《Kahui ê Tâi-bûn Phû-tô-hn̂g》 |
 |
 |
|
 轉寄 |
Góa kah-í tsò ê tāi-tsì
作者 Ko Ka-hui 2019.11.10
(Tē 1 pha) Góa kah-ì tsò ê tāi-tsì tsin tsē, tha̍k-tsheh、tōaⁿ kǹg-khîm、sàn-pō͘、thiaⁿ im-ga̍k、siá-tsok、tsò tshiú-gē phín、tsiūⁿ-bāng、se̍h-ke tsia--ê tāi-tsì góa lóng tsiok kah-ì--ê.
Góa tsi̍t hāng tsi̍t hāng kóng： Tē-it sī tha̍k-tsheh , góa tsiok kah-ì tha̍k-tsheh--ê, sui-bóng góa m̄ sī tha̍k-tsheh ê liāu , m̄-koh pêng-siông sî góa lóng ê khòaⁿ kok-tsióng bô-kâng khoán ê tsheh , pí-jû sió-suat、kàu-io̍k--ê、im-ga̍k--ê, iah koh ū Tâi-gí--ê , tsia--ê tsheh góa lóng kah-ì tha̍k. M̄-koh góa mā ē tha̍k pa̍t tsióng--ê, hôaⁿ-ti̍t tsí-iàu kòaⁿ tio̍h bē-bái--ê , lóng ē tha̍k.
Tē-jī, sī thiaⁿ im-ga̍k kap tōaⁿ kǹg-khîm；góa ta̍k-kang it-tēng ài thiaⁿ hia--ê, góa tsiok kah-ì thiaⁿ ê khik, ah koh ū tôaⁿ kǹg-khîm , sui-bóng góa m̄ sī tsū sè-hàn tō o̍h--ê, góa sī teh tha̍k tāi-ha̍k ê sî o̍h--ê, m̄-koh kn3g- khîm í-kēng sī góa ê hó-pêng-iú ah! Bô-lūn tī góa khoài-lo̍k ah sī siong-pi ê sî , lóng ē-tàng hō͘ góa pêng-tsēng ê sim-tsêng. Góa kah-ì tsò--ê tsia--ê tāi-tsì, hō͘ góa bē ko͘-tuaⁿ, tsin-tsiàn sī góa tsiok te̍k-pia̍t ê pe̍ng-iú lah! Góa sè-hàn ê sî tō tsiok ài ha̍k-si̍p--ê, mm̄-koán sī khòaⁿ tsheh ,tsò tsok-phín、o̍h tiān-náu、siá jī、tôaⁿ khîm ah sī ūn-tōng, góa lóng tsiok ū hèng-tshù--ê.
(Tē 2 pha) Nā kóng-tio̍h khua3N tsheh, góa tsua̍t-tùi sī pâi thâu miâ-ê, tik-pia̍t sī ài khòaⁿ kúi--â tsiòng lūi thàu-lām ê tsheh；ū thian-bûn、im-ga̍k、kò͘-sū tsheh、Ing-gí tsheh、sió-suat iah sī ang-á tsheh, góa lóng tsiok kah-ì khòaⁿ. Góa iū-kî sī ài khòaⁿ im-ga̍k ê tsheh；ē-kì-tit góa tha̍k sió-ha̍k ê sî, tsham-ka hap-tshiùⁿ-thoân pûn phín-á,in-ūi góa pûn liáu bē-bái, so͘-í tō ka-ji̍p siā-thoân kè-sio̍k liān.
Góa mā tsin gâu tsò tshiú-kang gē-phín, tshin-tshiūⁿ tsò hīⁿ-kau iah sī tsò ah-hue，góa lóng tsiok gâu--ê, tī góa tha̍k kok-tiong ê sî，sī kok-jī siā-thoân ah-hue-siā ê siā-tiúⁿ。 In-ūi tsò siā-tiúⁿ, tī lāi-té góa ke ōh-tio̍h tsin-tsē sin--ê mi̍h-kiāⁿ, si̍t-tsāi sī tsiok boán-tsiok--ê。 Góa mā tsin gâu pûn ga̍k-khì, m̄-koán sī phín-á、lap-pah、tshùi-khîm góa lóng ē hiáu, āu--āi góa teh tha̍k tāi-ha̍k ê sî, koh khì o̍h kǹg-khîm , koh ū siu kòe ha̍k-sing, ū tsit ê king-giām, góa mā kám-kak tsin huaⁿ-hí neh! Ha̍k-si̍p ē hō͘-lâng khoài-lo̍k. in-ūi góa ū kok-tsióng bô-kâng ê hèng-tshù , hō͘ góa ê sing-ua̍h tsing ka tsiok-tsē kong-tshái!
*刊佇台文罔報NO.295
