《押韻啟應詩篇》

 | | | 轉寄

台語押韻啟應詩篇 94

作者 Tīⁿ Jî-gio̍k 2007.12.03

94

1a　Iâ-hô-hua sin-uan ê Siōng-tè ah ,
　　耶 和 華 伸 冤 的 上 帝 啊，

1b　　　Sin-uan ê Siōng-tè ah, kiû Lí hián-tshut kng tshin-tshiūⁿ sih-nà.
　　　　伸 冤 的 上 帝 啊, 求 你 顯 出 光 親 像 閃 電。

2a　Sím-phuàⁿ sè-kài ê Tsú ah , kiû Lí khí--lâi huê-ìng;
　　審 判 世 界 的 主 啊，求 你 起 來 回 應；

2b　　　Hō͘ kiau-ngō͘ ê lâng siū ing-kai siū ê pò-ìng.
　　　　使 驕 傲 的 人 受 應 該 受 的 報 應。

3a　Iâ-hô-hua ah , pháiⁿ-lâng beh juā-kú ah ?
　　耶 和 華 啊，歹 人 要 偌 久 啊？

3b　　　Pháiⁿ-lâng tik-sìng tāi-ia̍t, beh juā-kú ah ?
　　　　歹 人 得 勝 大 悅，要 偌 久 啊？

4a　In suî-piān kóng, kiau-ngō͘ ê uē tsiàu kóng,
　　伊 隨 便 講， 驕 傲 的 話 照 講，

4b　　　It-tshè kiâⁿ-pháiⁿ ê lâng lóng ka-kī phín-phóng.
　　　　一 切 行 歹 的 人 攏 自 己 品 捧。

5a　Iâ-hô-hua ah, in ap-tsè Lí ê peh-sìⁿ;
　　耶 和 華 啊，伊 壓 制 你 的 百 姓；

5b　　　Khó͘-tshó͘ Lí ê sán-gia̍p ê tsing-siⁿ .
　　　　苦 楚 你 的 產 業 的 畜 牲。

6a　In thâi-sí tsiú-kuáⁿ-lâng kap tshut-guā-lâng;
　　伊 殺 死 守 寡 人 及 出 外 人；

6b　　　Koh hāi-sí ko͘-jî khin-sang khin-sang. 　　
　　　　又 害 死 孤 兒 輕 鬆 輕 鬆。

7a　In kóng,“ Iâ-hô-hua tik-khak bô khuàⁿ--kìⁿ,
　　伊 講，「耶 和 華 的 確 無 看 見，

7b　　　Ngá -kok ê Siōng-tè tik-khak bô tì -ì . ”
　　　　雅 各 的 上 帝 的 確 無 致 意。」

8a　Lín peh-sìⁿ-tiong tsing-siⁿ hit-khuán ê lâng tio̍h siūⁿ lah,
　　恁 百 姓 中 畜 牲 彼 款 的 人 著 想 啦，

8b　　　Gû-gōng ê lâng kàu tī -sî tsiah ū tì -huī ah ?
　　　　愚 戇 的 人 到 底 時 才 有 智 慧 啊？

9a　An-tì hī-khang--ê , tsóng bô I bô thiaⁿ--kìⁿ ?
　　安 置 耳 孔 者，總 無 祂 無 聽 見？

9b　　　Tshòng-tsō ba̍k-tsiu--ê , tsóng bô I buē khuàⁿ--kìⁿ mah?
　　　　創　　造 目 珠 者，總 無 祂 不 看 見 嗎？

10a　Kàu-tok lia̍t-pang--ê , tsiū-sī hō͘ lâng tit-tio̍h tì -sik--ê ,
　　　教 督 列 邦 者，就 是 使 人 得 著 智 識 者，

10b　　　Tsóng bô I buē hiáu pān-lí thiⁿ-ē ?
　　　　　總 無 祂 不 曉 辦 理 天 下？

11a　Iâ-hô-hua tsai lâng ê sim-su ,
　　　耶 和 華 知 人 的 心 思，

11b　　　Tsai in sī khang-khang bô͘-sū .
　　　　　知 伊 是 空 空 謀 事。

12a　Iâ-hô-hua ah , Lí só͘ kàu-tok, koh īng Lí ê lu̍t-huat só͘ kà-sī--ê ,
　　　耶 和 華 啊，你 所 教 督，又 用 你 的 律 法 所 教 示 者，

