《台語kah魔術》

 | | | 轉寄

元宵節0115

作者 蘇晏德 2024.02.18

元宵節(台語文) 蘇晏德

正月十五元宵節
Tsiaⁿ-gue̍h tsa̍p-gō͘ Goân-siau-tseh
廟口搬戲人真濟
Biō-kháu puaⁿ-hì lâng tsin-tsē
全家備辦圓仔粞
Tsoân-ke pī-pān îⁿ-á-tshè
手攑鼓燈來遊街
Tshiú gia̍h kóo-ting lâi iû-ke

正月十五是上元
Tsiaⁿ-gue̍h tsa̍p-gō͘ sī Siōng-goân
全家團圓真溫暖
Tsoân-ke thoân-îⁿ tsin un-loán
大大細細來下願
Tōa-tōa-sè-sè lâi hē-goān
祈求上帝佑台灣
Kî-kiû Siōng-tè iū Tâi-oân

正月十五來平溪
Tsiaⁿ-gue̍h tsa̍p-gō͘ lâi Pêng-khe
十分老街有夠kheh
Tsa̍p-hun-lāu-ke ū-kàu kheh
下願天燈四界飛
Hē-goān thian-ting sì-kè pe
平安喜樂元宵暝
Pêng-an hí-lo̍k Goân-siau-mê

正月十五來鹽水
Tsiaⁿ-gue̍h tsa̍p-gō͘ lâi Kiâm-tsúi
鹽水蜂炮像霆雷
Kiâm-tsúi phang-phàu tshiūⁿ tân-lûi
元宵暗暝有夠媠
Goân-siau àm-mê ū-kàu súi
親像大開的花蕊
Tshin-tshiūⁿ tōa-khui ê hue-lúi