《巴克禮普世版聖經（試讀本）》

 | | | 轉寄

巴克禮普世版（試讀本） 約翰二書第一章

作者 巴克禮普世版小組 2016.12.19

請 安(tshíng-an)
1我(guá)做 長老(tsò tiúⁿ-ló)，寫(siá)phue寄(kià)hō͘上 主(siōng-tsú)揀 選(kíng-suán)ê夫人(hu-jîn)kah她(i)ê kiáⁿ兒(jî)，我(guá)真 心(tsin-sim)疼(thiàⁿ)lín；m̄-nā我(guá)，所有(só͘-ū)bat真理(tsin-lí)ê人(lâng)mā lóng疼(thiàⁿ)lín。2因為(in-uī)有真理(ū tsin-lí)tiàm tī咱(lán)ê心 內(sim-lāi)，mā會(ē)永 遠(íng-uán)kah咱(lán)同 在(tông-tsāi)。3願(guān)天父(thiⁿ-pē)上 主(siōng-tsú)kah天父(thiⁿ-pē)ê Kiáⁿ耶穌基督(iâ-so͘ ki-tok)，賜咱(sù lán)恩 典(un-tián)、憐 憫(liân-bín)kah平 安(pîng-an)，hō͘咱(lán)ê生 活(sing-ua̍h)充 滿(tshiong-muá)真理(tsin-lí)kah疼 心(thiàⁿ-sim)。

真理(tsin-lí)Kah疼 心(thiàⁿ-sim)
4我(guá)真 歡 喜(tsin huaⁿ-hí)看 見(khuàⁿ-kìⁿ)你(lí)ê kiáⁿ兒(jî)中 間(tiong-kan)，有人(ū lâng)teh遵 行(tsun-hîng)天父(thiⁿ-pē)ê誡 命(kài-bīng)，tī真 理 中(tsin-lí tiong)生 活(sing-ua̍h)。5親 愛(tshin-ài)ê夫人(hu-jîn)，taⁿ我(guá)懇 求(khún-kiû)你(lí)，大家(tāi-ke)tio̍h相 疼(sio-thiàⁿ)。我寫(guá siá)án-ne hō͘你(lí)，m̄是(sī)新(sin)ê誡 命(kài-bīng)，是咱(sī lán)tuì起 頭(khí-thâu)to̍h領受(niá-siū).ê。6咱 照(lán tsiàu)上 主(siōng-tsú)ê誡 命(kài-bīng)生 活(sing-ua̍h)，就是(tsiū-sī)相 疼(sio-thiàⁿ)，tsit-ê誡 命(kài-bīng)是(sī)lín tuì起 頭(khí-thâu)to̍h聽(thiaⁿ)tio̍h-.ê。7有真(ū tsin)tsē迷 惑 人(bê-hi̍k lâng)ê pián-sian-á來到(lâi-kàu)tsit世間(sè-kan)，in m̄承 認(sîng-jīn)耶穌基督(iâ-so͘ ki-tok)成 做 人(tsiâⁿ-tsò lâng)降 臨(kàng-lîm)世間(sè-kan)；tsit款(khuán)人(lâng)teh迷 惑 人(bê-hi̍k lâng)，mā kah基督(ki-tok)做 對敵(tsò tuì-ti̍k)。8 Lín tio̍h謹慎(kín-sīn)，tsiah bē失去(sit-khì)咱(lán)勞苦(lô-khó͘)ê成 果(sîng-kó)，反(huán)tńg會得(ē tit)tio̍h滿 滿(muá-muá)ê報賞(pò-siúⁿ)。9無(bô)堅 守(kian-siú)koh偏 離(phian-lī)基督(ki-tok) 教示(kà-sī)ê人(lâng)，眼 中(gán-tiong)無(bô)上 主(siōng-tsú)；堅 守(kian-siú)教示(kà-sī)ê人(lâng)，tsiah有(ū)kah天父(thiⁿ-pē)以及(í-ki̍p)Kiáⁿ結 聯(kiat-liân)。10若有人(nā ū lâng)去(khì)lín hia無 傳( bô thuân)tsit-ê教示(kà-sī)，m̄-thang接 納(tsiap-la̍p)伊(i)入去(ji̍p-khì)lín ê厝(tshù)，mā m̄-thang kā伊(i)請 安(tshíng-an)，11因為(in-uī)若(nā)kā伊(i)請 安(tshíng-an)，伊(i)所做(só͘ tsò)ê pháiⁿ tāi-tsì mā有(ū)你(lí)ê份(hūn)。

最 後(tsuè-āu)ê請 安(tshíng-an)
12我有(guá ū)真(tsin)tsē tāi-tsì beh kā lín講(kóng)，m̄-koh無(bô)ài用 紙(īng tsuá)kah筆(pit)：我(guá)khah ǹg望(bāng)去(khì)lín hia，當面(tng-bīn)做(tsò)伙(hué)講(kóng)，thang hō͘咱(lán)ê歡 喜(huaⁿ-hí)充 滿(tshiong-muá)。13 Kah你(lí)平 平(pêⁿ-pêⁿ)受 上 主(siū siōng-tsú)揀 選(kíng-suán)ê姊 妹(tsí-muē)ê kiáⁿ兒(jî)，mā kā你(lí)請 安(tshíng-an)。