《台語kah魔術》

 | | | 轉寄

0422世界地球日做環保

作者 蘇晏德 2023.04.16

世界地球日做環保(4月22日)
世上美景攏佇遮 Sè-siōng bí-kéng lóng tī tsia
界說傳報靠記者 Kài-suat thoân-pò khò kì-tsiá
地面會當種甘蔗 Tē-bīn ē-tàng tsèng kam-tsià
球徑漫延有影跡 Kiû-kèng bān-iân ū iáⁿ-tsiah
日常三餐欲靠誰 Ji̍t-siông sam-tsham beh khò tsiâ
做好環保揣劣者 Tsò hó khoân-pó tshōe luat-tsiá
環保先生我姓謝 Khoân-pó sian-siⁿ góa sèⁿ tsiā
保全逐家有通食 Pó-tsoân ta̍k-ke ū thang tsia̍h
※註明：作者毋是姓謝，因為配合台語八聲調

世界人類做中央 Sè-kài jîn-lūi tsò tiong-iong
界限無邊人認養 Kài-hān bô-pian lâng jīn-ióng
地上水影會倒映 Tē-tsiūⁿ tsúi-iáⁿ ē tò-iòng
球根綿延來相約 Kiû-kin biân-iân lâi siong-iok
日月星辰展笑容 Ji̍t-gua̍t tsheⁿ-sîn tián tshiò-iông
做好環保身體勇 Tsò hó khoân-pó sin-thé ióng
環保用品人人用 Khoân-pó iōng-phín lâng-lâng iōng
保護動物通生育 Pó-hō͘ tōng-bu̍t thang sing-io̍k