《Kahui ê Tâi-bûn Phû-tô-hn̂g》 |
 |
 |
|
 轉寄 |
Ài-tsêng lin-long-se̍h
作者 Ko Ka-hui 2019.12.01
（Tē 1 pha） “A-bí lí hó, góa sī A-suat, ah lí tsòe-kīn hó--bô?”A-suat kóng. “Góa tsòe-kīn bô hó neh！Kám-kak tsiok bái--ê !”A-bí kóng kah tsiok siong-pi--ê. “Góa tō hō͘ tsa-po͘ phiàn, kám-kak ū kàu siong-sim--ê! ” A-bí lú kóng lú sè-siaⁿ. “A-bí, tōe tsit ê tsa-po͘ kā lí tsia̍h-tsheⁿ-kha, góa tshōe i sǹg-siàu!! ”A-suat kóng kah tsiok siūⁿ-khì--ê.
“Aih, góa tō siuⁿ gōng-tuh-tuh, à tsún kóng i sī ài góa--ê, kiat-kó góa huat-hiān i ū lú-pêng-iú--á, góa khah kám-kak hō͘ phiàn khì ah!” A-bí kóng kah lâu ba̍k-sái. “A-bí, góa hām lí kau-tsêng mā beh 10 tang ah, lí hit ê sî-tsūn thài-ē bô tshōe góa kóng neh?”A-suat kóng kah tsiok kiaⁿ-hiâⁿ--ê. “Aih ah, ài tio̍h khah tshám-sí lah! ”Hiông-hiông A-tiok tshut-hiān tī pīⁿ-á teh tōa-siaⁿ kóng! Tsit ê sî-tsūn , A-bí kap A-suat sa-lóng-bô , A-tiok sī siáⁿ-mi̍h sî-tsūn puh tshut-lâi lah! In lóng hō͘ A-tiok-á kiaⁿ kiaⁿ--tio̍h! “Aih iah, lín ê táⁿ ū kàu sè lia̍p--ê, góa tsí sī kā sū-si̍t kóng --tshut-lâi niâ , kám-kóng góa ū kóng m̄-tio̍h o͘h?”A-tiok kài sêng kóng kah tsiok tshio-tiô--ê. “A-tiok--á, lí si̍t-tsāi sī hoⁿh………m̄-tsai beh án-tsóaⁿ kóng lí neh?”A-suat sim-lāi sī ū tsi̍t-tiám-á siū-khì. A-bí khòaⁿ-tio̍h hit ê súi-bīn ê A-tiok , sī kui pak-tó͘ hóe , sim-lāi siūⁿ:“Lí tsit kho͘ tsin-tsiàⁿ tsiok siūⁿ beh kā i pa--lo̍h-khì--ê!” Tsit ê sî-tsūn A-tiok khòaⁿ in N̄g ê lâng ê bīn-tshiuⁿ tsiok pháiⁿ khòaⁿ--ê , tō siūⁿ beh suan--ah.
（Tē 2 pha） A-tiok teh siūⁿ-khang siūⁿ-phāng beh tshòng-tī A-bí, kiat-kó suah hō͘ A-suat khòaⁿ-phòa kha-tshiú, A-suat sī tsi̍t ê thâu-khak tsiok hó ê lâng, i tsá tō tsai-iáⁿ A-tiok á siūⁿ beh pìⁿ-khang. Tsit sî, lâm-tsú-kak tshut-hiān--ah, hit ê phiàn A-bí ê lâng tō sī i , miâ kiò tsò Phòng-hong. Hit ê Phòng-hong ta̍k ūi khì khi-phiàn tsô͘ gín-á, A-bí tō sī kî tiong tsi̍t-ê.
Hit ê A-tiok á khòaⁿ--tio̍h Phòng-hong lâi ah, kóaⁿ-kín kā i giú khì piⁿ-á, sè-siaⁿ kā kóng: “Eh, lí m̄-sī bô lú-pêng-iú?thài--ē kā A-bí--á phiàn ah! Lí kám tsai-iáⁿ i khàu kah sì-liân-sûi, sòa--lo̍h-lâi lí beh án-tsóaⁿ bīn tùi i leh?”A-tiok kî-si̍t mā ē hoân-ló, in-ūi i tī àm-tiong teh kah-ì A-suat, i bô siūⁿ beh hō͘ A-suat ê hó-pêng-iú kan-khó͘, siūⁿ beh khah ū bīn-tsú--ê.
（Tē 3 pha） A-bí kap A-suat kiâⁿ-tī lō͘-tiong, N̄g ê lâng lóng teh siūⁿ, siūⁿ kóng beh án-ná tshut tsi̍t kháu khùi. Kiâⁿ leh kiâⁿ leh, tī uat-kak ê tsa̍p-sè-tiàm tú tio̍h Phòng-hong, tsi̍t sî A-bí kòaⁿ-tio̍h i sī kui pak-tó͘ hóe, i koh m̄-tsai-iáⁿ Phòng-hong kā phiàn kóng i ū lú-pêng-iú ê tāi-tsì. Tsit siaⁿ nā-sī hō͘ A-bí tsai-iáⁿ, i tō tshuah teh tán ah! Jî-tshiáⁿ tsit ê mā m̄-sī tsin-tsiàⁿ ê lú-pêng-iú. Tng-tong in koh teh siūⁿ ê sî-tsūn, hit ê kóng sī Phòng-hong ê“ Lú-pêng-iú”ê ko͘-niû--á tī tùi-bīn ê hāng-á-káu ta̍uh ta̍uh-á kiâⁿ hiòng in 3 ê lâng! Phòng-hong khòaⁿ m̄ sī-sè, tō kóaⁿ-kín suan-tsáu ah! Hit ê kóng sī Phòng-hong ê lú-pêng-iú miâ kiò tsò A-hue. A-bí khòaⁿ--tio̍h A-hue , ka-tī kám-kak：“I hiah nī súi, góa pí bē kòe i lah！”Kî-si̍t A-bí kan-taⁿ khòaⁿ kòe i tsi̍t bīn niā-niā, tsit sî A-suat siūⁿ kóng, hit ê Phòng-hong sī tshut-ūn ah o͘h! Hiah-nī súi ê tsa-bó͘ ta̍k ê m̄-káⁿ siong-sìn sī i ê lú-pêng-iú! Siūⁿ-kóng i sī-m̄-sī kā ta̍k ê phiàn! Kā ta̍k ê phiàn kah lin-long-se̍h, tsí ū A-tiok--á tsai-iáⁿ sū-si̍t.
（Tē 4 pha） Tī tsit ê ho̍k-tsa̍p ê 4 ê lâng, tsha-put-to 20 hòe ê ài, in sī beh án-tsóaⁿ kè-sio̍k--lo̍h-khì neh? Kám-tsêng sī tsin ho̍k-tsa̍p--ê, taⁿ in tsiah tsai-iáⁿ siáⁿ-mi̍h sī tsin ê iah sī ké--ê. M̄-koh kóng--tio̍h Phòng-hong i ê hêng-ûi si̍t-tsāi tsiok bô èng-kai--ê. A-suat āu--lâi kap A-bí--á tsok tshè-sim--á, A-bí mā tsai-iáⁿ, in koh hôe-ho̍k in ê tsèng-siông ê sing-ua̍h ah!
＊刊tī台文罔報NO.290(2018/5月)
