《台語kah魔術》

 | | | 轉寄

0903軍人節

作者 蘇晏德 2023.09.03

軍人節(台語文) Kun-jîn-tseh

九月初三軍人節 Káu-gue̍h tshe-saⁿ Kun-jîn-tseh
軍人訓練足嚴格 Kun-jîn hùn-liān tsiok giâm-keh
文武雙全逐項會 Bûn-bú siang-tsoân ta̍k-hāng ē
規年辛苦愛鼓勵 Kui-nî sin-khó͘ ài kó͘-lē

戰爭軍人上前線 Tsiàn-tsing kun-jîn tsiūⁿ tsêng-sòaⁿ
予咱倚靠敢若山 Hō͘ lán óa-khò kán-ná suaⁿ
In做盾牌擋砲彈 In tsò tūn-pâi tòng phàu-pôaⁿ
功勞實在有夠大 Kong-lô si̍t-tsāi ū-kàu tōa

軍人訓練愛精良 Kun-jîn hùn-liān ài tsing-liông
接受命令愛服從 Tsiap-siū bēng-lēng ài ho̍k-tsiông
聽著號令趕緊衝 Thiaⁿ-tio̍h hō-lēng kóaⁿ-kín tshiong
In是國家的英雄 In sī kok-ka ê ing-hiông

保國衛民靠軍人 Pó-kok ūi-bîn khò kun-jîn
為著國家來獻身 Ūi-tio̍h kok-ka lâi hiàn-sin
處理代誌愛頂真 Tshú-lí tāi-tsì ài téng-tsin
完成任務愛趕緊 Oân-sêng jīm-bū ài kóaⁿ-kín