ê性 命。25人得tio̍h全 世界suah喪 失家己，á是損 壞家己，有啥 物利益lè？26 對我kah我ê話感 覺見 笑ê人，人 子tī家己kah天父以及聖 天 使ê榮 光 中來臨ê時，mā會為tio̍h hit-ê人感 覺見 笑。27我實 在kā lín講，khiā tī tsia ê人，有ê Iáu未死以 前，會看tio̍h上 主 國 度。
耶穌改 變形 象 (太17：1-8；可9：2-8)
28講tsiah-ê話了差 不多八日後，耶穌帶彼得、約 翰、雅 各做伙上 山去祈禱。29祈禱ê時，耶穌ê面 貌有改 變。祂ê衫變kah白siak-siak koh光iàⁿ-iàⁿ。30忽 然 間有兩個人，就是摩西kah以利亞，來kah耶穌講 話。31 In tī榮 光 中出 現，談 論耶穌teh-beh tī耶路撒 冷死去，來 完 成上 主ê旨意。32彼得kah同 伴lóng thiám kah睏 去。In精 神ê時就 看tio̍h耶穌ê榮 光，以及kah祂khiā做伙hit兩 人。33 Hit兩 人teh-beh離開耶穌ê時，彼得kā耶穌講：「老師，咱tī tsia真 好，阮來搭三 間 寮á，一 間hō͘祢，一 間hō͘摩西，一 間hō͘以利亞。」伊實 在m̄知家己teh講啥 物。34講tsiah-ê話ê時，有雲kā in罩teh，in hō͘雲包圍teh，就 起驚惶。35有聲tuì雲 裡出 來講：「Tsit-ê是我ê Kiáⁿ，我所 揀 選ê，lín tio̍h聽祂ê話。」36 Hit-ê聲講 了，就tshun看tio̍h耶穌家己tī hia。門徒恬 恬無 將所 看tio̍h ê tāi-tsì kā人講。
耶穌醫好邪神附身ê Gín-á (太17：14-18；可9：14-27)
37隔tńg日，in tuì山 頂落來ê時，有kui大 陣 人來 迎 接耶穌。38群 眾中 間有一個人大 聲huah講：「老師ah，求祢來 看我ê kiáⁿ，伊是我ê孤生kiáⁿ。39伊nā hō͘邪神附身就 隨時大 聲huah，hō͘伊抽tshuah kah phū白 泡瀾，koh重 重kā伊傷 害，lóng無beh放伊suah。40我有 請祢ê門徒趕邪神，m̄-koh in lóng無法 度。」41耶穌應 講：「Ài ah，m̄信koh悖 逆ê世代！我tio̍h koh kah lín tuà juā久？Tio̍h koh忍 耐lín juā久？Kā你ê後 生tshuā來tsia！」42 Gín-á hō͘人tshuā來ê時，邪神kā伊siak倒，hō͘伊大 抽tshuah。耶穌就 責 備邪神，醫好hit-ê gín-á，交hō͘伊ê老父。43 眾 人tuì上 主ê大威 嚴，lóng感 覺tio̍h驚koh奇怪。
耶穌第二Pái預言祂ê死 亡 (太17：22，23；可9：30-32)
眾 人iáu teh奇怪耶穌所做ê tāi-tsì，hit時耶穌對門徒講：44「Tsiah-ê話lín tio̍h注意 聽，因為人 子teh-beh hō͘人出 賣，交 去hō͘人ê手 頭ā。」45 M̄-koh門徒bē明 白tsit句話ê意思，因為有對in掩 蓋tsit句話ê意思，hō͘ in bē-tàng了 解。門徒mā m̄敢問耶穌tsit句話ê意思。
啥 人Siōng大 (太18：1-5；可9：33-37)
46門 徒 中間互 相爭 論，看 啥 人beh做 大。47 M̄-koh耶穌看 出in心 內所 爭 論ê tāi-tsì，就 牽一個gín-á hō͘伊khiā tuà身邊，48 tsiah kā in講：「人若為tio̍h我ê名接 納tsit-ê gín-á ê，就是接 納 我；接 納 我ê就是接 納差 我來ê Hit位，因為tī lín眾 人中 間siōng微細ê，就是siōng偉大。」
無 反 對Lín就是贊 成Lín (可9：38-40)
49約 翰應 講：「老師，阮有 看tio̍h一個 人用祢ê名teh趕 鬼。阮kā伊阻 擋，因為伊m̄是kah阮仝 款teh tuè祢ê人。」50耶穌對伊講：「M̄-thang kā伊阻 擋，因為無 反 對lín ê就是為lín。」
撒瑪利亞 人拒 絕耶穌
51耶穌受 接上 天ê日期teh-beh到，就 決意beh去耶路撒 冷。52祂差 派使者做祂ê頭 前去，in入去撒瑪利亞 人一個庄 社，beh kā耶穌準 備一 切ê tāi-tsì。53 M̄-koh hit所 在ê人無beh接 納耶穌，因為祂明 明是beh去耶路撒 冷。54祂ê門徒雅 各kah約 翰看tio̍h án-ne，就 講：「主ah，祢ài阮tuì天 頂叫 火降 落來kā in消 滅，是無？」55耶穌ua̍t-tńg身kā in責 備。56耶穌kah門徒就 去別ê庄 社。
做耶穌門徒ê要 件 (太8：19-22)
57 In tī路 中，有人對耶穌講：「祢無論去tó位，我lóng beh tuè祢去。」58耶穌kā伊講：「狐狸有 孔，空 中ê飛 鳥有巢，m̄-koh人 子連khuà頭 殼ê所 在都無。」59耶穌koh對另 外一個 人講：「來tuè我！」Hit人應 講：「主ah，hō͘我tńg去先 埋 葬我ê老父。」60耶穌kā伊講：「Tshut-tsāi hiah-ê精 神 上ê死人去 埋 葬in肉 體 上ê死人，m̄-koh你tio̍h去 傳 報上 主 國 度ê福 音。」61 Koh有一個人講：「主ah，我beh tuè祢，m̄-koh請准我先 去kah家內ê人相辭。」62耶穌對伊講：「手huāⁿ牛犁iáu-koh一直teh ua̍t頭看後面ê人，bē堪 得做上 主 國 度ê子 民。」
|
|
|
轉寄