《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 約翰福音第十四章

作者 巴克禮普世版小組 2014.01.05


編號 3429 專欄 RevisedPKL 專欄編號 92 標題 巴克禮普世版（試讀本） 約翰福音第十四章 作者 巴克禮普世版小組 keyword subject 發表日期 2014.01.05 摘要或引言 M̄-koh beh hō͘世 間 人(sè-kan-lâng)知 影(tsai-iáⁿ)我 疼(guá thiàⁿ)天父(thiⁿ-pē)，mā有 照(ū tsiàu)天父(thiⁿ-pē)ê命 令(bīng-līng)去 做(khì tsò)。」「起來(khí-lâi)，咱(lán)來去(lâi-khì)。」 文章內容 耶穌(iâ-so͘)是(sī)道路(tō-lō͘)、真理(tsin-lí)、活 命(ua̍h-miā)

1耶穌(iâ-so͘)koh講(kóng)：「Lín ê心(sim)m̄-thang操 煩(tshau-huân)不安(put-an)，lín tio̍h信(sìn)上 主(siōng-tsú)，mā tio̍h信 我(sìn guá)。2我(guá)ê天父(thiⁿ-pē)ê厝(tshù)有真(ū tsin)tsē房 間(pâng-king)，我 去(guá khì)hia是(sī)beh kā lín準 備(tsún-pī)所 在(só͘-tsāi)。若無(nā-bô)，我(guá)bē kā lín講(kóng)tsiah-ê tāi-tsì。3我 去(guá khì)kā lín準 備(tsún-pī)所 在(só͘-tsāi)了 後(liáu-āu)，會(ē)koh tńg來(lâi)tshuā lín去(khì)我(guá)hia。我(guá)tī tó位(uī)，lín mā會(ē)tī hia。4我(guá)beh去(khì)tó位(uī)，lín知(tsai)hit-條(tiâu)路(lō͘)。」5多馬(to-má)kā耶穌(iâ-so͘)講(kóng)：「主(tsú)ah，阮(guán)都(to)m̄知(tsai)祢(lí)beh去(khì)ê所 在(só͘-tsāi)，ná會知(ē tsai)hit-條(tiâu)路(lō͘)？」6耶穌(iâ-so͘)kā伊(i)講(kóng)：「我是(guá sī)道路(tō-lō͘)、真理(tsin-lí)、活 命(ua̍h-miā)。若(nā)m̄是(sī)通 過(thong-kuè)我(guá)，無 人(bô-lâng)ē-tàng去 到(khì kàu)天父(thiⁿ-pē)hia。7 Lín若(nā)bat我(guá)，mā會(ē)bat天父(thiⁿ-pē)。Tuì taⁿ以後(í-āu)，lín會(ē)bat祂(i)，因為(in-uī)lín已經(í-king)有 看(ū khuàⁿ)tio̍h祂(i)。」8腓力(hui-li̍k)kā耶穌(iâ-so͘)講(kóng)：「主(tsú)ah，將(tsiong)天父(thiⁿ-pē)顯 示(hián-sī)hō͘阮(guán)看(khuàⁿ)，阮(guán)就會(tsiū-ē)滿 足(buán-tsiok)。」9耶穌(iâ-so͘)講(kóng)：「腓力(hui-li̍k)，我(guá)kah lín做(tsò)伙(hué)hiah-ni̍h久(kú)，你(lí)iáu m̄-bat我(guá)是無(sī-bô)？看(khuàⁿ)tio̍h我(guá)就是(tsiū-sī)看(khuàⁿ)tio̍h天父(thiⁿ-pē)，你(lí)ná會講(ē kóng)：『將(tsiong)天父(thiⁿ-pē)顯 示(hián-sī)hō͘阮(guán)看(khuàⁿ)？』10我(guá)tī天父(thiⁿ-pē)ê內面(lāi-bīn)，天父(thiⁿ-pē)mā tī我(guá)ê內面(lāi-bīn)，你(lí)m̄信(sìn)是無(sī-bô)？我(guá)kā lín講(kóng)ê話(uē)，m̄是(sī)出(tshut)tī我家己(guá ka-kī)，是(sī)天父(thiⁿ-pē)tiàm tī我(guá)內面(lāi-bīn)teh做(tsò)祂(i)家己(ka-kī)ê工(kang)。11 Lín tio̍h信 我(sìn guá)tī天父(thiⁿ-pē)內面(lāi-bīn)，天父(thiⁿ-pē)tī我(guá)內面(lāi-bīn)。若無(nā-bô)mā tio̍h因為(in-uī)我(guá)所做(só͘ tsò)ê tāi-tsì來信(lâi sìn)。12我(guá)實 在(si̍t-tsāi)kā lín講(kóng)，信 我(sìn guá)ê人(lâng)會做(ē tsò)我(guá)所做(só͘ tsò)ê tāi-tsì。甚 至(sīm-tsì)會做(ē tsò)koh-khah大(tuā)ê tāi-tsì，因為(in-uī)我(guá)beh tńg去(khì)天父(thiⁿ-pē)hia。13 Lín奉 我(hōng guá)ê名(miâ)無論(bô-lūn)求 甚 麼( kiû sím-mi̍h)，我(guá)lóng會賞賜(ē siúⁿ-sù)hō͘ lín。Thang hō͘天父(thiⁿ-pē)tuì Kiáⁿ得(tit)tio̍h榮 光(îng-kng)。14 Lín奉 我(hōng guá)ê名(miâ)無論(bô-lūn)求 甚 麼( kiû sím-mi̍h)，我(guá)lóng會賞賜(ē siúⁿ-sù)hō͘ lín。」


