《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十七章

作者 巴克禮普世版小組 2014.01.26

Iâ-so͘ kóng tsiah-ê, tsiū kia̍h ba̍k ǹg thiⁿ, kóng, Pē ah, sî kàu lah; goān lí êng-kng lí ê Kiáⁿ, thang hō͘ Kiáⁿ êng-kng lí; Iâ-so͘ Uī Bûn-tô͘ Kî-tó Iâ-so͘ kóng tsiah-ê uē liáu-āu, gia̍h thâu ǹg thiⁿ, kóng, "Thiⁿ-Pē ah, sî í-king kàu à. Guān Lí îng-iāu Lí ê Kiáⁿ, thang hō͘ Kiáⁿ mā ē-tàng îng-iāu Lí. 2 tshin-tshiūⁿ lí bat hō͘ Kiáⁿ ū koân tī-lí kìⁿ ū jio̍k-thé ê, beh hō͘ I tsiong éng-ua̍h siúⁿ-sù kìⁿ-nā lí só͘ hō͘ I ê lâng. Lí ū tsiong thóng-tī bān-bîn ê kuân-pìng siúⁿ-sù hō͘ Kiáⁿ, hō͘ I ē-tàng tsiong íng-uán ê ua̍h-miā siúⁿ-sù it-tshè Lí kau-tài I ê lâng. 3 Tsit ê éng-ua̍h, tsiū-sī bat lí to̍k-it tsin ê Siōng-tè, kap lí só͘ tshe ê Iâ-so͘ Ki-tok. Íng-uán ê ua̍h-miā tsiū-sī jīn-bat Lí sī to̍k-it tsin ê Siōng-Tsú, koh jīn-bat Lí só͘ tshe-phài lâi ê Iâ-so͘ Ki-tok. 4 Góa í-king êng-kng lí tī tōe-tsiūⁿ; tsiū-sī lí só͘ kau-tāi góa kiâⁿ ê kang, góa í-king tsiâⁿ i. Guá í-king tī tē-tsiūⁿ uân-sîng Lí kau-tài Guá ê kang lâi îng-iāu Lí à. 5 Pē ah, taⁿ tio̍h hō͘ góa kap lí saⁿ-kap ū êng-kng, tsiū-sī bē ū sè-kan í-tsêng góa kap lí saⁿ-kap ū ê êng-kng. Thiⁿ-Pē ah, taⁿ kiû Lí hō͘ Guá tī Lí ê bīn-tsîng tit-tio̍h îng-iāu, tsiū-sī tshòng-tsō sè-kan í-tsîng Guá kah Lí tsò-hué ū ê îng-iāu."

6 Lí só͘ siúⁿ-sù góa tshut tī sè-kan ê lâng, góa í-king ēng lí ê miâ tùi in hián-bêng; in pún sī lí ê, lí ēng in siúⁿ-sù góa; in ia̍h í-king siú lí ê tō-lí. " Lí tuì sè-kan kíng-suán tshut-lâi hō͘ Guá ê lâng, Guá í-king ū tsiong Lí ê miâ tuì in hián-bîng. In guân-pún sī Lí ê, Lí tsiong in siúⁿ-sù hō͘ Guá. In mā í-king ū tsun-siú Lí ê tō-lí. 7 Taⁿ in tsai kìⁿ-nā lí só͘ hō͘ góa ê, lóng sī tùi lí lâi; Taⁿ in tsai Lí hō͘ Guá ê ta̍k-hāng lóng sī tuì Lí lâi-.ê. 8 in-ūi lí só͘ hō͘ góa ê ōe, góa í-king hō͘ in; in sêng-siū i, ia̍h khak-si̍t tsai góa tùi lí tshut, koh sìn lí tshe góa. In-uī Guá ū tsiong Lí hō͘ Guá ê sìn-sit thuân hō͘ in. In ū tsiap-siū hiah-ê sìn-sit, mā khak-si̍t tsai Guá sī tuì Lí hia lâi, koh ū sìn sī Lí tshe-phài Guá lâi."

