《台語kah魔術》

| | | 轉寄

0501勞動節

勞動節(台語文) Lô-tōng-tseh

五月初一勞動節 Gō͘-gue̍h tshe-it Lô-tōng-tseh
勞工辛苦無怨慼 Lô-kang sin-khó͘ bô oàn-tsheh
上山落海拚經濟 Tsiūⁿ-suaⁿ lo̍h-hái piàⁿ king-tsè
日日經營為著家 Ji̍t-ji̍t king-êng ūi-tio̍h ke

經濟起飛靠勞工 King-tsè khí-pue khò lô-kang
感謝勞工鬥相共 Kám-siā lô-kang tàu-sio-kāng
起造幸福的美夢 Khí-tsō hēng-hok ê bí-bāng
台灣快樂來出帆 Tâi-oân khoài-lo̍k lâi tshut-phâng

勞工國家的資產 Lô-kang kok-ka ê tsu-sán
辛苦付出無怨嘆 Sin-khó͘ hù-tshut bô oàn-thàn
國家修法定專案 Kok-ka siu-huat tēng tsuan-àn
法律健全保平安 Huat-lu̍t kiān-tsoân pó pêng-an

勞動條件愛週全 Lô-tōng tiâu-kiāⁿ ài tsiu-tsoân
大眾勞工的心願 Tāi-tsiòng lô-kang ê sim-goān
逐工辛苦無平凡 Ta̍k-kang sin-khó͘ bô pêng-hoân
日夜拍拚為台灣 Ji̍t-iā phah-piàⁿ ūi Tâi-oân