《台語kah魔術》

 | | | 轉寄

中元普渡0715

作者 蘇晏德 2023.08.27

中元普渡(台語文)

七月十五是中元
Tshit-gue̍h tsa̍p-gō͘ sī Tiong-goân
好兄弟仔來伸冤
Hó-hiaⁿ-tī-á lâi sin-uan
家家戶戶咧下願
Ke-ke-hō͘-hō͘ teh hē-goān
請伊安心入黃泉
Tshiáⁿ i an-sim ji̍p hông-tsoân

中元普渡大拜拜
Tiong-goân phó͘-tō͘ tōa pài-pài
祈求平安閣消災
Kî-kiû pêng-an koh siau-tsai
好兄弟仔請你來
Hó-hiaⁿ-tī-á tshiáⁿ lí lâi
有魚有肉嘛有菜
Ū hî ū bah koh ū tshài

食飽所費提去開
Tsia̍h-pá só͘-hūi the̍h khì khai
你的心聲阮攏知
Lí ê sim-siaⁿ goán lóng tsai
請你毋通共阮害
Tshiáⁿ lí m̄-thang kā goán hāi
予阮健康兼發財
Hō͘ goán kiān-khong kiam huat-tsâi

黃泉路上雖無奈
Hông-tsoân lō͘-siōng sui bô-nāi
只要耐心來等待
Tsí-iàu nāi-sim lâi tán-thāi
祝你圓滿去投胎
Tsiok lí oân-boán khì tâu-thai
來到快樂的世界
lâi kàu khoài-lo̍k ê sè-kài