9 Góa ūi-tio̍h in kiû; m̄ sī ūi-tio̍h sè-kan kiû, tsiū-sī ūi-tio̍h lí só͘ hō͘ góa ê lâng; in-ūi in sī lí ê. " Guá uī-tio̍h in tuì Lí kî-kiû, m̄-sī uī-tio̍h sè-kan-lâng kiû, sī uī-tio̍h Lí hō͘ Guá ê lâng lâi kiû, in-uī in sī Lí-.ê. 10 Kìⁿ-nā góa ê, tsiū-sī lí ê; lí ê, tsiū-sī góa ê; koh góa tī in ū tit-tio̍h êng-kng. Guá ê it-tshè lóng sī Lí ê, Lí ê it-tshè mā lóng sī Guá-.ê. Guá koh ū thong-kuè in tit-tio̍h îng-iāu. 11 Taⁿ liáu-āu góa bô tī sè-kan; in tī sè-kan, góa kui tī lí. Sèng ê Pē ah, goān lí tī lí ê miâ, tsiū-sī lí só͘ hō͘ góa ê, lâi pó-siú in, hō͘ in tsòe tsi̍t-ê, tshin-tshiūⁿ lán tsi̍t iūⁿ. Guá bô koh tiàm tī sè-kan, m̄-koh in iáu tī sè-kan. Sìng ê Thiⁿ-Pē ah, guān Lí īng Lí ê miâ, tsiū-sī Lí hō͘ Guá ê, lâi pó-siú in, thang hō͘ in tsiâⁿ-tsò tsi̍t-thé, tshin-tshiūⁿ lán sī tsi̍t-thé. 12 Góa kap in tī-teh ê sî, bat tī lí ê miâ, tsiū-sī lí só͘ hō͘ góa ê, lâi pó-siú in; góa ia̍h ū tsiàu-kò͘ in, kî-tiong bô tsi̍t-ê tîm-lûn; tsí ū hit ê tîm-lûn ê lâng nā-tiāⁿ, hō͘ sèng-king tit-tio̍h èng-giām. Guá kah in tsò-hué ê sî, bat hōng Lí ê miâ, tsiū-sī Lí hō͘ Guá ê, lâi pó-siú in. Tû-liáu hit-ê tsù-tīng tîm-lûn ê lâng í-guā, Guá mā ū tsiàu-kò͘ in, hō͘ in lóng bô tîm-lûn, án-ne sī beh hō͘ Sìng-king ê uē tit-tio̍h ìng-giām. 13 Taⁿ góa tsiū-kūn lí; góa iáu tiàm sè-kan kóng tsiah ê ōe, beh hō͘ in ū góa ê huaⁿ-hí móa-móa tī in ê sim-lāi. Taⁿ guá khì Lí hia. Guá iáu tiàm sè-kan ê sî kóng tsiah-ê uē, sī beh hō͘ in sim-lāi tshiong-muá Guá ê huaⁿ-hí. 14 Góa í-king tsiong lí ê tō-lí hō͘ in; sè-kan oàn-hūn in, in-ūi in bô sio̍k sè-kan, tshin-tshiūⁿ góa bô sio̍k sè-kan. Guá ū tsiong Lí ê tō-lí thuân hō͘ in, sè-kan-lâng uàn-hūn in, in-uī in bô koh sio̍k tsit sè-kan, tshin-tshiūⁿ Guá bô sio̍k tsit sè-kan. 15 Góa m̄ sī kiû lí hō͘ in tshut sè-kan, tsiū-sī pó-siú in thuat-lī pháiⁿ-ê. Guá m̄-sī kiû Lí tshuā in lī-khui tsit sè-kan, sī teh kiû Lí pó-siú in thuat-lī hit-ê siâ-ok. 16 In bô sio̍k sè-kan, tshin-tshiūⁿ góa bô sio̍k sè-kan. In bô koh sio̍k tsit sè-kan, tshin-tshiūⁿ Guá bô sio̍k tsit sè-kan. 17 Goān lí ēng tsin-lí hō͘ in tsiâⁿ-sèng; lí ê tō-lí tsiū-sī tsin-lí. Kiû Lí īng tsin-lí kā in sìng-huà, Lí ê uē tsiū-sī tsin-lí. 18 Tshin-tshiūⁿ lí tshe góa ji̍p sè-kan, góa ia̍h ū tshe in ji̍p sè-kan. Tshin-tshiūⁿ Lí ū tshe-phài Guá ji̍p sè-kan, Guá mā ū tshe-phài in ji̍p sè-kan. 19 Góa ūi-tio̍h in lâi tsòe sèng, hō͘ in ia̍h tùi tsin-lí lâi tsiâⁿ-sèng. Taⁿ Guá uī-tio̍h in lâi sìng-huà Guá ka-kī hō͘ Lí īng, thang hō͘ in mā ē-tàng thong-kuè tsin-lí lâi sìng-huà in ka-kī hō͘ Lí īng."