應允(ìng-ún)賜(sù)聖 神(sìng-sîn)

15 Lín若 疼(nā thiàⁿ)我(guá)，tio̍h守(siú)我(guá)ê誡 命(kài-bīng)。16我(guá)mā會(ē)tuì天父(thiⁿ-pē)求(kiû)，祂(i)會賜(ē sù)一個(tsi̍t-ê)保惠師(pó-huī-su)hō͘ lín，thang kah lín永 遠(íng-uán)同 在(tông-tsāi)。17 Tsit-ê保惠師(pó-huī-su)就是(tsiū-sī)真理(tsin-lí)ê聖 神(sìng-sîn)，世 間 人(sè-kan-lâng)bē-tàng接 納(tsiap-la̍p)祂(i)，因為(in-uī)in無 看(bô khuàⁿ)tio̍h祂(i)，mā m̄-bat祂(i)，m̄-koh lín bat祂(i)，因為(in-uī)祂(i)kah lín同 在(tông-tsāi)，koh會繼續(ē kè-sio̍k)tiàm-tī lín內面(lāi-bīn)。」18「我(guá)bē放(pàng)lín做(tsò)孤 單(ko͘-tuaⁿ)，我會(guá ē)koh tńg來(lâi)lín tsia。19 Koh無(bô)juā久(kú)，世 間 人(sè-kan-lâng)bē koh看(khuàⁿ)tio̍h我(guá)，m̄-koh lín會看(ē khuàⁿ)tio̍h我(guá)，因為(in-uī)我(guá)活(ua̍h)teh，lín mā會(ē)活(ua̍h)。20到(kàu)hit日(ji̍t)，lín會知(ē tsai)我(guá)tī我(guá)ê天父(thiⁿ-pē)內面(lāi-bīn)，lín tī我(guá)ê內面(lāi-bīn)，我(guá)mā tī lín內面(lāi-bīn)。」21接 受(tsiap-siū)我(guá)ê誡 命(kài-bīng)koh遵 守(tsun-siú)ê人(lâng)，就是(tsiū-sī)疼(thiàⁿ)我(guá)，疼(thiàⁿ)我(guá)ê人(lâng)會得(ē tit)tio̍h我(guá)ê天父(thiⁿ-pē)ê疼(thiàⁿ)，我(guá)mā會疼(ē thiàⁿ)伊(i)，koh將(tsiong)我(guá)本 身(pún-sin)顯 現(hián-hiān)hō͘伊(i)看(khuàⁿ)。」22猶大(iû-tāi)，m̄是(sī)hit-ê加 略 人(ka-lio̍k-lâng)，問耶穌(mn̄g iâ-so͘)講(kóng)：「主(tsú)ah，為甚 麼(uī-sím-mi̍h)祢(lí)beh將(tsiong)本 身(pún-sin)對 阮(tuì guán)顯 現(hián-hiān)，無(bô)beh對(tuì)世 間 人(sè-kan-lâng)顯 現(hián-hiān)？」23耶穌(iâ-so͘)應 講(ìn-kóng)：「疼(thiàⁿ)我(guá)ê人(lâng)會(ē)遵 守(tsun-siú)我(guá)ê道理(tō-lí)，我(guá)ê天父(thiⁿ-pē)會疼(ē thiàⁿ)伊(i)，天父(thiⁿ-pē)kah我(guá)會來(ē lâi)伊(i)hia kah伊(i)做(tsò)伙(hué)tuà。