巴克禮普世版（試讀本） 路加福音第十一章
祈禱ê教示 (太6：9-15；7：7-11)
1耶穌tī一個所 在祈禱。祈禱suah ê時，有一個門徒對祂講：「主ah，親 像約 翰有教示伊ê門徒祈禱，求祢mā教示阮祈禱。」2耶穌kā in講：「Lín祈禱ê時tio̍h án-ne講：天父ah，願祢ê名聖，祢ê國臨 到。3求祢ta̍k日照 時賜阮食 物。4赦 免阮ê罪，因為阮mā有赦 免辜負阮ê人。M̄-thang tshuā阮入去阮擔 當bē起ê試 探。」5耶穌koh kā門徒講：「Lín啥 人有朋 友，你半 暝去tshuē伊講：『朋 友ah，the̍h三塊餅借我，6因為我有朋 友旅行來tshuē我，我無 物thang請 伊食。』7你hit-ê朋 友tuì內面應 講：『 Mài吵lah，門已經關，我kah gín-á tī床 裡teh睏。我bē-tàng起來the̍h hō͘你。』8我kā你講，雖 然hit人bē帶 念tio̍h朋 友，起來the̍h餅hō͘你，m̄-koh會因為你ê迫 切懇 求，起來the̍h你所需要ê物hō͘你。9所以我koh kā lín講：求會得tio̍h，tshuē會 tshuē-tio̍h，phah門會kā lín開。10因為有求就會得tio̍h，有tshuē就會tshuē-tio̍h，有phah門就會kā伊開。11 Lín做 老父ê人，家己ê kiáⁿ來討餅，lí kám會the̍h石 頭hō͘伊？Á是來討魚，lí kám會 將蛇準 做魚hō͘伊？12 Á是討卵，你kám會 將蠍á hō͘伊？13 Lín tsiah-ê人雖 然pháiⁿ，iáu-koh會曉用 好 物hō͘ lín ê kiáⁿ兒，何 況lín tī天 頂ê天父，kám無用 聖 神來hō͘對祂懇 求ê人？
耶穌Kah鬼 王Pia̍t-se-pok (太12：22-30；可3：20-27)
14耶穌趕一個啞口邪神出 去，啞口ê人就 講 話。群 眾lóng感 覺奇怪。15 M̄-koh其 中有幾nā人講：「祂趕 鬼是靠鬼 王Pia̍t-se-pok。」
16 Koh有人beh試 探耶穌，要求祂行tuì天來ê神 跡。17耶穌知in ê心思就kā in講：「國家若家己起 紛 爭，就會拋 荒；家 庭若bē和，一定會破 碎。18撒旦若家己起 紛 爭，伊ê國thái-thó khiā會tiâu？Lín講我靠Pia̍t-se-pok趕 鬼。19我若靠Pia̍t-se-pok趕 鬼，lín ê子弟趕 鬼是uá靠啥 人lè？Án-ne lín ê子弟會反 駁lín ê講 法。20總 是我若靠上 主ê氣 力趕 鬼，上 主 國 度就已經tī lín ê中 間實 行。
21「勇 士若 穿盔 甲gia̍h ke-si顧守伊ê厝，伊所有ê財 產就 安 全。22 M̄-koh若有一個比伊khah猛ê來phah贏伊，kā伊所uá靠ê全 副武器搶 去，koh將伊ê財 物分 了 了。」23「無為我ê人，就是kah我對敵；無 協 助我ê人，就是teh kā我破 壞。」
邪神倒Tńg去 (太12：43-45)
24「邪神離開附身ê人了 後，經 過無 水ê地，beh tshuē歇 睏ê所 在tshuē lóng無，就 講：『我beh tńg去出 來ê hit間厝。』25 Tńg到位一 看，厝 內拚 掃kah真 清 氣koh整 齊。26 Hit-ê邪神就koh去帶七個比家己khah pháiⁿ ê邪神來，入去hia tuà。Hit人ê結 局比起 頭koh-khah慘。」
真 正ê福 氣
27耶穌teh講tsiah-ê話ê時，群 眾中 間有一個婦人 人大 聲對祂講，「生祢koh hō͘祢suh奶ê婦人 人，真有 福 氣！」28 M̄-koh耶穌應 講：「聽上 主ê道理來 遵 守ê人，koh-khah有福 氣！」
眾 人要求 神 跡 (太12：38-42；可8：12)
