《Kahui ê Tâi-bûn Phû-tô-hn̂g》 |
 |
 |
|
 轉寄 |
Tâi-gí ián-káng
作者 Ko Ka-hui 2019.11.17
Tsit kái sī góa ka-kī beh pān ê Tâi-gí ián-káng, ūi-tio̍h Tâi-gí tō ài phah-piàⁿ, tshui-sak kap tshui-kóng lán ê bó-gí—Tâi-oân-ōe. Tsit kài tsham-ka ê lâng tsha-put-to ū tsa̍p gōa ê lâng o͘. Án-ne kóng khì--lâi, ká-sú siáu-liân--ê bâ-tsò, án-ne siáⁿ lâng ē khì tsò neh? Tsit kái ián-káng tsú-iàu sī Tâi-gí-bûn ê su-siá. Góa kám-kak Tâi-gí nā beh thn̂g-thòaⁿ--lo̍h-khì, tō sī siàu-liân-lâng ài khì o̍h, jî-tshiáⁿ mā ài ē-hiáu siá, in-ūi tsit ê kok-ka ê huat-tián, ka-kī ê bó-gí sī siōng pó-pòe--ê. Na-sī kan-taⁿ kóng kap thiaⁿ, he sī tsua̍t-tùi bô-kàu--ê. Só͘-í kóng--khì-lâi, góa ū tsit tsióng lêng-le̍k tō sī ài phah-piàⁿ khì tsò. Tsit pái góa kà ta̍k-ê jīn-bat Tâi-gí Lô-má-jī ê su-siá, tùi bó-im-kua kap tshòng-ì ê kua-iâu téng-téng, lâi tshōa ta̍k-ê ji̍p-mn̂g, khòaⁿ Lô-má-jī ê sè-kài. Tsia-ê kà-huat lóng-sī góa ê Tâi-gí lāu-su ê pó-pòe, góa tsí-sī kan-nā siūⁿ beh kā tsit ê pó-pòe kóng hō͘ ta̍k-ê tsai-iáⁿ. Ǹg-bāng í-āu koh ū ki-hōe ūi Tâi-gí ho̍k-bū, mā ē-tàng hō͘ A-to̍k-á tsai-iáⁿ lán Tâi-oân ê gí-giân, hō͘ Tâi-gí khiā-tī sè-kài ê tâi-á-téng!
Tsit kài ián-káng ū lâng kiàn-ì ē-tàng iōng Tâi-gí kua lâi ín-khì ta̍k ê hèng-tshù, koh ū hái-pò ē-tàng tsù-bêng sī bián-hùi--ê, án-ne ta̍k ê khah tsai-iáⁿ lâi thiaⁿ.Tsin-tsiàⁿ to-siā ta̍k ê ê kiàn-ī, hō͘ góa āu-kài pān ua̍h-tāng ē-tàng koh khah tsim-tsiok--leh!
