《台語kah魔術》

 | | | 轉寄

0808感謝阿爸

作者 蘇晏德 2023.08.06

感謝阿爸(台語文) 蘇晏德

八月初八阿爸節
Peh-gue̍h tshe-peh Hū-tshin-tseh
感謝偉大的老爸
Kám-siā úi-tāi ê lāu-pē
辛苦付出為全家
Sin-khó͘ hù-tshut ūi tsoân-ke
文武雙全逐項會
Bûn-bú siang-tsoân ta̍k-kang ē

父親佳節愛感恩
Hū-tshin ka-tsiat ài kám-un
囝兒序細著孝順
Kiáⁿ-jî sī-sè tio̍h hàu-sūn
阿爸是咱的後盾
A-pah sī lán ê āu-tún
犧牲奉獻為囝孫
Hi-sing hōng-hiàn ūi kiáⁿ-sun

阿爸親像一座山
A-pah tshin-tshiūⁿ tsi̍t-tsō suaⁿ
流出性命的水泉
Lâu-tshut sèⁿ-miā ê tsúi-tsôaⁿ
愛心溫暖阮心肝
Ài-sim un-loán goán sim-kuaⁿ
無你生活欲按怎
Bô lí sing-ua̍h beh án-tsóaⁿ

阿爸恬恬無出聲
A-pah tiām-tiām bô tshut-siaⁿ
拄著風雨攏毋驚
Tú-tio̍h hong-hō͘ lóng m̄-kiaⁿ
為囝將來一直拚
Ūi kiáⁿ tsiong-lâi it-ti̍t piàⁿ
逐工辛苦為細囝
Ta̍k-kang sin-khó͘ ūi sè-kiáⁿ