29群 眾jú來jú tsē，耶穌就 講：「Tsit世代是pháiⁿ ê世代，in求神 跡，m̄-koh除了約拿ê神 跡以外，無koh有神跡hō͘ in。30 Tú親 像約拿成 做尼尼微人ê神 跡，人 子mā beh成 做tsit世代ê神 跡。31 Tī審 判ê時，南 方ê女王beh kah tsit世代ê人做伙koh活 起來，續kā tsit世代ê人定 罪，因為hit-ê女王有tuì地ê極 頭，來 聽所羅門智慧ê話，何 況tī tsia有比所羅門khah偉大ê。32 Tī審 判ê時，尼尼微人會kah tsit世代ê人做伙koh活 起來，續kā tsit世代ê人定 罪，因為尼尼微人有tuì約拿所 傳ê道理來悔 改，何 況tī tsia有比約拿koh-khah偉大ê。「
目 睭是身 軀ê光 (太5：15；6：22-23)
33無 人點 燈hē tī無 人看 見ê所 在，á是蓋tuà米斗下。一定tio̍h hē tī燈 台 頂，hō͘入來ê人看tio̍h hit-ê光。34你ê目 睭是身 軀ê燈，你ê目 睭若金，全 身 軀就 光 明；你ê目 睭若花，kui身 軀就 烏暗。35所以tio̍h注意，m̄-thang hō͘你內面ê光暗 去。36你全 身 軀若lóng光 明，無一 點á烏暗，就會親 像燈光iàⁿ-iàⁿ teh照你，會hō͘你完 全光 明。」
耶穌責 備法 利賽 派ê人Kah經 學 教 師(太23：1-36；可12：38-40)
37耶穌tsiah-ê講suah ê時，有一個法 利賽 派ê人請祂食 飯。耶穌就 入去坐 桌。38 Hit-ê法 利賽 派ê人看tio̍h耶穌無洗 手就來 食，感 覺真 奇 怪。39耶穌就kā伊講：「Taⁿ lín法 利賽 派ê人kan-tāⁿ清 氣杯kah盤ê外 面，m̄-koh lín內面充 滿貪 慾kah邪惡。40 Lín tsiah-ê戇 人，創 造外 面ê上 主kám m̄是mā有 創 造內面？41 Tio̍h將tsiah-ê內面ê物the̍h來賑 濟人，án-ne lín ta̍k項物就lóng清 氣。」 42 Lín tsiah-ê法 利賽 派ê人有災禍！因為lín將薄 荷、茴 香á，kah ta̍k種ê菜 蔬十 份抽一 份獻hō͘上 主，m̄-koh無重 視公 義kah疼上 主ê tāi-tsì。其實tsiah-ê tio̍h應 該án-ne做，mā m̄-thang忽 略頂 面hiah-ê奉 獻。43 Lín法 利賽 派ê人有災禍！因為lín ài tī會 堂內坐 大位，koh ài tī街路裡hō͘人kā lín請 安。44 Lín有災禍！因為lín親 像看bē-tio̍h死人ê墓，人tuì hit頂 面行 過mā m̄知。」45有一個律 法ê教師應耶穌講：「老師，祢講tsiah-ê話mā侮 辱tio̍h阮。」46 M̄-koh耶穌應 講：「Lín tsiah-ê律 法 教師mā有災禍！因為lín將擔無 法ê重 擔hō͘人擔，m̄-koh lín家己連一支指 頭á，都無振 動來 減 輕hiah-ê重 擔。47 Lín一定有災禍！因為lín為lín祖 先殺 害ê先知造 墓。48 Án-ne，lín家己證 實lín mā贊 成祖 先所做ê tāi-tsì，koh歡 喜來造in ê墓。49所以上 主ê智慧有講：『我beh差先知kah使徒去in hia，其 中有ê in會kā伊害死，有ê in會kā伊迫 害。』50 Án-ne tuì創 造世界以來所流眾 先 知ê血lóng beh kā lín tsit世代討。51就是tuì亞伯ê血到撒迦利亞死tī殿kah壇ê中 間所流ê血。我實 在kā lín講，hiah-ê血 債lóng beh對lín tsit世代ê人討。52 Lín tsiah-ê律 法 教師有災禍！因為lín kā開智識ê門ê鎖匙gia̍h去。Lín家己無beh入去，suah阻 擋想beh入去ê人。」53耶穌tuì hia出 來ê時，經 學 教 師kah法 利賽 派ê人出 力，koh-khah劇 烈攻 擊耶穌，逼祂講khah-tsē話。54 In teh等耶穌講m̄-tio̍h話ê時，thang掠祂ê話 縫。
|
|
|
轉寄