《聖經故事三字詩》

| | | 轉寄

20 Pó-lô....保羅

Lūn Pó-lô, ha̍k-būn hó,
論保羅,學問好,
Bô tsū-ko, ài o-ló;
無自高,愛謳咾;

Ki-tok tō, sì-kuè pò,
基督道,四界報,
Siū bû-kò, kuà thih-só,
受誣告,掛鐵索,
Tsē kaⁿ-lô, ia̍h thuân-tō;
坐監牢,亦傳道;

Tsì-khì ko, ián buē tó,
志氣高,偃未倒,
Sit tsì bô, ū Tsú khò,
失志無,有主靠,
Lâng khuàⁿ pó, i pùn-sò;
人看寶,他畚埽;

Káng Tsú hó, thuân Tsú tō,
講主好,傳主道,
Tsia̍h iā hó, khùn iā hó,
食也好,睏也好,

Ū á bô, lóng bô thó,
有抑無,攏無討,
Lîng-hûn pó, tē-it hó.
靈魂保,第一好。

Ū tsi̍t tso, tī kaⁿ-lô,
有一遭,佇監牢,
Tîng-tîng só, ki̍k lo-so;
重重鎖,極嚕嗦;

Tshiùⁿ-kua hô, tē-tāng tò,
唱歌和,地動到,
Tn̄g thih-só, mn̂g-tshuàⁿ lo̍h,
斷鐵索,門栓落,

Lô-tsu̍t hô, sim-thâu tso,
牢卒號,心頭懆,
Kaⁿ-nih tsō, in bô tô,
監裡坐,[人因]無逃,

Bián tong to, bián huân-ló,
免動刀,免煩惱,
Án-tsuáⁿ tsò, sìn Tsú pò,
按怎做,信主報,
Tsuân-ke khò, sìⁿ-miā pó.
全家靠,性命保。