《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 路加福音第二十四章

作者 巴克禮普世版小組 2013.09.22

耶穌(iâ-so͘)ê Koh活(ua̍h) (太28：1-10；可16：1-8；約(iok)20：1-10)
1七 日(tshit-ji̍t)ê頭 一 日(thâu tsi̍t-ji̍t)，天(thiⁿ)phú光(kng)，hiah-ê婦人 人(hū-jîn-lâng)帶(tuà)所準 備(só͘ tsún-pī)ê芳 料(phang-liāu)來到(lâi-kàu)墓 地(bōng-tē)。2 In看(khuàⁿ)tio̍h石 頭(tsio̍h-thâu)已經(í-king)tuì墓 口(bōng-kháu)kō開(khui)。3 In入去(ji̍p-khì)墓 內(bōng-lāi)，無 看(bô khuàⁿ)tio̍h主(tsú)ê身屍(sin-si)。4 In為(uī)tio̍h án-ne iáu teh躊躇(tiû-tû)ê時(sî)，忽 然(hut-jiân)有兩個(ū nn̄g-ê)人(lâng)穿(tshīng)光(kng)iàⁿ-iàⁿ ê衫(saⁿ)khiā tī in身邊(sin-piⁿ)。5婦人 人(hū-jîn-lâng)大(tuā)tio̍h驚(kiaⁿ)，面(bīn)仆 落(phak-lo̍h)土 腳(thô͘-kha)。Hit兩個 人(nn̄g-ê lâng)kā in講(kóng)：「Lín ná會(ē)tī死 人 中(sí-lâng tiong)teh tshuē活 人(ua̍h-lâng)？6祂(i)無(bô)tī tsia，祂(i)已經(í-king)koh活(ua̍h)ā。Lín tio̍h記得(kì-tit)祂(i)iáu tī加利利省(ka-lī-lī-síng)ê時(sî)kā lín講(kóng)ê話(uē)：7『人 子(jîn-tsú)一定會(it-tīng ē)hông出 賣(tshut-bē)交(kau)tī罪 人(tsuē-jîn)ê手(tshiú)，hō͘ in釘(tìng)tī十字架(si̍p-jī-kè)，第三日(tē-saⁿ ji̍t)koh活(ua̍h)。』8 Hiah-ê婦人 人(hū-jîn-lâng)就 想 起(tsiū siūⁿ-khí)耶穌(iâ-so͘)ê話(uē)。9 In離開(lī-khui)墓 地(bōng-tē)tńg去(khì)，將(tsiong)tsiah-ê tāi-tsì lóng報(pò)hō͘十一個(tsa̍p-it-ê)使徒(sù-tô͘)kah其他(kî-tha)ê群 眾(kûn-tsiòng)知(tsai)。10 對(tuì)使徒(sù-tô͘)報告(pò-kò)tsiah-ê tāi-tsì ê，就是(tsiū-sī)抹 大 拉(bua̍t-tāi-la̍h)ê馬利亞(má-lī-a)kah Iok-a-ná，雅 各(ngá-kok)ê老母(lāu-bú)馬利亞(má-lī-a)，以及(í-ki̍p)其他(kî-tha)kah in做 陣(tsò-tīn)ê婦人 人(hū-jîn-lâng)。11使徒(sù-tô͘)想 講(siūⁿ-kóng)hiah-ê婦人 人(hū-jîn-lâng)所 講(só͘ kóng)ê話(uē)無影 無 跡(bô-iáⁿ bô-tsiah)，所以(só͘-í)m̄相 信(siong-sìn)。12 M̄-koh彼得(pí-tik)起來(khí-lâi)，走 去(tsáu-khì)墓 裡(bōng-ni̍h)，àⁿ落去(lo̍h-khì)一 看(tsi̍t-khuàⁿ)，只有(tsí-ū)看(khuàⁿ)tio̍h幼苧布(iù-tē-pò͘)。伊(i)就(tsiū)tńg去(khì)，對(tuì)所 發 生(só͘ huat-sing)ê tāi-tsì感 覺(kám-kak)真 奇 怪(tsin kî-kuài)。

Tī以馬 忤(í-má-ngó͘)ê路 中(lō͘-tiong) (可16：12-13)