12b　　　Hit-ê lâng ū hok-khì kàu hō͘ -è .
　　　　　彼 個 人 有 福 氣 到 後 裔。

13a　Beh hō͘ i tī huān-lān ê ji̍t tit-tio̍h pîng-an ,
　　　要 使 他 在 患 難 的 日 得 著 平 安，

13b　　　Nā-sī uī-tio̍h pháiⁿ-lâng khui hām-khiⁿ teh tán .
　　　　　若 是 為 著 歹 人 開 陷 坑 在 等。

14a　In-uī Iâ-hô-hua tik-khak bô khì-sak I ê peh-sìⁿ;
　　　因 為 耶 和 華 的 確 無 棄 捨 祂 的 百 姓；

14b　　　Ia̍h bô tsiong I ê sán-gia̍p pàng-lī .
　　　　　亦 無 將 祂 的 產 業 放 離。

15a　In -uī sím-phuàⁿ beh tsiàu kong-gī ,
　　　因 為 審 判 要 照 公 義，

15b　　　Sim tsìng-ti̍t ê lâng beh lóng tè I .
　　　　　心 正 直 的 人 要 攏 跟 祂。

16a　Siáⁿ-lâng beh uī guá khí--lâi kong-kik pháiⁿ-lâng?
　　　誰 人 要 為 我 起 來 攻 擊 歹 人 ？

16b　　　Siáⁿ-lâng beh uī guá khiā--khí-lâi kong-kik kiâⁿ tsuē-ok ê lâng?
　　　　　誰 人 要 為 我 立 起 來 攻 擊 行 罪 惡 的 人？

17a　Nā m̄-sī Iâ-hô-hua pang-tsān guá pîng-an ,
　　　若 不 是 耶 和 華 幫 助 我 平 安，

17b　　　Tsiū guá ê sîn-hûn khuài-khuài tiàm tī líng-tsīng ê tiong-kan.
　　　　　就 我 的 神 魂 快 快 站 在 冷 靜 的 中 間。

18a　Guá kóng, guá ê kha tio̍h-tak peh buē khí--lâi ,
　　　我 講， 我 的 腳 著 觸 爬 不 起 來，

18b　　　Iâ-hô-hua ah , hit-sî Lí ê tsû-ài hû-tshî guá khí--lâi .
　　　　　耶 和 華 啊，彼 時 你 的 慈 愛 扶 持 我 起 來。

19a　Guá ê sim tsuē-tsuē iu-būn khuà-lū bô hí-lo̍k,
　　　我 的 心 多 多 憂 悶 掛 慮 無 喜 樂，

19b　　　Lí ê an-uì tsiū hō͘ guá ê sim-sîn khuài-lo̍k.
　　　　　你 的 安 慰 就 使 我 的 心 神 快 樂。

20a　Kan-ok ê ông tsō-uī khò-sè ,
　　　奸 惡 的 王 坐 位 靠 勢，
　　ká-tsià lu̍t-lē , kè-bô͘ tsân-hāi--ê ,
　　　假 借 律 例，計 謀 殘 害 的，

20b　　　Kiám uē kap Lí kau-thong hó-sè ?
　　　　　豈 會 與 你 交 通 好 勢？

21a　In tāi-ke tsū-tsi̍p, kong-kik gī-lâng ê sìⁿ-miā;
　　　伊 大 家 聚 集， 攻 擊 義 人 的 性 命；

21b　　　Tsiong bô-tsuē ê lâng tīng sí-tsuē beh hāi-miā.
　　　　　將　　無 罪 的 人 定 死 罪 要 害 命。

22a　Tsóng-sī Iâ-hô-hua pîng-sî tsuè guá ê kuân-tâi ;
　　　總 是 耶 和 華 平 時 做 我 的 高 台；

22b　　　Guá ê Siōng-tè tsuè guá tô-siám ê tsio̍h-puâⁿ tsiū tsū-tsāi.
　　　　　我 的 上 帝 做 我 逃 閃 的 石 磐 就 自 在。

23a　Tsú hō͘ in ê tsuē-ok kui tī in ê sin-tsiūⁿ bô kiám khin,
　　　主 使 伊 的 罪 惡 歸 在 伊 的 身 上 無 減 輕，

23b　　　In tī kiâⁿ-pháiⁿ ê sî , I beh tsâu-bia̍t in ;
　　　　　伊 在 行 歹 的 時，祂 要 剿 滅 伊；

　　　　IÂ-HÔ-HOA LÁⁿ Ê SIŌNG-TÈ BEH CHAU5-BIA̍T Iⁿ.
　　　　　耶 和 華 咱 的 上 帝 要 剿 滅 伊。