《Kahui ê Tâi-bûn Phû-tô-hn̂g》

 | | | 轉寄

Góa ê gōa-má

作者 Ko Ka-hui 2020.02.23

Góa ê gōa-má tshut-sì tī tsò-sit lâng tau, tsū sè-hàn tō khai-sí tàu tsò-sit, khau tsháu-á kap khan gû tsia̍h-tsháu, in-ūi i sè-hàn ê sî, tshù-lāi tsin sàn-tshiah, só͘-í bô tha̍k-tsheh, ji̍t-tsí tsin kan-khó͘, m̄-koh in-ūi tàu tsò-sit hō͘-I hùn-liān kah tsin kian-kiông , ji̍t-tsí mā sī tsit-kang tsit-kang kòe! A-má kóng, i tī 18 hòe ê sî tō khì tsò sió-kang；kōaⁿ thô͘-tsúi kā lâng khí-tshù. It-sim tō sī beh thàn khah tsē tsîⁿ--ê, hó thang tàu hōaⁿ-ke, i kóng tsò kah beh 24 hòe ê sî tsiah bô tsò, in-ūi hit-tsūn góa ê a-bú tī i ê pa̍k-tó͘ lāi, tit beh tshut-sì ah! Góa ê a-bú sī tióng-lú, i ū tsi̍t ê sió-tī kap 2 ê sió-mōe.
Thiaⁿ gún gōa-má kóng goán a-bú tsū sè-hàn tō sī háu-lâm-sîn koh tsiok ài tòe-lō͘--ê, tō tshiuⁿ lâng leh kóng--ê "ài khàu koh ài tòe-lō͘".Ōe koh kóng tò tǹg--lâi, gōa-má sī 24 hòe kè hō͘ gōa-kong--ê, kè bô gōa-kú tō ū-sin, āu-lâi seⁿ gún bú--á, tshōa gín-á ê kòe têng mā ài tsiok pa-kiat--ê. A-má koh kóng gōa-kong iah-bōe kiat-hun tsìn-tsêng tòa tī Bî-lô, kiat-hun liáu-āu tsiah puaⁿ-lâi Ko-hiông--ê, puaⁿ-lâi liáu tō khai-sí tsò sing-lí, bē tang-tiáⁿ-á seⁿ-ue thang hó ûi-tshî sing-ua̍h.
Góa hóng-mn̄g ê sî-tsūn i tú-á hó beh khai-sí bô-êng, m̄-koh A-má tsiok thiàⁿ--góa ê, mā-sī tsiap-siu góa ê hóng-mn̄g, góa kám-kak gún gōa-má sī tsi̍t ê ū tòng-thâu , giám-ngē koh kut-la̍t ê lú-sèng!









*刊tī台文罔報NO.306(2019/9月)