《巴克禮普世版聖經（試讀本）》

 | | | 轉寄

巴克禮普世版（試讀本） 約翰三書第一章

作者 巴克禮普世版小組 2016.12.26

1 Guá tsò tiúⁿ-ló, siá phue kià hō͘ tshin-ài ê Ka-iû, lí sī guá tī Tsú-lāi só͘ thiàⁿ-.ê. 2 Tshin-ài ê hiaⁿ-tī, guá tsiok lí bān-sū hing-thong sin-thé ióng-kiāⁿ, tshin-tshiūⁿ lí ê sim-sîn hiah-ni̍h kiān-tsuân. 3 Ū hiaⁿ-tī lâi tsia kā guá tsìng-si̍t lí tuì tsin-lí tiong-si̍t. Kî-si̍t lí it-ti̍t ū tsiàu tsin-lí teh sing-ua̍h, guá tsin huaⁿ-hí. 4 Guá thiaⁿ-tio̍h guá ê kiáⁿ-jî ū tsiàu tsin-lí teh sing-ua̍h, bô pí tse koh-khah hō͘ guá huaⁿ-hí ê tāi-tsì.

Tshing-tsàn Kai-iû
5 Tshin-ài ê hiaⁿ-tī, lí tiong-si̍t khuán-thāi hiaⁿ-tī á-sī tsí-muē, sīm-tsí tuì tshut-guā-lâng mā án-ne. 6 In bat tī tsia ê huē-tsiòng bīn-tsîng kiàn-tsìng lí ê thiàⁿ-sim. Tshiáⁿ lí tsiàu Siōng-Tsú só͘ huaⁿ-hí ê pang-tsō͘ in kè-sio̍k in ê lí-thîng. 7 In-uī in uī-tio̍h Ki-tok ê miâ tshut-guā thuân hok-im, lóng bô tuì bī-sìn-tsiá tsiap-siū sím-mi̍h. 8 Só͘-í lán ing-kai tsiap-thāi tsit-khuán lâng, án-ne thang kah in uī-tio̍h tsin-lí lâi-tsò tâng-kang.

Tiu-ti̍k-hui Kah Tí-bí-tiu
9 Guá bat siá tsi̍t-tiuⁿ kán-tan ê phue hō͘ kàu-huē, m̄-koh ài-beh tsò thâu-lâng ê Tiu-ti̍k-hui bô beh tsiap-la̍p guá ê uē. 10 Só͘-í guá nā khì lín hia, beh thê-khí i īng pháiⁿ-uē kong-kik guán ê tāi-tsì. M̄-nā án-ne, i pún-sin m̄ tsiap-thāi sìn-tô͘, sīm-tsì tsó͘-tòng hiah-ê ài-beh tsiap-thāi ê lâng, suà kā in kuáⁿ-tshut kàu-huē. 11 Tshin-ài ê hiaⁿ-tī, m̄-thang o̍h pháiⁿ, tio̍h o̍h hó. Tsò-hó ê lâng sio̍k Siōng-Tsú, tsò-pháiⁿ ê lâng m̄-bat khuàⁿ-tio̍h Siōng-Tsú. 12 Tsìng-lâng lóng o-ló Tí-bí-tiu, tsin-lí pún-sin mā uī i tsò-tsìng. Guán mā uī i tsò kiàn-tsìng, lí tsai guán ê kiàn-tsìng sī tsin-si̍t. 13 Tsuè-āu ê Tshíng-an Guá iáu-ū tsin-tsē tāi-tsì ài-beh kā lí kóng, m̄-koh bô ài īng pit kè-sio̍k siá. 14 Guá ǹg-bāng bô-kú ē-tàng khì lí hia, lán tsiah lâi tng-bīn kóng. 15 Guān lí pîng-an! Lí tī tsia ê pîng-iú lóng kā lí tshíng-an. Tshiáⁿ thè guá kā muí-tsi̍t-ê pîng-iú tshíng-an.