巴克禮普世版（試讀本） 約翰福音第五章
耶穌醫好破 病三 十 八年久ê人
1 Tsiah-ê tāi-tsì了 後，有猶 太 人ê節 期，耶穌上 去耶路撒 冷。2 Tī耶路撒 冷，近羊門ê所 在有一個池。希伯來話叫 做畢士大，有五個走 廊。3真tsē病 人倒tī走 廊內面，有tsheⁿ-mê-.ê，跛 腳.ê，半 遂.ê。(有ê抄 本加："In teh等水振 動，4有時主ê天使會落來池裡kā水phah振 動。水振 動了 後，頭 一個落去ê人，無論甚 麼病lóng會好去。」) 5 Tī hia有一個破 病三 十 八年久ê人。6耶穌看tio̍h伊倒tī hia，知 影伊已經破 病真 久，就uá去kā伊講：「你有ài你ê病好起來無？」7 Hit-ê病 人應 講：「先 生ah，水振 動ê時，無 人thang扶我落池。我 想beh落去ê時，別 人就比我先 落 去à。」8耶穌kā伊講：「起來，giâ你ê床 鋪起來 行。」9 Hit-ê人隨時好去，就giâ伊ê床 鋪起來 行，hit日是安息 日。10猶 太 人就kā得tio̍h醫好ê人講：「今á日是安息 日，你giâ床 鋪是無 合 法。」11 Hit人應 講：「Hit-ê kā我醫好ê人kā我 講：『Giâ你ê床 鋪起來 行。』」12 Hiah-ê猶 太 人問伊講：「Kā你講：『Giâ床 鋪起來 行。』ê是啥 人？」13得tio̍h醫好ê人m̄知祂是啥 人，因為有真tsē人tī hia，耶穌mā已經恬 恬á離開hia。14後來耶穌tī聖 殿tú-tio̍h hit-ê人，就kā伊講：「你ê病已經好à，m̄-thang koh犯 罪，你tsiah bē tú-tio̍h koh-khah慘ê tāi-tsì。」15 Hit人就 去kā猶 太 人講：kā伊醫好ê人就是耶穌。16為tio̍h án-ne，猶 太 人開始迫 害耶穌，因為祂tī安息 日kā人醫病。17耶穌應 講：「我ê天父繼 續teh做 工，我mā是án-ne teh做 工。」18所以猶 太 人當 局koh-khah想beh害死耶穌，因為祂m̄-若犯/患tio̍h安息 日ê規 定，koh稱上 主做祂ê天父，看家己kah上 主平 等。
上 主ê Kiáⁿ ê權 柄 19耶穌就 應 講：「我實 在kā lín講，Kiáⁿ bē-tàng照 家己ê意思做tāi-tsì，tio̍h照天父án怎做去 做，因為天父所做ê，Kiáⁿ mā照án-ne去 做。20因為天父疼Kiáⁿ，將家己所做ê lóng kā Kiáⁿ指示，mā會 將比tsiah-ê koh-khah大ê tāi-tsì指示Kiáⁿ，beh hō͘ lín感 覺奇怪。21父hō͘死人koh活，賞賜in活 命；親 像án-ne，Kiáⁿ mā beh將活 命賞賜hō͘祂所 意愛ê人。22天父lóng無kā人審 判，祂將審 判ê權 柄lóng交帶Kiáⁿ。23 Án-ne是beh hō͘眾 人lóng尊 敬Kiáⁿ ná親 像尊 敬天父；無 尊 敬Kiáⁿ ê人，就是無 尊 敬差 派祂來ê天父。」24「我實 在kā lín講，聽我ê話，mā信差 派我Hit位ê人就有永 遠ê活 命，m̄免受 審 判，伊已經出 死入 活ā。25我實 在kā lín講，時teh-beh到，現 在就是à。死人會聽tio̍h上 主ê Kiáⁿ ê聲，聽tio̍h ê人就會koh活 起來。26因為天父本 身是活 命ê根 源，祂mā是án-ne hō͘ Kiáⁿ成 做活 命ê根 源。27 Koh因為Kiáⁿ是人 子，天父已經將審 判ê權 柄hō͘ Kiáⁿ。28 Lín m̄-thang感 覺tsit-ê tāi-tsì奇怪，因為時teh-beh到，所有tī墓 裡ê死人會聽tio̍h Kiáⁿ ê聲，tuì墓 裡出 來。29做好ê人會koh起來得tio̍h活 命，做pháiⁿ ê人會koh起來受 審 判定 罪。」
為耶穌做 證
30「我家己bē-tàng做 甚 麼，我照所聽tio̍h ê來 審 判。我ê審 判公 正，因為我無照 家己ê意思，是遵 照差 派我來Hit位ê旨意。31「我若為家己做 見 證，我ê見 證就無真實。32有另 外一個 人teh為我做 見 證，我 知伊為我所做ê見 證是真實。33 Lín bat派 人去見約 翰，伊有為真理做 見 證。34 M̄是我無需要人為我做 見 證，我講 起tsiah-ê tāi-tsì是beh hō͘ lín得-tio̍h救。35約 翰是一 葩teh to̍h teh照光ê燈，lín情 願暫 時享 受伊ê光。36 M̄-koh我有比約 翰khah有力ê見 證，因為天父所交帶我來 完 成ê tāi-tsì，就是我所teh做tsiah-ê工 作，thang來 見 證我是天父所 差 派來ê。37差 派我來ê天父mā bat為我做 見 證， lín從 來m̄-bat聽tio̍h祂ê聲，mā m̄-bat看tio̍h祂ê形 象。38 Lín無 將祂ê話khǹg tī心 內，因為lín m̄信差 派伊來ê Hit位。39 Lín研 究tsiah-ê聖 經，因為lín想 講hit中 間tshuē會tio̍h永 遠ê活 命，其實就是tsiah-ê聖 經teh為我做 見 證。40 Án-ne lín iáu-koh無beh來我tsia得tio̍h活 命。41我m̄是teh ài人o-ló。42 M̄-koh我bat lín bat kah有tshun，lín根 本無 疼上 主ê心。43我奉 我ê天父ê名來，lín無beh接 納 我；若有別 人奉家己ê名來，lín顛倒kā伊接 納。44 Lín大家互 相ài o-ló來o-ló去，m̄求tuì獨一上 主來ê稱 讚，án-ne lín ná會信 我？45 M̄-thang想 講我會tī天父ê面 前控 告lín，teh控 告lín ê是lín所 仰 望ê摩西。46 Lín若真 正有信摩西，mā會信 我，因為伊有記載我ê tāi-tsì。47伊寫ê冊lín都m̄信，ná會信 我ê話？」
|
|
|
轉寄