24無 疼(bô thiàⁿ)我(guá)ê人(lâng)bē遵 守(tsun-siú)我(guá)ê道理(tō-lí)，lín所聽(só͘ thiaⁿ)ê道理(tō-lí)m̄是(sī)我家己(guá ka-kī)ê話(uē)，是(sī)差 派(tshe-phài)我來(guá lâi)ê天父(thiⁿ-pē)ê話(uē)。25「我(guá)iáu kah lín做(tsò)伙(hué)ê時(sî)，有 將(ū tsiong)tsiah-ê話(uē)kā lín講(kóng)。26 M̄-koh保惠師(pó-huī-su)，就是(tsiū-sī)天父(thiⁿ-pē)用(īng)我(guá)ê名(miâ)beh差 派(tshe-phài)來(lâi)ê聖 神(sìng-sîn)，會 將(ē tsiong)一 切(it-tshè)ê tāi-tsì教示(kà-sī)lín，koh會(ē)hō͘ lín記得(kì-tit)我(guá)kā lín講(kóng)一 切(it-tshè)ê話(uē)。」27「我(guá)將(tsiong)平 安(pîng-an)留(lâu)hō͘ lín，我(guá)將(tsiong)我(guá)ê平 安(pîng-an)賜(sù)hō͘ lín，我(guá)hō͘ lín ê kah世 間 人(sè-kan-lâng)teh hō͘人(lâng)ê無 仝 款(bô kāng-khuán)。Lín ê心(sim)m̄-thang操 煩(tshau-huân)不安(put-an)，mā m̄免(bián)驚 惶(kiaⁿ-hiâⁿ)。28 Lín已經(í-king)聽(thiaⁿ)tio̍h我有(guá ū)kā lín講(kóng)：『我 去(guá khì)，會(ē)koh tńg來(lâi)lín tsia。』 Lín若 疼(nā thiàⁿ)我(guá)，就(tsiū)會因為(ē in-uī)我(guá)beh去(khì)天父(thiⁿ-pē)hia來歡 喜(lâi huaⁿ-hí)，因為(in-uī)天父(thiⁿ-pē)比我(pí guá)khah大(tuā)。29 Taⁿ tāi-tsì Iáu未(buē)發 生(huat-sing)，我(guá)先(sing)kā lín講(kóng)，hō͘ lín tī tāi-tsì發 生(huat-sing)ê時(sî)thang信(sìn)。30我(guá)bē koh kah lín講(kóng)真(tsin)tsē話(uē)，因為(in-uī)世間(sè-kan)ê統 治 者(thóng-tī-tsiá)teh-beh來(lâi)à，伊(i)bē-tàng對我(tuì guá)做 甚 麼(tsò sím-mi̍h)。31 M̄-koh beh hō͘世 間 人(sè-kan-lâng)知 影(tsai-iáⁿ)我 疼(guá thiàⁿ)天父(thiⁿ-pē)，mā有 照(ū tsiàu)天父(thiⁿ-pē)ê命 令(bīng-līng)去 做(khì tsò)。」「起來(khí-lâi)，咱(lán)來去(lâi-khì)。」