20 Góa m̄ nā ūi-tio̍h tsiah ê lâng kiû, ia̍h ūi-tio̍h tùi in ê ōe lâi sìn góa ê lâng kiû; " Guá m̄-nā uī-tio̍h tsiah-ê lâng kî-kiû, mā uī-tio̍h tuì tsiah-ê lâng só͘ thuân ê tō-lí lâi sìn Guá hiah-ê lâng kî-kiû. 21 hō͘ in lóng tsòe tsi̍t-ê; tshin-tshiūⁿ Pē, lí tiàm-tī góa, góa tiàm-tī lí, hō͘ in ia̍h án-ni tiàm-tī lán; tsiū hō͘ sè-kan sìn lí tshe góa. Thang hō͘ in lóng tsiâⁿ-tsò tsi̍t-thé. Thiⁿ-Pē ah, tshin-tshiūⁿ Lí tiàm-tī Guá lāi-bīn, Guá tiàm-tī Lí lāi-bīn. Kiû Lí hō͘ in mā án-ne tiàm-tī lán lāi-bīn, thang hō͘ sè-kan-lâng siong-sìn, sī Lí tshe-phài Guá lâi. 22 Lí só͘ hō͘ góa ê êng-kng, góa í-king hō͘ in; hō͘ in tsòe tsi̍t-ê, tshin-tshiūⁿ lán ê tsòe tsi̍t-ê; Lí hō͘ Guá ê îng-iāu, Guá mā ū hō͘ in, thang hō͘ in tsiâⁿ-tsò tsi̍t-thé, tshin-tshiūⁿ lán sī tsi̍t-thé. 23 góa tiàm-tī in, lí tiàm-tī góa, hō͘ in ōe oân-tsoân lâi tsòe tsi̍t-ê; hō͘ sè-kan tsai lí tshe góa, ia̍h tsai lí thiàⁿ in tshin-tshiūⁿ thiàⁿ góa tsi̍t iūⁿ. Guá tī in lāi-bīn, Lí tī Guá lāi-bīn, sī beh hō͘ in ē-tàng uân-tsuân tsiâⁿ-tsò tsi̍t-thé, thang hō͘ sè-kan-lâng tsai, sī Lí tshe-phài Guá, mā tsai Lí ū thiàⁿ in tshin-tshiūⁿ Lí ū thiàⁿ Guá."

24 Pē ah, lí só͘ hō͘ góa ê, góa ài in tī góa só͘ tī-teh ê só͘-tsāi, ia̍h kap góa saⁿ-kap tī hia; hō͘ in khòaⁿ-kìⁿ lí só͘ siúⁿ-sù góa ê êng-kng; in-ūi tshòng-tsō sè-kan í-tsêng lí í-king thiàⁿ góa. " Thiⁿ-Pē ah, Lí kau-tài Guá hiah-ê lâng, Guá bô-lūn tī tó-uī lóng ài in kah Guá tsò-hué tī hia, thang hō͘ in khuàⁿ-tio̍h Lí siúⁿ-sù Guá ê îng-iāu, in-uī Lí tī tshòng-tsō sè-kan í-tsîng to̍h í-king thiàⁿ Guá. 25 Gī ê Pē ah, sè-kan bē bat lí; to̍k-to̍k góa ū bat lí; tsiah ê lâng ia̍h bat lí ū tshe góa; Kong-gī ê Thiⁿ-Pē ah, sè-kan-lâng m̄-bat Lí, m̄-koh Guá bat Lí. Tsiah-ê lâng mā tsai Lí ū tshe-phài Guá. 26 góa bat ēng lí ê miâ tsí-sī in, koh beh tsí-sī in; hō͘ lí thiàⁿ góa ê thiàⁿ-thàng tiàm-tī in, góa ia̍h tiàm-tī in. Guá í-king ū hō͘ in bat Lí ê miâ, mā beh kè-sio̍k tsí-sī in. Thang hō͘ Lí tuì Guá ê thiàⁿ-thàng tī in lāi-bīn, Guá mā tī in lāi-bīn."