《巴克禮普世版聖經（試讀本）》

 | | | 轉寄

巴克禮普世版（試讀本） 哥林多前書第八章

作者 巴克禮普世版小組 2015.02.22

Tsè Ngó͘-siōng ê Tsia̍h-mi̍h
1 Kuan-hē tsè ngó͘-siōng ê mi̍h. Lán tsai lán lóng ū tì-sik. Tì-sik ē hō͘ lâng kiau-ngō͘, m̄-koh thiàⁿ-sim ē tsō-tsiâⁿ lâng. 2 Lâng nā siūⁿ-kóng i ū tì-sik, kî-si̍t i iáu-buē tsai i ing-kai tsai-.ê. 3 Thiàⁿ Siōng-Tsú ê lâng tsiū-sī Siōng-Tsú só͘ bat ê lâng. 4 Só͘-í kuan-hē tsia̍h tsè ngó͘-siōng ê mi̍h, lán tsai sè-kan ê ngó͘-siōng lóng m̄-sī tsin-.ê. Lán mā tsai Siōng-Tsú tsí-ū tsi̍t-ê, í-guā bô pa̍t-ê. 5 Sui-jiân tī thiⁿ-tíng á-sī tī tē-tsiūⁿ ū hō͘ lâng kiò-tsò "sîn" ê, tshin-tshiūⁿ ū tsin-tsē sîn-bîng, tsin-tsē tsú. 6 M̄-koh lán tsí ū tsi̍t-ê Siōng-Tsú, tsiū-sī Thiⁿ-Pē, bān-bu̍t lóng tuì I lâi tshòng-tsō, lán mā uī-tio̍h I lâi ua̍h. Lán tsí-ū tsi̍t-ê Tsú Iâ-so͘ Ki-tok, bān-bu̍t lóng thong-kuè I lâi tshòng-tsō, lán mā thong-kuè I lâi sing-tsûn. 7 M̄-koh m̄-sī ta̍k-lâng lóng ū tsit-tsióng tì-sik. Ū-lâng pài ngó͘-siōng kuàiⁿ-sì, kàu taⁿ tsia̍h hit-ê mi̍h ê sî siūⁿ-kóng sī teh tsia̍h ngó͘-siōng ê mi̍h. In ê liông-sim luán-jio̍k, siūⁿ-kóng án-ne tsiū hō͘ hit-khuán tsia̍h-mi̍h bak-tio̍h lah-sap. 8 Kî-si̍t tsia̍h-mi̍h bē hō͘ lán khah tsiap-kīn Siōng-Tsú. Bô tsia̍h bô sún-sit; tsia̍h, ū tsia̍h mā bô khah lī-ik. 9 M̄-koh lán tio̍h kín-sīn, m̄-thang lín án-ne tsò tsiâⁿ-tsò nńg-tsiáⁿ ê lâng ê sìn-gióng tsó͘-gāi. 10 Nā ū-lâng liông-sim nńg-tsiáⁿ, khuàⁿ-tio̍h lín tsiah-ê ū tì-sik ê lâng tsē tī ngó͘-siōng ê biō-lāi lim-tsia̍h, án-ń kám m̄-sī teh kó͘-lē liông-sim nńg-tsiáⁿ ê lâng khì tsia̍h tsè ngó͘-siōng ê mi̍h? 11 Hit-ê nńg-tsiáⁿ ê sìn-tô͘ mā sī Ki-tok thè i sí ê lâng, ē in-uī lín ê tì-sik lâi bia̍t-bông. 12 Lín án-ne tsò sī tik-tsuē lín ê hiaⁿ-tī á-sī tsí-muē, siong-tio̍h in nńg-tsiáⁿ ê liông-sim tsiū-sī tik-tsuē Ki-tok. 13 Só͘-í nā tsia̍h-mi̍h ē hō͘ guá ê hiaⁿ-tī á-sī tsí-muē ê sìn-gióng siū tsó͘-gāi, guá tsua̍t-tuì m̄ tsia̍h tsè ngó͘-siōng ê mi̍h, tsiah bián hō͘ in tī sìn-gióng-siōng