《聖經故事三字詩》

 | | | 轉寄

7. Tshian-suá .... 遷徙

作者 Tân Tshing-tsùn 2008.12.28

Siōng-tè siaⁿ, lī-khui siâⁿ,
上帝聲， 離開城，

Beh tshòng siáⁿ, án-tsuáⁿ kiâⁿ,
欲創啥？ 按怎行？

M̄ tsai-iáⁿ, sim-thâu kiaⁿ;
不知影，心頭驚；

A-pik-lân, tsin uî-lân,
亞伯蘭，真為難，

Sìn tsiū an, Sîn pang-tsān;
信就安，神幫贊；

Tshut Ngó͘-ní, Hap-lân khì,
出吾耳，哈蘭去，

Lāu-pē sí, koh tshian lī,
老父死，復遷離；

Sìng-tuâⁿ khí, Tsú pó-pì;
聖壇起，主保庇。

Ji̍p Ka-lâm, pho-tô kam,
入迦南，葡萄甘，

Tsuí-tsháu tâm, Jîn-tsióng lām;
水草 [水昝] *，人種濫，

Kiⁿ-hng kám, koh lo̍h lâm,
饑荒感，復落南，

Ai-ki̍p àm, suí-bó͘ khàm,
埃及暗，婧**某蓋、

Ông lām-sám, Lú-sik tham,
王濫滲，女色貪，

Siōng-tè hám, khi-phiàn kàm.
上帝撼，欺騙鑑；

Sàng sú-lú, Ǹg pak hù,
送使女，向北赴，

Tiāⁿ-tio̍h tshù, Ka-lām ku.
定著厝，迦南居。

* 濕 ** 美