13 Siāng hit日(ji̍t)，門 徒 中(bûn-tô͘ tiong)有兩 人(ū nn̄g-lâng)去(khì)一個(tsi̍t-ê)叫 做(kiò-tsò)以馬 忤(í-má-ngó͘)ê庄 社(tsng-siā)，離(lî)耶路撒 冷(iâ-lō͘-sat-líng)約(iok)十(tsa̍p)一 公里(tsi̍t kong-lí)。14 In ná行(kiâⁿ)ná teh談 論(tâm-lūn)所 發 生(só͘ huat-sing)ê tāi-tsì。15 In當(tng)teh談 論(tâm-lūn)來談 論(lâi tâm-lūn)去(khì)ê時(sî)，耶穌(iâ-so͘)親 身(tshin-sin)uá來(lâi)kah in做 陣(tsò-tīn)行(kiâⁿ)。16 M̄-koh kah-ná有物 件(ū mi̍h-kiāⁿ)teh窒 礙(that-gāi)in ê目 睭(ba̍k-tsiu)，suah bē認得(jīn-tit)耶穌(iâ-so͘)。17耶穌(iâ-so͘)對(tuì)in講(kóng)：「Lín ná行(kiâⁿ)ná teh辯 論(piān-lūn)ê是甚 麼(sī sím-mi̍h)tāi-tsì？」In就(tsiū)停 落 來(thîng lo̍h-lâi)，滿 面(muá-bīn)憂 愁(iu-tshiû)。18其 中(kî-tiong)一個(tsi̍t-ê)叫(kiò)Kik-liû-pa應耶穌(ìn iâ-so͘)講(kóng)：「Tsit幾日(kuí-ji̍t)tī耶路撒 冷(iâ-lō͘-sat-líng)所 發 生(só͘ huat-sing)ê tāi-tsì，是(sī)án怎(tsuáⁿ)kan-taⁿ祢(lí)m̄知(tsai)？」19耶穌(iâ-so͘)問 講(mn̄g kóng)：「是甚 麼(sī sím-mi̍h)tāi-tsì？」In應 講(ìn-kóng)：「就是(tsiū-sī)拿撒勒 人(ná-sat-li̍k-lâng)耶穌(iâ-so͘)ê tāi-tsì。祂是(i sī)先知(sian-ti)，tī上 主(siōng-tsú)kah眾 人(tsìng-lâng)ê面 前(bīn-tsîng)所 講(só͘ kóng)所做(só͘ tsò)lóng真(tsin)有 權 能(ū kuân-lîng)。20 Hiah-ê祭司長(tsè-si-tiúⁿ)kah頭 人(thâu-lâng)kā祂(i)押去(ah-khì)hō͘人(lâng)判 死 刑(phuàⁿ sí-hîng)，釘(tìng)十字架(si̍p-jī-kè)。21祂(i)就是(tsiū-sī)阮(guán)所期待(só͘ kî-thāi)teh-beh來拯 救(lâi tsín-kiù)以色列(í-sik-lia̍t)ê Hit位(uī)。M̄-nā án-ne，tsiah-ê tāi-tsì發 生(huat-sing)到(kàu)taⁿ已經(í-king)三日(saⁿ-ji̍t)ā。22 Koh阮(guán)中 間(tiong-kan)幾(kuí)nā個(ê)婦人 人(hū-jîn-lâng)hō͘阮(guán)真(tsin)tio̍h驚(kiaⁿ)koh奇怪(kî-kuài)。因為(in-uī)in phah-phú光(kng)to̍h到(kàu)墓 地(bōng-tē)。23 M̄-koh in tshuē無(bô)耶穌(iâ-so͘)ê身屍(sin-si)，就(tsiū)tńg來 講(lâi kóng)：in有 看(ū khuàⁿ)tio̍h天使(thiⁿ-sài)出 現(tshut-hiān)kā in講(kóng)：耶穌(iâ-so͘)已經(í-king)koh活(ua̍h)à。24阮(guán)中 間(tiong-kan)mā有(ū)幾(kuí)nā個(ê)人(lâng)去 墓 地(khì bōng-tē)，看(khuàⁿ)tio̍h ê一 切(it-tshè)lóng kah婦人 人(hū-jîn-lâng)所 講(só͘ kóng)ê仝 款(kāng-khuán)，m̄-koh in mā無 看(bô khuàⁿ)tio̍h耶穌(iâ-so͘)。25耶穌(iâ-so͘)對(tuì)in講(kóng)：「Ai-ah，lín ná會(ē)tsiah-ni̍h戇(gōng)，心(sim)ná會(ē)tsiah-ni̍h鈍(tūn)，bē相 信(siong-sìn)先知(sian-ti)所 講(só͘ kóng)一 切(it-tshè)ê話(uē)！？