《Kahui ê Tâi-bûn Phû-tô-hn̂g》 |
 |
 |
|
 轉寄 |
做工ê爸母
作者 Ko Ka-hui 2022.08.26
Pún-tsiâⁿ góa tsí-sī tan-sûn siūⁿ beh pôe-ióng siá Tâi-gí-bûn ê iù-íⁿ, kiat-kó sòa hō͘ góa tsí-tō ê tē 3 ê ha̍k-sing ê kò͘-sū kám-tōng--tio̍h.
Góa tsí-tō ê tsit ê ha̍k-sing sī tsi̍t ê kian-kiông ê tsa-bó͘-gín-á, sī án-tsóaⁿ kóng--neh? In-ūi góa kā kóng, beh siá Tâi-gí si tsìn-tsêng, ài siūⁿ tsi̍t ê tsú-tê, mā ài ū it-tēng ê lōe-liông. I tō siá kóng, i ê A-pah sī tsò kang--ê, thàu-tsá bô-êng kàu àm, ah i ê A-bú tsò in A-pah ê tsō͘-lí, tō-sī it-ti̍t tsiap khang-khòe tsò. Ū sî A-tsik mā ē kap A-pah khì tsih-tsiap tsi̍t kóa sit-thâu, ke thàn kóa tsîⁿ.
It puaⁿ lâi kóng, tī khùn-khó͘ tiong tōa-hàn ê gín-á ē khah bat tāi-tsì. I seⁿ-tsò o͘-tiⁿ á o͘-tiⁿ, tsò tāi-tsì jīn-tsin koh téng-tsin, sī tsit ê ē-tàng hō͘ lāu-su o-ló ê gín-á. I koh kóng in tau sī A-má teh tsú-pn̄g hō͘ in tsia̍h, i lóng khòaⁿ tsāi gán-lāi. Sī-tōa-lâng bô-êng tshih-tshih, tō-sī beh hō͘ in kòe koh khah hó ê sing-ua̍h.
I kóng i ē jīn-tsin tha̍k-tsheh , tōa-hàn í-āu beh tshōe tsi̍t ê hó thâu-lō͘ lâi pò-tap pē-bú. Tsò tsi̍t ê lāu-su, thiaⁿ ha̍k-sing án-ne kóng, si̍t-tsāi ū-kàu kám-tōng--ê.
Góa tō-sī khoàn tio̍h i tùi Tiâ-gí ū hèng-tshù, tsiah siūⁿ kóng beh pôe-ióng i ê hèng-tshù, siūⁿ bōe kàu, suah thiaⁿ-tio̍h tsi̍t ê hō͘ lâng kám-sim ê kò͘-sū. Lāu-su ǹg-bāng lí ē-tàng kè-sio̍k phah-piàⁿ, tī lí ê bú-tâi téng ū ka-tī ê sêng-tsiū, ka-iû!