26基督(ki-tok)kám m̄是(sī)tio̍h受(siū)tsiah-ê苦 難(khó͘-lān)tsiah來(lâi)入(ji̍p)祂(i)ê榮 光(îng-kng)？」27耶穌(iâ-so͘)就(tsiū)tuì摩西(mô͘-se)kah眾 先 知(tsìng sian-ti)開始(khai-sí)講 起(kóng-khí)，將(tsiong)聖 經 中(sìng-king tiong)所有(só͘-ū)關 係(kuan-hē)耶穌(iâ-so͘)ê記載(kì-tsài)，lóng對(tuì)in說 明(suat-bîng)。28 In teh-beh到(kàu)所(só͘)beh去(khì)ê庄 社(tsng-siā)，耶穌(iâ-so͘)ná親 像(tshin-tshiūⁿ)beh繼 續(kè-sio̍k)行(kiâⁿ)。29 M̄-koh hit兩 人(nn̄g-lâng)強(kiông)留(lâu)耶穌(iâ-so͘)講(kóng)：「日頭(ji̍t-thâu)落 山(lo̍h-suaⁿ)à，天(thiⁿ)已經(í-king)暗(àm)。請(tshiáⁿ)kah阮(guán)tuà。」耶穌(iâ-so͘)就 入去(tsiū ji̍p-khì)kah in tuà。30耶穌(iâ-so͘)kah in坐 桌(tsē-toh)ê時(sî)，the̍h餅(piáⁿ)祝 謝(tsiok-siā)，然 後(jiân-āu)peh開(khui)分(pun)hō͘ in。31 In ê目 睭(ba̍k-tsiu)開(khui)，就 認 出(tsiū jīn-tshut)祂是(i sī)耶穌(iâ-so͘)。祂(i)隨時(suî-sî)tuì in中 間(tiong-kan)消 失(siau-sit)。32 In就 互 相(tsiū hō͘-siōng)講(kóng)：「祂(i)tī路裡(lō͘-ni̍h)kah咱(lán)講 話(kóng-uē)，kā咱(lán)說 明(suat-bîng)聖 經(sìng-king)ê時(sî)，咱(lán)ê心(sim)kám無(bô)親 像(tshin-tshiūⁿ)火(hué)teh to̍h？」33 In隨時(suî-sî)出 發(tshut-huat)tńg去(khì)耶路撒 冷(iâ-lō͘-sat-líng)，tú-tio̍h hit十一個(tsa̍p-it-ê)使徒(sù-tô͘)kah其他(kî-tha)ê人(lâng)聚 集(tsū-tsi̍p)teh談 論(tâm-lūn)，34講(kóng)：「主(tsú)果 然(kó-jiân)koh活(ua̍h)ā，祂(i)已經(í-king)出 現(tshut-hiān)hō͘西門(se-bûn)看(khuàⁿ)。」35 Hit兩個 人(nn̄g-ê lâng)就(tsiū)講 起(kóng-khí)tī路裡(lō͘-ni̍h)所(só͘)tú-tio̍h ê tāi-tsì，kah耶穌(iâ-so͘)peh餅(piáⁿ)ê時(sî)in án怎(tsuáⁿ)認 出(jīn-tshut)祂(i)ê一 切(it-tshè)，lóng講(kóng)hō͘ in聽(thiaⁿ)。

耶穌(iâ-so͘)Tuì門徒(bûn-tô͘)顯 現(hián-hiān) (太28：16-20；可16：14-18；約(iok)20：19-23；徒1：6-8)
36 Hit兩個(nn̄g-ê)門徒(bûn-tô͘)teh講(kóng)tsiah-ê話(uē)ê時(sî)，耶穌(iâ-so͘)親 身(tshin-sin)khiā tī in中 間(tiong-kan)，kā in講(kóng)：「願(guān)lín平 安(pîng-an)！」37 In tio̍h驚(kiaⁿ)koh感 覺(kám-kak)奇怪(kî-kuài)，掠 做是(lia̍h-tsò sī)看(khuàⁿ)tio̍h鬼(kuí)。38耶穌(iâ-so͘)就(tsiū)kā in講(kóng)：「Lín ná會(ē)teh不安(put-an)，心 內(sim-lāi)teh起(khí)僥疑(giâu-gî)？39來 看(lâi-khuàⁿ)我(guá)ê手(tshiú)，我(guá)ê腳(kha)，確 實(khak-si̍t)是我(sī guá)本 身(pún-sin)。Lín摸(bong)就 知(tsiū tsai)，因為(in-uī)鬼(kuí)無骨(bô kut)無肉(bô bah)。Lín摸(bong)看(khuàⁿ)，我(guá)lóng有(ū)！」40耶穌(iâ-so͘)án-ne講 了(kóng-liáu)就 將(tsiū tsiong)手(tshiú)kah腳(kha)hō͘ in看(khuàⁿ)。41門徒(bûn-tô͘)歡 喜(huaⁿ-hí)kah iáu-koh m̄敢(káⁿ)相 信(siong-sìn)，iáu-teh莫 名(bo̍k-bîng)奇妙(kî-biāu)ê時(sî)，耶穌(iâ-so͘)kā in講(kóng)：「Lín tsia有甚 麼(ū sím-mi̍h)thang食(tsia̍h)無(bô)？」42 In就(tsiū)the̍h一塊(tsi̍t-tè)烘(hang)好(hó)ê魚(hî)hō͘耶穌(iâ-so͘)。43耶穌(iâ-so͘)接 過 來(tsiap kuè-lâi)，當(tng)in ê面 前(bīn-tsîng)食(tsia̍h)hō͘ in看(khuàⁿ)。44耶穌(iâ-so͘)koh對(tuì)in講(kóng)：「我(guá)iáu kah lín做(tsò)伙(hué)ê時(sî)有(ū)kā lín講 過(kóng-kuè)，摩西(mô͘-se)ê律 法(lu̍t-huat)，kah先知(sian-ti)ê冊(tsheh)，以及(í-ki̍p)詩 篇(si-phian)所記載(só͘ kì-tsài)關 係(kuan-hē)我(guá)ê tāi-tsì， lóng一定(it-tīng)會 應 驗(ē ìng-giām)。」45耶穌(iâ-so͘)開(khui)in ê心 竅(sim-khiàu)，hō͘ in ē-tàng了 解(liáu-kái)聖 經(sìng-king)。46 Koh對(tuì)in講(kóng)：「聖 經(sìng-king)有(ū)án-ne記載(kì-tsài)：基督(ki-tok)tio̍h受苦 難(siū khó͘-lān)，第三日(tē-saⁿ ji̍t)tuì死 人 中(sí-lâng tiong)koh活(ua̍h)。47 Koh有記載(ū kì-tsài)：Lín tio̍h奉(hōng)祂(i)ê名(miâ)，傳(thuân)悔 改(hué-kái)來得(lâi tit)tio̍h赦 罪(sià-tsuē)ê道理(tō-lí)，tuì耶路撒 冷(iâ-lō͘-sat-líng)開始(khai-sí)傳 到(thuân-kàu)全 世界(tsuân sè-kài)。48 Lín就是(tsiū-sī)tsiah-ê tāi-tsì ê見 證 人(kiàn-tsìng-jîn)。49我(guá)將(tsiong)我(guá)ê天父(thiⁿ-pē)所應允(só͘ ìng-ún)ê交(kau)hō͘ lín，m̄-koh lín tio̍h tī tsit-ê城(siâⁿ)thìng候(hāu)，直到(ti̍t-kàu)得(tit)tio̍h頂 面(tíng-bīn)來(lâi)ê權 能(kuân-lîng)。」

耶穌(iâ-so͘)上 天(tsiūⁿ thiⁿ) (太16：19-20；徒1：9-11)
50耶穌(iâ-so͘)tshuā in出 去(tshut-khì)到(kàu)伯大尼(pik-tāi-nî)，然 後(jiân-āu)gia̍h起(khí)雙 手(siang-tshiú)kā in祝 福(tsiok-hok)。51 Teh kā in祝 福(tsiok-hok)ê中 間(tiong-kan)就 離開(tsiū lī-khui)in，受 接(siū-tsiap)上 天(tsiūⁿ thiⁿ)。52 In就(tsiū)仆 落去(phak lo̍h-khì)kā祂(i)拜(pài)。然 後(jiân-āu)歡 歡 喜喜(huaⁿ-huaⁿ hí-hí)tńg去(khì)耶路撒 冷(iâ-lō͘-sat-líng)，53繼 續(kè-sio̍k)ta̍k日(ji̍t)tī聖 殿 內(sìng-tiān lāi)o-ló上 主(siōng-tsú)。